ཉེ་ཆར། ལྕགས་ཟམ་ཁ་ནས་སྲིབ་སྨད་བར་གྱི་མྱུར་ལམ་ལེགས་འགྲུབ་ཀྱི་མཐའ་མའི་དུས་མཚམས་སུ་སླེབས་ཤིང་། མྱུར་ལམ་འདིའི་སུམ་འགག་མདོ་ནས་དུང་དཀར་ལུང་པ་བར་གྱི་སྤྱི་ལེ49ཡི་ལམ་ངོས་ཧྲིལ་པོ་ལེགས་འགྲུབ་བྱུང་ནས་རླངས་འཁོར་ཤར་གཏོང་བྱ་རྩིས་ཡོད་པ་རེད།

    མིག་སྔར་ལྕགས་སྲིབ་མྱུར་ལམ་ལས་ལྕགས་ཟམ་རྫོང་གི་མངའ་ཁོངས་སུ་ཡོད་པའི་ལམ་མཚམས་ཀྱི་ལམ་གཞིའི་ལས་གྲྭ་བརྒྱ་ཆ100དང་། ལམ་ངོས་ལས་གྲྭ་བརྒྱ་ཆ98། ཟམ་པའི་ལས་གྲྭ་བརྒྱ་ཆ100། ཕུག་ལམ་ལས་གྲྭ་བརྒྱ་ཆ100། འཛུགས་སྐྲུན་ལས་གྲྭ་བརྒྱ་ཆ97། འཕྲུལ་གློག་ལས་གྲྭ་བརྒྱ་ཆ95། ལྗང་འགྱུར་ལས་གྲྭ་བརྒྱ་ཆ97བཅས་ཁྱོན་ཡོངས་ནས་ལེགས་འགྲུབ་བྱུང་ཡོད།

    ལྕགས་སྲིབ་མྱུར་ལམ་ལས་ལྕགས་ཟམ་རྫོང་གི་མངའ་ཁོངས་ཀྱི་ལམ་མཚམས་དུ་རླངས་འཁོར་ཤར་གཏོང་ཐུབ་རྗེས། ཁྲེང་ཏུའུ་ནས་དུང་དཀར་ལུང་པའི་ལྗོངས་ཁུལ་བར་གྱི་ལམ་ཧྲིལ་པོ་མྱུར་ལམ་དུ་གྱུར་ནས་དུས་ཚོད་གསུམ་ཙམ་གྱི་ལམ་ཐག་ཇེ་ཐུང་དུ་གཏང་ཐུབ་རྒྱུ་རེད།