ཉེ་ཆར། འདབ་པ་རྫོང་གིས“དུས་རབས་གསར་པའི་ན་གཞོན་བཟང་པོས་གསར་བརྗེའི་གཏམ་རྒྱུད་བཤད”ཅེས་པའི་གཙོ་དོན་གཏམ་བཤད་འགྲན་སྡུར་སྤེལ།

    བྱེད་སྒོར་འགྲན་ཞུགས་པ་ཚོས“དུས་རབས་གསར་པའི་གཞོན་ནུ་བཟང་པོས་གསར་བརྗེའི་གཏམ་རྒྱུད་བཤད་པའི”གཙོ་དོན་ལ་དམིགས་ནས། ཕྱོགས་མང་པོའི་ཐོག་ནས་བརྗོད་གཞི་འདེམས་པ་དང་། མི་ངོ་མ། བྱ་བ་ངོ་མ། སྐད་ཆ་ངོ་མ། གནས་ཚུལ་ངོ་མ་བཅས་ཀྱི་རྩ་དོན་རྒྱུན་འཁྱོངས་ཏེ། གསར་བརྗེའི་གཏམ་རྒྱུད་དང་ལས་རིགས་སྡེ་ཁག་གིས་གཉིས་བཀུར་ལས་དོན་སྤེལ་བའི་ཁྲོད་ཀྱི་དཔེ་མཚོན་བྱས་རྗེས་དེ་གཏམ་རྒྱུད་ཐུང་ཐུང་དང་གནས་ལུགས་གོ་བདེ་བའི་ངང་ནས་གཏམ་བཤད་བྱས་པ་རེད།   

   ཤེས་རྟོགས་བྱུང་བར་གཞིགས་ན། ཐེངས་འདིའི་གཏམ་བཤད་འགྲན་སྡུར་དུ་སློབ་ཆུང་ཚོགས་པ་དང་སློབ་འབྲིང་ཚོགས་པ་གཉིས་སུ་ཕྱེ་ཡོད། ཁྱོན་སློབ་མ22འགྲན་སྡུར་དུ་ཞུགས་ཤིང་།  དྲང་གཞག་གི་ངང་ནས་ཡུལ་དངོས་སུ་སྐར་གྲངས་དཔྱད་བསྡུར་བྱས་པ་བརྒྱུད་བྱ་དགའ་ཨང་དང་པོ1དང་། བྱ་དགའ་ཨང་གཉིས་པ2  བྱ་དགའ་ཨང་གསུམ་པ3བདམས་ཐོན་བྱུང་། ཚོགས་ཆུང་ཁག་གི་ཨང་དང་པོ་དང་ཨང་གཉིས་པའི་བྱ་དགའ་ཐོབ་མཁན་ཚོ་འདབ་པ་རྫོང་གིས“གསར་བརྗེའི་འགྲེལ་བཤད་པ་ཆུང་ཆུང”དུ་གདན་ཞུ་བྱ་རྒྱུ་རེད།

   ཐེངས་འདིའི་འགྲན་སྡུར་ནང་རྒྱལ་གཅེས་རིང་ལུགས་ཀྱི་སྙིང་སྟོབས་དར་སྤེལ་བཏང་བ་དང་སློབ་གྲོགས་ཚོའི་རྒྱལ་གཅེས་ཀྱི་བརྩེ་སེམས་འཕེལ་ཞིང་དད་སེམས་དང་ཡིད་ཆེས་དེ་བས་བརྟན་དུ་བཏང་ཡོད། “གསར་བརྗེའི་གཏམ་རྒྱུད”རེ་རེས་གཞོན་ནུ་ལོ་ཆུང་གི་ཁྲོད་དུ་ཡང་དག་པའི་འཇིག་རྟེན་ལྟ་བ་དང་མི་ཚེའི་ལྟ་བ། རིན་ཐང་ལྟ་བ་བཅས་ཆགས་ཐུབ་ཡོད།

གསར་འགོད་པ།  ཚེ་རིང་སྒྲོལ་མ་དང་ཚེ་རིང་གིས་བསྒྱུར། 

རྩོམ་སྒྲིག་པ། རྟ་མགྲིན་རྡོ་རྗེ།