ཉེ་ཆར།འགྲིམ་འགྲུལ་སྐྱེལ་འདྲེན་པུའུ་དང་ཞིང་ལས་གྲོང་གསེབ་པུའུ། རྒྱལ་ཁབ་སྦྲག་སྲིད་ཅུས་བཅས་ཀྱིས་ཁྱབ་བསྒྲགས་བྱས་པའི་རྒྱལ་ཡོངས་ཀྱི་ཁག་བཞི་པའི་ཞིང་སྡེའི་ཡག་པོ་བཞིའི་གཞུང་ལམ་དཔེ་སྟོན་རྫོང་གསར་དུ་འཛུགས་པའི་མཇུག་འབྲས་ཁྱབ་བསྒྲགས་བྱས་པ་སྟེ། རྫོང་རིམ་པས་གོང་ཞུ་དང་ཞིང་ཆེན་རིམ་པས་ཞིབ་དཔྱད། ཆེད་རམས་པས་ཞིབ་དཔྱད། གསར་སྐྲུན་སྡེ་ཁག་གཏན་ཁེལ། དཔྱད་དཔག་དང་ཞིབ་བཤེར་རྩིས་ལེན། མཇུག་འབྲས་སྤྱི་བསྒྲགས་སོགས་ཀྱི་གོ་རིམ་བརྒྱུད་རང་ཁུལ་གྱི་གསེར་རྟ་རྫོང་རྒྱལ་ཡོངས་ཀྱི་ཁག་བཞི་པའི་ཞིང་སྡེའི་ཡག་པོ་བཞིའི་གཞུང་ལམ་དཔེ་སྟོན་རྫོང་གསར་འཛུགས་ཐུབ་པར་བྱུང་།

ཉེ་བའི་ལོ་ཤས་རིང་གསེར་རྟ་རྫོང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཞིང་སྡེའི་ཡག་པོ་བཞིའི་གཞུང་ལམ་སྐོར་གྱི་མཆན་བཀོད་མཛུབ་སྟོན་གལ་ཆེན་ལག་ལེན་མཐར་ཕྱིན་བསྟར་བ་དང་།འགྲིམ་འགྲུལ་སྐྱེལ་འདྲེན་པུའུ་ཡིས་རོགས་སྐྱོར་ཤུགས་ཆེན་གནང་འོག། ཞིང་ཆེན་ཏང་ཨུ་དང་ཁུལ་ཨུ། འགྲིམ་འགྲུལ་སྐྱེལ་འདྲེན་སྡེ་ཁག་གི་སེམས་ཁུར་དང་རྒྱབ་སྐྱོར་འོག་འགྲིམ་འགྲུལ་སྔོན་སྤེལ་གྱི་འཐབ་ཇུས་སྔོན་དུ་ལག་བསྟར་ཤུགས་ཆེན་བྱེད་པ་དང་། ཞིང་སྡེའི་ཡག་པོ་བཞིའི་གཞུང་ལམ་གྱི་སྣེ་ཁྲིད་དང་སྐུལ་ཁྲིད་ནུས་པ་འདོན་སྤེལ་བྱས་ནས་སི་ཁྲོན་དང་མཚོ་སྔོན་འབྲེལ་མཚམས་ས་ཁུལ་གྱི་འགྲིམ་འགྲུལ་བདེ་པོ་བཟོས་པ་དང་།མང་ཚོགས་འགྲོ་སྐྱོད་སྟབས་བདེ་དང་འགྲིམ་འགྲུལ་ལ་འགྱུར་ལྡོག་ཆེན་པོ་བྱུང་བ་རེད།