གསེར་རྟ་ཝུན་ཅང་སེམས་པ་གཅིག་ཏུ་སྦྲེལ། རོགས་སྐྱོར་ཞབས་རྗེས་ས་མཐོའི་ཡུལ་དུ་བཞག

    གངས་ལྗོངས་ཉི་གཞོན།    2022-11-17

   ཁ་བའི་འདབ་མ་མཐོ་སྒང་དུ་ལྷུང་དུས། ལྷིང་འཇགས་སུ་གནས་ན། ད་གཟོད་ཁྱོས་ཁ་བའི་དབྱངས་རྟ་ཐོས་ཐུབ། རྒྱང་རིང་དུ་དཀར་པོའི་གོས་ཀྱིས་བཀླུབས་པའི་ལྷུན་པོ་གྲལ་ལྟར་བསྒྲིགས་ཤིང་། ཞིབ་ཏུ་བལྟས་པ་ན་རི་བོའི་ཁྲོད་དུ་ནོར་གནག་འགུལ་བཞིན་ཡོད་པ་མཐོང་། གཞུང་ལམ་དུ་དར་འཁྱགས་བརྩེགས་ཤིང་། ཕར་འགྲོ་ཚུར་འོང་གི་རླངས་འཁོར་ཤིན་ཏུ་དཀོན། ཁ་བ་རླུང་བུ་དང་འགྲོགས་ནས་ངོ་གདོང་དུ་བབས་ཤིང་གྲང་ངར་ཆེ། འཕྲུལ་རྟའི་མེ་སྦར་མི་ཐུབ་ལ། རླངས་འཁོར་ནི་དེ་བས་མདུན་དུ་སྐྱོད་ཐབས་བྲལ། བོད་རིགས་སྤུན་ཟླས་བློ་སེམས་རྣམ་པར་དག་པས་ཁྱེད་སླེབས་ཡོད་དམ། ང་ཚོས་ཁྱེད་ཁྱིམ་དུ་སྒུག་བསྡད་ཡོད་ཅེས་བརྗོད། རྐང་ཐང་དུ་རི་འགོར་འཛེགས། ཀྱག་ཀྱོག་གི་རི་ལམ་དུ་ཁ་བའི་རྡུལ་ཕྲན་མཐུག་པོ་ཆགས། ཆུང་དུས་གངས་ལོག་རྒྱག་པའི་སྤྲོ་བ་མེད་ཀྱང་། འབྲོག་པའི་ཁྱིམ་དུ་སྐྱོད་པའི་བརྩེ་སེམས་ཀྱིས་ཁེངས། ཐབ་ཀར་བསྐོར་ནས་དྲོད་ཁོལ་ལྡན་པའི་ཇ་བསྲུས་མ་ཕོར་གང་འཐུང་། དབུལ་གྲོལ་འབྱོར་འབྲིང་བཤད། ཕྱུག་འགྱུར་ལམ་བུ་གླེང་། རོགས་སྐྱོར་གྱི་རྐང་རྗེས་གངས་ལྗོངས་མཐོ་སྒང་དུ་བཞག་ཡོད། འདི་ནི་ཀྲུང་ཏི་ཁུའེ“གསེར་རྟར་ཐེངས་ཤིག་སྐྱོད། མཛའ་བརྩེ་གཏན་དུ་བཅངས”པའི་མི་རིགས་འགྲོ་འོང་དང་སྤེལ་རེས། མཉམ་འདྲེས་བྱས་པའི་ཡིད་འོང་འཕྲོག་པའི་གཏམ་རྒྱུད་ཀྱི་གནས་ཚུལ་དངོས་རེད།

གསེར་རྟ་ཝུན་ཅང་སེམས་པ་གཅིག་ཏུ་སྦྲེལ། རོགས་སྐྱོར་ཞབས་རྗེས་ས་མཐོའི་ཡུལ་དུ་བཞག

ཀྲུང་ཏི་ཁུའེ་ཡིས་སྤྱི་ཕན་རོགས་སྐྱོར་བྱེད་སྒོ་སྤེལ་བཞིན་པ།

        ཀྲུང་ཏི་ཁུའེ། ཕོ། ལོ46ཡིན། ཀྲུང་གུང་ཏང་ཡོན། ད་ལྟ་ཁྲེང་ཏུའུ་གྲོང་ཁྱེར་ཝུན་ཅང་ཆུས་ཐེན་ཧྥུ་ཁྲོམ་ལམ་ཕྱིར་འཐེན་དམག་མི་ཞབས་ཞུ་ས་ཚིགས་ཀྱི་འགོ་པ་ཡིན། སྤྱི་ལོ་2018ལོའི་ཟླ7པ་ནས་སྤྱི་ལོ་2021ལོའི་ཟླ5པའི་བར། ཁོང་ཝུན་ཅང་ཆུས་ཁ་གཏད་རོགས་སྐྱོར་ལས་བྱེད་པ་ཁག་ལྔ་པའི་གྲས་སུ་གཏོགས་པའི་ངོས་ནས། གསེར་རྟ་རྫོང་རྒྱ་ཤོད་གྲོང་རྡལ་བརྒྱད་ཁག་གྲོང་པའི་ཧྲུའུ་ཅི་དང་པོ་དང་། ཝུན་ཅང་ཆུས་གསེར་རྟ་རྫོང་གྲོང་ཚོར་བཅའ་སྡོད་རོགས་སྐྱོར་ལས་དོན་རུ་ཁག་གི་གནས་སྐབས་ཀྲི་པུའུ་ཧྲུའུ་ཅི་ཡི་འགན་ཁུར། སྔར་གསེར་རྟ་རྫོང་ཁ་གཏད་རོགས་སྐྱོར་ལས་དོན་གྱི་ཕུལ་བྱུང་ལས་བྱེད་པ་དང་། གསེར་རྟ་རྫོང་མི་རིགས་མཐུན་སྒྲིལ་ཡར་ཐོན་དཔེ་བཟང་མི་སྣ། ཁྲེང་ཏུའུ་གྲོང་ཁྱེར་ཁ་གཏད་རོགས་སྐྱོར་ཡར་ཐོན་མི་སྣ། སི་ཁྲོན་ཞིང་ཆེན་དབུལ་གྲོལ་འགག་སྒྲོལ“གཅིག་ཅན་ལྔ”ཡི་ཕུལ་བྱུང་ཧྲུའུ་ཅི་དང་པོ་སོགས་སུ་བདམས་པ་རེད།

གསེར་རྟ་ཝུན་ཅང་སེམས་པ་གཅིག་ཏུ་སྦྲེལ། རོགས་སྐྱོར་ཞབས་རྗེས་ས་མཐོའི་ཡུལ་དུ་བཞག

ཀྲུང་ཏི་ཁུའེ་ཡིས་ཁྲེང་ཏུའུ་པེ་ཡུས་སྨན་སྦྱོར་མ་རྐང་ཚད་ཡོད་སྤྱི་གཉེར་ཁང་གི་ལས་མི་རྩ་འཛུགས་བྱས་ནས་དགུན་དྲོད་བྱེད་སྒོ་སྤེལ་བ།

        དཀར་མཛེས་ཁུལ་གསེར་རྟ་རྫོང་དུ་ཁ་གཏད་རོགས་སྐྱོར་ཀྱི་ལས་དོན་སྒྲུབ་སྐབས། ཁོས་ཕྱོགས་གང་མང་ལ་འབྲེལ་བ་བྱས་ནས་སྒོར་ཁྲི22.02བསྡུ་རུབ་ཐུབ་པ་དང་། དེ་ནས་རང་གི་སྒོར་ཁུག་ནས་སྒོར་ཁྲི3བཏོན་ནས། ས་གནས་དེ་གའི་ཏང་ཡོན་དང་མང་ཚོགས་རྣམས་སྣེ་ཁྲིད་དེ་འོས་འགན་ལས་སྒྲུབ་ཀྱིས་སྨི་གྲུ་བཞི་མ900ཡོད་པའི་རིག་གནས་ཐང་ཆེན་བསྐྲུན་པ་དང་། གསེར་རྟ་རྫོང་ཡོངས་སུ་གྲོང་སྡེ་རིམ་པའི་ཏང་ཡོན་དང་མང་ཚོགས་ཀྱི་ཞབས་ཞུ་ལྟེ་གནས་ཚད་ལྡན་ཅན་ཐེངས་དང་པོ་འཛུགས་སྐྲུན་ལེགས་གྲུབ་བྱས་པར་མ་ཟད། “མི་རིགས་སེམས་མཐུན་གྱི་འདུག་སྟེགས”བསྐྲུན་པ་རེད། ཁོང་དང་ཁྲེང་ཏུའུ་པེ་ཡུས་སྨན་རྫས་མ་རྐང་ཚད་ཡོད་སྤྱི་གཉེར་ཁང་སོགས་ཁེ་ལས་10དང“ཁེ་ལས་སྟོང་གིས་གྲོང་ཚོ་སྟོང་ཕྲག་སྐྱོབ”ཅེས་པའི་ཆ་སྒྲིག་རོགས་སྐྱོར་གྲོས་མཐུན་ཡིག་ཆ་ལ་མིང་རྟགས་བཀོད་ནས། ཐེངས་དང་པོ་གྲོང་མི་གཅིག་བདེ་ལེགས་ངང་ཁྲེང་ཏུའུ་རུ་ལས་ཞུགས་བྱེད་ཐུབ་ནས་སྔར་གཅིག་ཀྱང་མེད་པའི་རྣམ་པ་བསྒྱུར་བ་དང་། གསེར་རྟ་རྫོང་གི་མི་18ཁྲེང་ཏུའུ་ཐའེ་མེ་ཁེ་ཤེལ་གཟུགས་ཚད་ཡོད་སྤྱི་གཉེར་ཁང་སོགས་ཁེ་ལས་8ལ་ལས་ཞུགས་བཀོད་སྒྲིག་ལེགས་གྲུབ་བྱས། ཀྲུང་ཏི་ཁུའེ་ནམ་ཡང་ཡུལ་མི་རྣམས་འབྱོར་འབྲིང་གི་ལམ་དུ་སྐྱོད་པའི་ཆེད་དུ་བྲེལ་བཞིན་ཡོད།

གསེར་རྟ་ཝུན་ཅང་སེམས་པ་གཅིག་ཏུ་སྦྲེལ། རོགས་སྐྱོར་ཞབས་རྗེས་ས་མཐོའི་ཡུལ་དུ་བཞག

ཀྲུང་ཏི་ཁུའེ་ཡིས་སློབ་མར་རོགས་སྐྱོར་བྱས་པ།

        སྤྱི་ལོ2022ལོའི་ཟླ1པོར། ཁོ་གསེར་རྟ་རྫོང་ཨུ་དང་རྫོང་སྲིད་གཞུང་གིས་ཡུན་རིང་དུ”གསེར་རྟ་རྫོང་མི་ཤུགས་ཐོན་ཁུངས་ཀྱི་བློ་འདྲི་ས”ལ་གདན་ཞུ་བྱས་པ་དང་། ཀྲུང་ཏི་ཁུའེ་ཡིས་ཝུན་ཅང་ཐེན་ཧྥུ་ཁྲོམ་ལམ་དུ“གསེར་རྟ་རྫོང་ཝུན་ཅང་བཅའ་སྡོད་ལས་དོན་ཕྱིར་གཏོང་ལས་ཀའི་ཞབས་ཞུ་ས་ཚིགས”དང”གསེར་རྟ་རྫོང་ལས་བཟོ་པའི་ཁྱིམ”བཅས་བཙུགས་པར་ནང་ཞུགས་བྱས་ཤིང་། མི་ཐེངས་30ལ་ལས་ཞུགས་བཀོད་སྒྲིག་བྱས། དེས་མ་ཚད་སི་ཁྲོན་ཧའོ་ཚའེ་ཐུང་ཞིང་རིག་གནས་སྤྱི་གཉེར་ཁང་དང་སི་ཁྲོན་ཧྲི་ཅི་ཁྲུན་ཀྲེན་ཁེ་ལས་སྤྱི་གཉེར་ཁང་། ཁྲུན་ཆིའུ་འཛུགས་སྐྲུན་ཚོགས་པ་སྤྱི་གཉེར་ཁང་སོགས་ཁེ་ལས་4ནང་འདྲེན་ལེགས་གྲུབ་བྱུང་། “བོད་འབྲེལ་སློབ་ཆེན་སློབ་མར་རོགས་སྐྱོར་བྱེད་པའི་འཆར་གཞི”དང“ཤེས་ལྡན་མི་སྣར་བརྩེ་སེམས་བཅངས་བའི་འཆར་གཞི”“ཁྲུན་ཆིའུ་བརྩེ་བས་ཤེས་ལྡན་མི་སྣ་སྐྱོང་བའི་འཆར་གཞི”བཅས་སྤེལ་བ་དང་། སློབ་སྡོད་སློབ་ཆེན་སློབ་མའི་ཟླ་རེའི་འཚོ་བའི་འགྲོ་གྲོན་དང་སློབ་མ་གཞན་པ་སོགས་བསྡོམས་པས་མི་ཐེངས120ལ་རོགས་སྐྱོར་བྱས་ཡོད། མི་སྒེར་གྱིས་སློབ་མ་མི་ཐེངས13ལ་རོགས་སྐྱོར་བྱས།(ཟླ་རེར་འབྲིང་རིམ་ཆེད་ལས་སློབ་མ་རེ་ལ་འཚོ་བའི་འགྲོ་གྲོན་སྒོར500བྱིན)རོགས་སྐྱོར་མ་དངུལ་སྒོར་འབུམ4ལྷག་ལ་སླེབས་ཤིང་། མིག་སྔར་ཁོང་གིས་ད་དུང་སློབ་མ69ལ་རོགས་སྐྱོར་བྱེད་བཞིན་ཡོད། །

གསེར་རྟ་ཝུན་ཅང་སེམས་པ་གཅིག་ཏུ་སྦྲེལ། རོགས་སྐྱོར་ཞབས་རྗེས་ས་མཐོའི་ཡུལ་དུ་བཞག

ཀྲུང་ཏི་ཁུའེ་རིག་གནས་ཐང་ཆེན་འཛུགས་སྐྲུན་གྱི་ཡུལ་དངོས་སུ་ཕྱིན་པ།

གསེར་རྟ་ཝུན་ཅང་སེམས་པ་གཅིག་ཏུ་སྦྲེལ། རོགས་སྐྱོར་ཞབས་རྗེས་ས་མཐོའི་ཡུལ་དུ་བཞག

གྲོང་ཚོར་བཅའ་སྡོད་ལས་ཀའི་རྒྱུན་ལྡན་ཚོགས་འདུ།


  • ལེ་ཚན་སྔོན་མ།:རོང་བྲག་རྫོང་དུ་ཕབ་པའི་བརྙན་འདི་ལ་གསེར་བྱའི་བྱ་དགའ་ཐོབ།
  • ལེ་ཚན་རྗེས་མ།:གནས་སྐབས་མེད།
  • དོ་སྣང་ཆེ་བའི་རྩོམ།

    རྩོམ་གསར། 10