ཧྲང་ཧའེ་མཉམ་ལས་རྩ་འཛུགས་ཀྱི་ལམ་བུའི་ཐོག་གི་ལམ་ལྷོང་ཉམས་མྱོང་བསགས། ཞི་ཅིན་ཕིང་གིས་རྒྱུན་འཁྱོངས་ལྔ་ཞེས་པ་བཏོན།

     སྤྱི་ཟླ9པའི་ཚེས16ཉིན། རྒྱལ་ཁབ་ཀྲུའུ་ཞི་ཞི་ཅིན་ཕིང་ས་མར་ཧན་དུ་ཧྲང་ཧའེ་མཉམ་ལས་རྩ་འཛུགས་ཀྱི་ཁོངས་ཞུགས་རྒྱལ་ཁབ་ཀྱི་མགོ་གཙོ་ལས་འཛིན་ལྷན་ཚོགས་ཀྱི་ཚོགས་འདུ་ཐེངས་ཉེར་གཉིས་པར་ཞུགས་པ་དང་འབྲེལ་གསུང་བཤད་གལ་ཆེན་གནང་བ་རེད།　ཞི་ཅིན་ཕིང་གིས་འདི་ལོ་ནི་ཧྲང་ཧའེ་མཉམ་ལས་རྩ་འཛུགས་ཀྱི་རྩ་འཛིན་ལ་མིང་རྟགས་བཀོད་ནས་ལོ20འཁོར་བ་དང་། ཁོངས་མིའི་རྒྱལ་ཁབ་ཀྱིས་ཡུན་རིང་ཁྱིམ་མཚེས་མཛའ་གྲོགས་མཉམ་ལས་ཀྱི་ཆིངས་ཡིག་ལ་མིང་རྟགས་བཀོད་ནས་ལོ15འཁོར་བ་དང་ཏག་ཏག་འཁེལ་ཡོད། ལོ་འདི་དག་གི་རིང་ལ། འདི་གའི་རྩ་འཛུགས་ཀྱི་ཁོངས་ཞུགས་རྒྱལ་ཁབ་ཀྱིས་རྩ་འཛིན་རང་བཞིན་གྱི་ཡིག་ཆ་འདི་གཉིས་བསམ་བློའི་རྨང་རྡོ་དང་བྱ་སྤྱོད་ཀྱི་ཕྱོགས་སྟོན་དུ་བྱས་ཏེ། རྒྱལ་སྤྱིའི་རྩ་འཛུགས་གསར་པ་ཞིག་འཚར་ལོངས་དང་དར་རྒྱས་ཡོང་བའི་ལམ་བུ་ཞིག་རིམ་བཞིན་འཚོལ་ཞིབ་ལམ་ལྷོང་བྱུང་བ་དང་། བློ་སྒོ་འབྱེད་པར་དོན་སྙིང་ལྡན་པའི་ལམ་ལྷོངས་ཉམས་མྱོང་གལ་ཆེན་རབ་དང་རིམ་པ་བསགས་ཡོད་ཅེས་བསྟན་པ་རེད།