ད་སྔར་རྒྱལ་ཁབ་ནང་ཁུལ་གྱི་ཏོག་གསར་རིམས་ཚུལ་ཧ་ཅང་ཛ་དྲག་ཆེ་ལ་རྙོག་འཛིང་ཆེ་བས་མ་ཚད། བོད་ལྗོངས་སུ་བྱུང་བའི་རིམས་ཚུལ་རང་ཁུལ་དུ་ཁྱབ་མཆེད་བྱུང་ཡོད་པ་རེད། “ཕྱི་ནས་ཁྱབ་མཆེད་དང་ནང་དུ་བསྐྱར་ལོག་བྱུང་བར” འགོག་སྲུང་ཏན་ཏིག་བྱེད་པ་དང་། རིམས་ཚུལ་ཁྱབ་མཆེད་བྱུང་བར་མཐའ་གཅིག་ཏུ་བཀག་འགོག་བྱ་ཆེད། དཀར་མཛེས་ཁུལ་གྱི་ཏོག་གསར་གློ་ཚད་རིམས་ཚུལ་ལ་ཁ་གཏད་གཅོག་པའི་འཚུབ་བསྟུན་བཀོད་འདོམས་པུའུ་ཡི་སྤྱི་བསྒྲགས་ཨང19པ་དང20པ་བསྒྲགས་ནས་ལག་ལེན་བསྟར་བའི་རྨང་གཞིའི་ཐོག་རྒྱལ་ཁབ་དང་ཞིང་ཆེན་གྱི་འགོག་ཟོན་བླང་བྱ་ཆེས་གསར་ཤོས་ལ་གཞིགས་ནས་ད་ལྟ་འབྲེལ་ཡོད་དོན་ཚན་ཡོངས་བསྒྲགས་བྱས་པ་གཤམ་གསལ།

    གཅིག། རང་ཁུལ་དུ་ཡོང་བའི（ཕྱིར་ལོག་པ）མི་སྣར་ཚགས་བཤེར་དང་དོ་དམ་ནན་པོ་བྱ་དགོས། མཁའ་འགྲུལ་དང་གཞུང་ལམ་སོགས་བརྒྱུད་ནས་སི་ཁྲོན་དུ་འོངས་པའི་མི་སྣས“སི་ཁྲོན་དུ་འོངས་པའི་ཨང་རྟགས་”བཤེར་བ་དང“སི་ཁྲོན་དུ་འབྱོར་སྐབས་དེ་མ་ཐག་ཏུ་ཉིང་སྐྱུར་དཔེ་བཤེར་དོན་ཐོག་ནན་པོ་འཁྱོལ་བ་བྱ་དགོས། ཁུལ་ཡོངས་ཀྱི་ས་ཚུགས་དང་འགྲིམ་འགྲུལ་སྟབས་བདེའི་ལམ་བུ་ཚང་མའི་ཐོག་རང་ཁུལ་དུ་ཡོང་བའི（ཕྱིར་ལོག་མཁན） མི་སྣའི་བདེ་ཐང་ཨང་རྟགས་དང་འགྲོ་སྐྱོད་བྱང་བུར་ཞིབ་བཤེར་ནན་པོ་བྱ་དགོས། ཉིན་བདུན་ནང་བོད་ལྗོངས་སུ་ཡུལ་སྐོར་འགྲོ་འདུག་བྱས་མྱོང་མཁན་རང་ཁུལ་དུ་ཡོང་བའི（ཕྱིར་ལོག་པ）མི་སྣར་ཁུལ་ནང་དུ་འབྱོར་ཉིན་ནས་བཟུང་གཅིག་སྡུད་ལོགས་སུ་བཀར་ནས“ཉིན་བདུན་ལ་ཉིང་སྐྱུར་དཔེ་བཤེར་ཐེངས་ལྔ” བྱ་དགོས་པས་མ་ཚད། ཉིན་བདུན་པར་ཉིང་སྐྱུར་དཔེ་བཤེར་གྱི་མཇུག་འབྲས་ནད་དུག་མེད་པའི་དཔང་རྟགས་བསྟན་རྗེས་ད་གཟོད་ལོགས་བཀར་བྱེད་མི་དགོས་པ་རེད། ཉིན་བདུན་ནང་ཞིན་ཅང་དང་ཧའེ་ནན། ཀྲེ་ཅང་དབྱི་ཝུའུ་སོགས་རིམས་ནད་ཀྱི་ཉེན་ཁ་ཚབས་ཆེ་བའི་ས་ཁུལ་དུ་ཡུལ་སྐོར་འགྲོ་འདུག་བྱས་མྱོང་བ（ཕྱིར་ལོག་མཁན）མཁན་སི་ཁྲོན་དུ་ཕྱིར་ལོག་པའི་མི་སྣར་ཉིན་བདུན་ལ་གཅིག་སྡུད་ཐོག་ལོགས་སུ་བཀར་དགོས། ཉེན་ཁ་འབྲིང་ཤོས་ས་ཁུལ་དུ་ཡུལ་སྐོར་འགྲོ་འདུག་མྱོང་མཁན་མི་སྣར་ཉིན7ཁྱིམ་དུ་ལོགས་སུ་བཀར་ནས་བསྡད་དགོས། ཉེན་ཁ་མཐོ་འབྲིང་ས་གནས་གསུམ་ཕུད་ཁ། སི་ཁྲོན་དུ་ཡོང་བའི（ཕྱིར་ལོག་མཁན）མི་སྣར་ཁྱིམ་སྡོད་ལོགས་བཀར་དང་“ཉིན་གསུམ་ལ་ཉིང་སྐྱུར་དཔེ་བཤེར་ཐེངས་གསུམ”བྱ་དགོས། ཁྱིམ་སྡོད་ལོགས་བཀར་བྱ་རྒྱུའི་ཆ་རྐྱེན་མ་འཛོམས་ན་གཅིག་སྡུད་ལོགས་བཀར་བྱ་དགོས།

    གཉིས། “དོན་དག་བཞི་”ཏན་ཏིག་བསྒྲུབ་དགོས། རྫོང（གྲོང་ཁྱེར）དང་སྡེ་ཚན། ལས་ཁུངས་སོ་སོས་ཨང་རྟགས་ཞིབ་བཤེར་དང་ཉིང་སྐྱུར་དཔེ་བཤེར། ཁ་ཤུབས་རྒྱག་པར་ལྟ་སྐུལ། ཉེན་ཁ་འགོག་ཟོན་ཞིབ་བཤེར་བཅས་ཀྱི“དོན་དག་བཞི”ཏན་ཏིག་བསྒྲུབས་ནས། ནད་ཡམས་འགོག་ཟོན་གྱི“ནད་དུག་ཡོད་མེད”ལམ་ལུགས་དང་རིམས་འགོག་ལྟ་སྐུལ་པའི་ལམ་ལུགས་དོན་འཁྱོལ་བྱས་ཏེ་སྤྱི་ཚོགས་ཡོངས་ཧུར་ཐག་གིས་རིམས་འགོག་གི་ཁྱོན་ཡོངས་ཇུས་ཆེན་ནང་ཞུགས་རྒྱུ་དང་རྒྱབ་སྐྱོར་བྱ་རྒྱུར་སྐུལ་ཁྲིད་བྱས་ནས་མང་ཚོགས་ཀྱིས་འགོག་ཟོན་བྱེད་པའི་མཉམ་ཤུགས་ཆེན་པོ་ཞིག་ཆགས་པ་བྱ་དགོས།

    གསུམ།  མི་སྒེར་རང་ཉིད་ཀྱིས་འགོག་ཟོན་འགན་འཁྲི་ལག་བསྟར་ནན་པོ་བྱ་དགོས། སྤྱི་དམངས་ཀྱིས་རང་ཉིད་འགོག་སྲུང་དང་། མི་ཚོགས་མཉམ་འཛོམས་བྱེད་སར་མི་འགྲོ་བ། རིམས་ནད་གནས་ཚུལ་ལ་དོ་ཁུར་ཡག་པོ་བྱས་ནས་ཨང་རྟགས་བཤེར་བ་དང་སྟོན་པ། དྲོད་ཚད་འཇལ་བ། ཁ་ཤུབས་རྒྱག་པ། ཉིང་སྐྱུར་དཔེ་བཤེར། མ་སྐུལ་དང་བླངས་ཀྱིས་སྙན་སེང་ཞུ་བ།རིམས་འགོག་ལ་གཞོགས་འདེགས་བྱེད་པ་སོགས་མི་སྒེར་རང་ཉིད་ཀྱི་འགན་འཁྲི་ལག་བསྟར་ནན་པོ་བྱ་དགོས། མི་སྒེར་ཉེ་དུས་སུ་ཉེན་ཁ་ཡོད་པའི་་ས་ཁུལ་དུ་ཡུལ་སྐོར་འགྲོ་འདུག་བྱས་མྱོང་བ་དང་ཡང་ན་རིམས་ནད་འགོག་ཟོན་གྱི་དྲན་སྐུལ་འཕྲིན་ཐུང་འབྱོར་ནས་བདེ་ཐང་ཨང་རྟགས་དེ“ཨང་རྟགས་དམར་པོ”དང“ཨང་རྟགས་སེར་པོར”འགྱུར་ན་དེ་མ་ཐག་ཏུ་ས་གནས་དེ་གའི་གྲོང་སྡེ（སྤྱི་ཁུལ）  མགྲོན་ཁང་དང་གསོལ་མགྲོན་ཁང་། སྡེ་ཚན་པ་བཅས་ལ་སྙན་སེང་ཞུ་དགོས། “ཨང་རྟགས་དམར་པོ”ཡོད་པའི་མི་སྣས་རང་ཉིད་འགོག་སྲུང་ཡག་པོ་བྱས་ནས་ས་ཆ་དེ་རང་དུ་བསུ་སར་ཡོང་རྒྱུར་བསྒུགས་ནས་བསྡད་དགོས། སྔོན་འགོག་ཚོད་འཛིན་གྱི་བླང་བྱ་ལྟར་ཉིང་སྐྱུར་དཔེ་བཤེར་ཐེངས་གྲངས་ལྟར་མི་བྱེད་པའི་མི་སྣ་ལ་ས་ཆ་དེ་རང་དུ་གཅིག་སྡུད་ལོགས་བཀར་བྱས་ནས་དོ་དམ་ཚོད་འཛིན་གྱི་བྱེད་ཐབས་སྤྱད་དེ་དོ་དམ་ཚོད་འཛིན་གྱི་དུས་ཚོད་བསྐྱར་དུ་བརྩིས་ནས་འབྲེལ་ཡོད་གྲོན་དངུལ་རང་གིས་འགྲོ་སོང་གཏང་དགོས། རིམས་ནད་བྱུང་ཚུལ་འགོན་ཟོན་གྱི་གཏན་འབེབས་དོན་འཁྱོལ་ནན་པོ་མ་བྱས་ནས་རིམས་ནད་བྱུང་ཚུལ་ནང་དུ་ཁྱབ་མཆེད་ཕྱིན་པའི་སྡེ་ཚན་དང་མི་སྒེར་ལ་བཅའ་ཁྲིམས་དང་སྒྲིག་སྲོལ་ལྟར་འགན་འཁྲི་བདའ་འདེད་བྱ་དགོས། སྤྱི་བསྒྲགས་འདི་དཔར་འགྲེམ་བྱས་ཉིན་ནས་ལག་ལེན་བསྟར་རྒྱུ། དེ་སྔོན་ཁྱབ་བསྒྲགས་བྱས་པའི་ནང་དོན་སྤྱི་བསྒྲགས་འདི་དང་མི་མཐུན་པའི་རིགས་སྤྱི་བསྒྲགས་འདི་ཚད་གཞིར་འཛིན་དགོས། རྒྱལ་ཁབ་དང་ཞིང་ཆེན། རང་སྐྱོང་ཁུལ་བཅས་ཀྱིས་གཏན་འབེབས་གསར་པ་བྱས་ཡོད་རིགས་གཏན་འབེབས་གསར་པར་གཞིགས་དགོས།

དཀར་མཛེས་ཁུལ་ཏོག་གསར་གློ་ཚད་ལ་ཁ་གཏད་གཅོག་པའི་འཚུབ་བསྟུན་བཀོད་འདོམས་པུའུ་ཡིས།

2022ལོའི་སྤྱི་ཟླ8པའི་ཚེས13ཉིན།

ཡེ་མགོན་གྱིས་བསྒྱུར།

རྩོམ་སྒྲིག་པ། མགར་རྒྱལ་སྲས།