2021ལོའི་ཟླ་6པའི་ཚེས་2２ཉིན། “སྒྲ་མེད་སྙན་ངག་གིས་དུས་གཏན་མཛད་རྗེས་བསྟོད་ཞེས་པ་སྟེ་ཚད་ལྡན་མཛེས་རྩལ་ཁྲོད་ཀྱི་ཏང་གི་ལོ་རྒྱུས་བརྗོད་གཞི་འགྲེམས་སྟོན་”ཞེས་པ་དེ་ཀྲུང་གོ་རྒྱལ་ཁབ་འགྲེམས་སྟོན་ཁང་དུ་སྤེལ་འགོ་ཚུགས་པ་རེད། ཤེས་རྟོགས་བྱུང་བར་གཞིགས་ན། འགྲེམས་སྟོན་དེས་རྒྱལ་ཁབ་དངོས་མང་བཤམས་སྟོན་ཁང་དང་། ཀྲུང་གོ་མི་དམངས་གསར་བརྗེ་དམག་དོན་དངོས་མང་བཤམས་སྟོན་ཁང་། ཀྲུང་གོའི་མཛེས་རྩལ་ཁང་། ཀྲུང་དབྱང་མཛེས་རྩལ་སློབ་གླིང་གི་མཛེས་རྩལ་ཁང་། ཀོང་ཏུང་མཛེས་རྩལ་ཁང་སོགས་ལས་ཁུངས་མང་པོའི་འགྲེམས་སྟོན་ཁང་དུ་ཉར་བའི་ཚད་ལྡན་མཛེས་རྩལ་བརྩམས་ཆོས་100བདམས་ཡོད་ཅིང་། དེའི་ནང་རྒྱལ་ཁབ་ཀྱི་སྲོལ་རྒྱུན་རི་མོ་དང་། སྣུམ་ཚོན་རི་མོ། བརྐོས་རིས། འཇིམ་གཟུགས་སོགས་སྒྱུ་རྩལ་རིགས་སྣ་མང་པོ་འདུས་འདུག་ལ། གསོན་ཉམས་ལྡན་པའི་སྒྱུ་རྩལ་རྣམ་པའི་ཐོག་ནས་གཟིགས་མོ་བ་རྣམས་ལ་སྔར་ལས་གཏིང་ཟབ་ཀྱི་སྒོ་ནས་ཏང་གི་ལོ་རྒྱུས་དང་ཀྲུང་གོ་གསར་པའི་ལོ་རྒྱུས། བསྒྱུར་བཅོས་སྒོ་འབྱེད་ཀྱི་ལོ་རྒྱུས། སྤྱི་ཚོགས་རིང་ལུགས་འཕེལ་རྒྱས་ཀྱི་ལོ་རྒྱུས་བཅས་ཤེས་རྟོགས་ཐུབ་པར་བྱས་ཡོད།