ཉེ་བའི་ལོ་ཤས་རིང་།དཔལ་ཡུལ་རྫོང་གིས་ཞིང་པས་ཆེས་དོ་སྣང་བྱེད་ས་དང་། ཆེས་དགོས་གལ་ཆེ་བ། ཆེས་དངོས་ཡོད་ཀྱི་གནད་དོན་ཐད་འགོ་འཛུགས་ས་བྱས་ཏེ། སྲིད་གཞུང་གིས་སྣེ་ཁྲིད་བྱས་པ་དང་མང་ཚོགས་དེའི་ནང་ཞུགས་པ། ཕྱོགས་མང་པོས་ཤུགས་འདོན་པའི་ཞིང་སྡེའི་རྨང་གཞིའི་སྒྲིག་ཆས་འཛུགས་སྐྲུན་བྱས་པའི་ལས་ཀའི་བྱེད་ཕྱོགས་རྒྱུན་འཁྱོངས་བྱས་ནས། ནུས་ཤུགས་ཡོད་རྒུས་རྨང་གཞིའི་སྒྲིག་ཆས་འཛུགས་སྐྲུན་བྱས་པར་གྲུབ་འབྲས་མངོན་གསལ་ཅན་ཐོབ་པ་རེད།

     ཉེན་མེད་འཐུང་ཆུའི་གནད་དོན་ཐད།མ་དངུལ་སྒོར་ཁྲི375.8བཏང་ནས་དབུལ་ཕོངས་མི་གྲངས3571གི་ཉེན་མེད་འཐུང་ཆུའི་གནད་དོན་ཐག་གཅོད་བྱས། མིག་སྔའི་བར་དུ་མི་གྲངས2972ཡི་ཉེན་མེད་འཐུང་ཆུ་སྲ་བརྟན་རིམ་སྤར་བྱས་ནས་ཚད་ལ་ལོན་ཚད་བརྒྱ་ཆ83ལ་ཟིན་པ་རེད། གློག་སྤྱད་རྒྱུའི་གནད་དོན་ཐད། མ་དངུལ་སྒོར་ཁྲི5399བཏང་ནས་ཞིང་སྡེའི་གློག་དྲྭའི་སྐུད་ལམ་སྤྱི་ལེ242བསྒྱུར་བཀོད་བྱས་ནས་དབུལ་ཕོངས་དུད་ཚང771གི་གློག་སྤྱད་རྒྱུའི་གནད་དོན་ཐག་གཅོད་བྱས། མིག་སྔའི་བར་དུ། དུད་ཚང682ཀྱི་གློག་སྤྱོད་རྒྱུའི་གནད་དོན་ཐག་གཅོད་བྱས་ནས་དམིགས་ཚད་ཐོག་སླེབས་ཚད་བརྒྱ་ཆ89ལ་ཟིན་པ་དང་ཁྱིམ་ཚང་ཀུན་ལ་གློག་སྤྱད་རྒྱུ་ཡོད་པ་རེད། ཁྱིམ་ཚང་ཀུན་ལ་ཁྲིད་པའི་གནད་དོན་ཐད། མ་དངུལ་སྒོར་ཁྲི15.6བཏང་ནས་དབུལ་ཕོངས་དུད་ཚང771ལ་རྒྱང་བསྒྲགས་བརྙན་འཕྲིན་ཁྱིམ་ཚང་ཀུན་ལ་ཁེབས་པའི་སྒྲིག་ཆས་མིག་སྔར་སྒྲིག་སྦྱོར་བྱེད་བཞིན་པའི་སྒང་ཡིན་པ་རེད།རྨང་གཞིའི་སྒྲིག་ཆས་འཛུགས་སྐྲུན་བྱེད་པའི་ཐད།མ་དངུལ་སྒོར་དུང་ཕྱུར1.1བཏང་ནས་དབུལ་ཐར་གྲོང་སྡེ22ལ་རྨང་གཞིའི་སྒྲིག་ཆས་ཀྱི་ལས་གཞི་འཛུགས་སྐྲུན་ལག་བསྟར་བྱས་པ་རེད། མིག་སྔའི་བར་དུ་གྲོང་སྡེར་བསྲིངས་པའི་ཨར་འདམ་གཞུང་ལམ་གྱི་ཨར་ལས་གྲུབ་ཚད་བརྒྱ་ཆ88ལ་ཟིན་པ་དང་། གྲོང་སྡེའི་འཕྲོད་བསྟེན་ཁང་གི་རྨང་གཞིའི་སྒྲིག་ཆས་བསྐྲུན་རྒྱུ་དང་ཆ་ཚང་སྒྲིག་ཚད་བརྒྱ་ཆ90ལ་ཟིན་པ་རེད། གྲོང་སྡེའི་རིག་གནས་ཁང་གསར་འཛུགས་དང་ཞིག་གསོ་ལས་ཀ་གྲུབ་ཚད་བརྒྱ་ཆ95ལ་ཟིན་པ་དང་། ཆ་འཕྲིན་བརྡ་རྟགས་ཁེབས་ཚད་བརྒྱ་ཆ87ལ་ཟིན་པ་རེད།།