ཉེ་ཆར་གསར་འགོད་པས་དཀར་མཛེས་རྫོང་ཞིང་སྡེ་གསར་པ་འཛུགས་སྐྲུན་ལས་ཀའི་གྲོས་ཚོགས་ཐོག་ནས་ཤེས་རྟོགས་བྱུང་རྒྱུར།ད་ལོར་དཀར་མཛེས་རྫོང་གིས་མ་དངུལ་སྒོར་དུང་ཕྱུར2.19བཏང་ནས་ཞིང་སྡེ་གསར་པ་འཛུགས་སྐྲུན་ལག་ལེན་བྱས་ཏེ་བདེ་འཇགས་འཆམ་མཐུན་གྱི་ཞིང་སྡེ་གསར་སྐྲུན་གང་ཐུབ་བྱས་པ་རེད།དེའི་ནང་མ་དངུལ་སྒོར་ཁྲི16307.65བཏང་ནས་ཞིང་སྡེ་གསར་པ་འཛུགས་སྐྲུན་གྱི་ཡོངས་ཁྱབ་དམངས་ཕན་རྣམ་གྲངས་ལག་ལེན་བྱ་རྒྱུ་དང་།མ་དངུལ་སྒོར་ཁྲི2427.5བཏང་ནས་ཞིང་སྡེ་གསར་པའི་དཔེ་སྟོན་ཡུལ་སྡེ་དྲུག་གི་རྣམ་གྲངས་གསར་སྦོལ་བྱ་རྒྱུ་དང་།མ་དངུལ་སྒོར་ཁྲི2122.76བཏང་ནས་ཞིང་སྡེ་གསར་པའི་ཐོན་ལས་འཕེལ་རྒྱས་རྣམ་གྲངས་ལག་ལེན་བྱ་རྒྱུ་རེད།