ལྕགས་ཟམ་རྫོང་གིས་ཁོངས་ཡོངས་ཅན་གྱི་ལྗོངས་རྒྱུ་འཛུགས་སྐྲུན་ལ་སྐུལ་སྤེལ་ཏན་ཏིག་བྱས།

དབྱངས་ཅན་གྱིས་བསྒྱུར།        2013-11-05

ཉེ་ཆར། ལྕགས་ཟམ་རྫོང་གིས་ལྗོངས་རྒྱུ་ཐོན་ཁུངས་དང་ལྗོངས་རྒྱུ་ལས་ཀ་འཕེལ་རྒྱས་གཏོང་བའི་དོན་དངོས་ལ་དམིགས་ནས། རྫོང་ཨུ་དང་རྫོང་སྲིད་གཞུང་གི་ཞིང་ལས་བཟང་སྒྲུབ་དང་བཟོ་ལས་དར་སྤེལ་གཏོང་རྒྱུ།ལྗོངས་རྒྱུ་ལས་རིགས་ཤུགས་ཆེན་སྤེལ་རྒྱུ་སྐོར་གྱི་བླང་བྱ་དང་ཟུང་འབྲེལ་བྱས་ཏེ་ཆེད་དོན་བརྟག་ཞིབ་ཚོ་ཆུང་བཙུགས་པར་བརྟེན།རྫོང་དེས་གང་འདྲ་བྱས་ནས་ལྗོངས་རྒྱུའི་སྤུས་དག་ཐོན་རྫས་སྐྲུན་པ་དང་ལྗོངས་རྒྱུའི་ཐོན་ལས་དར་སྤེལ་གཏོང་རྒྱུའི་ཐད་ཉིན་3རིང་ལ་བརྟག་དཔྱད་ཞིབ་འཇུག་བྱས་མཐར། སྔར་ལྷག་གིས་རྫོང་དེའི་ལྗོངས་རྒྱུ་ཐོན་ཁུངས་ལ་ཡང་དུ་ངོས་འཛིན་དང་གསལ་པོ་བྱས་པ་རེད།
    ཤེས་རྟོགས་བྱུང་བར་གཞིགས་ན། ཐེངས་འདིར་ལྕགས་ཟམ་རྫོང་གིས་བརྟག་དཔྱད་ཞིབ་འཇུག་བྱ་རྒྱུ་དེ་ཁོངས་ཡོངས་ཅན་གྱི་ལྗོངས་རྒྱུ་འཐབ་ཇུས་ལ་དམ་པོ་དམིགས་ནས་ཁོངས་ཡོངས་ཅན་གྱི་ལྗོངས་རྒྱུ་འདི་དབུལ་སྐྱོར་འགག་སྒྲོལ། གནས་སྤོ་ཡུལ་མི་བཀོད་སྒྲིག རྣམ་པ་གསར་པའི་གྲོང་ཁུལ་དང་གྲོང་རྡལ་ཅན། ཞིང་སྡེ་གསར་པ་འཛུགས་སྐྲུན།འགྲིམ་འགྲུལ་གཏོར་བརྒལ་བཅས་ཕྱོགས་ལྔ་དང་ཟུང་འབྲེལ་བྱ་རྒྱུའི་བྱེད་ཕྱོགས་ལྟར། གསར་བརྗེའི་གནས་གཞི་རྙིང་པའི་ལྗོངས་རྒྱུ་དང་། སྐྱེ་ཁམས་ལྗོངས་རྒྱུ། ཤང་དང་གྲོང་ཚོའི་ལྗོངས་རྒྱུ་བཅས་ཀྱི་ལས་ཀ་ཆེན་པོ་གསུམ་ལ་དམིགས་ཏེ་གཙོ་གནད་དུ་རྒྱལ་སྲུང་གཞུང་ལམ318པའི་ལམ་བརྒྱུད་དང་ཞིང་ཆེན་རིམ་པའི་གཞུང་ལམ་211པའི་ལམ་བརྒྱུད་གྲོང་ཚོ་དང་གྲོང་རྡལ་གྱི་རིམ་པ4ཅན་གྱི་མཛེས་ལྗོངས་ས་ཁུལ་ལ་བརྟག་དཔྱད་ཞིབ་འཇུག་བྱས་པར་མ་ཟད། ས་གནས་སོ་སོའི་འཕེལ་རྒྱས་ཀྱི་དངོས་ཡོད་གནས་ཚུལ་དང་། འབྲེལ་ཡོད་སྡེ་ཁག་གི་ཕྱིན་ཆད་ལག་བསྟར་བྱ་རྒྱུའི་རྣམ་གྲངས། མ་དངུལ་སོགས་ཀྱི་གནས་ཚུལ་དང་ཟུང་འབྲེལ་བྱས་ནས་གཅིག་གྱུར་གྱིས་འཆར་འགོད་བྱས་པར་བརྟེན། 2014ལོར་ལྕགས་ཟམ་རྫོང་གིས་ཁོངས་ཡོངས་ཅན་གྱི་ལྗོངས་རྒྱུ་འཛུགས་སྐྲུན་ལ་སྐུལ་འདེད་གཏོང་བ་དང་ཁོངས་ཡོངས་ཅན་གྱི་དཔེར་སྟོནལྗོངས་རྒྱུའི་ས་ཚུགས་སྐྲུན་པར་སྔོན་འགྲོའི་ལས་ཀ་ཡག་པོ་བསྒྲུབས་པ་རེད།
  • ལེ་ཚན་སྔོན་མ།:སེར་ཤུལ་རྫོང་གིས་ཞིང་པ་གླ་པའི་གླ་ཕོགས་སྒོར་ཁྲི163ཚུར་ལོན།
  • ལེ་ཚན་རྗེས་མ།:རང་ཁུལ་གྱིས་ཡིག་ཚགས་ལས་སྒོ་ལག་རྩལ་འགྲན་བསྡུར་བྱས།
  • དོ་སྣང་ཆེ་བའི་རྩོམ།