མགོ་ལོག་ཁུལ་གྱི་རྒྱལ་ཁབ་རིམ་པའི་གཟུགས་མེད་རིག་གནས་ཤུལ་བཞག་འགའ་མཚམས་སྦྱོར།

སྟག་ལྷ་རྒྱལ་གྱིས་བསྡུ་སྒྲིག་བྱས།        2013-11-04

མགོ་ལོག་ཁུལ་གྱི་རྒྱལ་ཁབ་རིམ་པའི་གཟུགས་མེད་རིག་གནས་ཤུལ་བཞག་འགའ་མཚམས་སྦྱོར།
 

པད་མའི་རྡོ་ཁང་།རི་ཀླུང་ཡོངས་སུ་ཁེབས་པའི་སྨར་ཁོག་གདོད་མའི་ནགས་ཚལ་ནི་རང་བྱུང་གི་སྤྱི་གླིང་ཞིག་ཡིན་ལ།ས་རྡོའམ་གསོམ་ཤིང་ལས་གྲུབ་པའི་མཁར་ཁང་འདི་དག་ནི་པད་མ་མི་དམངས་ཀྱིས་བློ་གྲོས་ཀྱི་རྩལ་ལས་ཐོན་པའི་བརྩིགས་བཟོའི་སྒྱུ་རྩལ་ཁྱད་པར་བ་ཞིག་ཡིན། པད་མའི་རྡོ་ཁང་གི་བརྩིགས་བཟོ་བྱེད་སྟངས་སྣ་བཞི་ཡོད་ལ།ཤིང་ཁང་རྐྱང་བ་དང་རྡོ་ཁང་རྐྱང་བ།ཤིང་རྡོ་འདྲེས་མ་ཅན།དེང་རབས་བརྩིགས་བཟོ་ཅན་བཅས་ཡིན།མཁར་ཁང་གི་རྒྱུ་ཆ་ཚང་མ་པད་མ་རང་ས་ནས་བླངས་པ་ཡིན་པས་སྤུས་ཀ་བཟང་ལ་ཧ་ཅང་སྲ་བརྟན་ཡིན།ཁང་བའི་བརྩེགས་རིམ་སྟེང་འོག་རིམ་པ་གསུམ་དུ་བགར་ཞིང་།སྟེང་དུ་འབྲུ་རིགས་དང་ཤ་མར་འཇོག་ས་ཡིན་ལ།བར་དུ་མི་སྡོད་ས།འོག་ཏུ་ཕྱུགས་ཟོག་འཇུག་ས་ཡིན།པད་མའི་རྡོ་ཁང་གི་བརྩིགས་བཟོ་ནི་སི་ཁྲོན་རྒྱལ་རོང་ས་ཁུལ་གྱི་རྡོ་ཁང་བཟོ་རྩལ་ལ་ལེགས་བཅོས་གང་ལེགས་བྱས་རྗེས་ཀྱི་འབྲས་བུ་ཤ་སྟག་ཡིན་པས་ཐུན་མིན་གྱི་ཁྱད་ཆོས་ལྡན།ད་ལྟ་རྒྱལ་ཁབ་རིམ་པའི་དངོས་རྫས་མ་ཡིན་པའི་རིག་གནས་ཤུལ་བཞག་གི་སྡེ་ཚན་ཁྲོད་བཞག་ཡོད།
 

  • ལེ་ཚན་སྔོན་མ།:མགོ་ལོག་ཁུལ་གྱི་རྒྱལ་ཁབ་རིམ་པའི་གཟུགས་མེད་རིག་གནས་ཤུལ་བཞག་འགའ་མཚམས་སྦྱོར།
  • ལེ་ཚན་རྗེས་མ།:ཤིང་ཏ་ལའི་ལོ་མའི་དཔེ་ཆ།
  • དོ་སྣང་ཆེ་བའི་རྩོམ།