སྡེ་ནང་ས་བྲིས།དུས་རབས་བཅོ་བརྒྱད་པའི་དུས་མཇུག་ཏུ་ས་ངན་བླ་མ་བསྟན་འཛིན་གྱིས་བེེ་རོའི་ཡིག་གཟུགས་ཀྱི་རྨང་གཞིའི་སྟེང་ས་ངན་རིགས་ཀྱི་ཡིག་གཟུགས་ཞེས་པ་གསར་གཏོད་བྱས།འདི་ལ་སྡེ་ནང་ས་ངན་བསྟན་འཛིན་གྱི་ཡིག་གཟུགས་ཞེས་སུ་བརྗོད་པ།བསྡུས་མིང་དུ་སྡེ་ནང་ས་བྲིས་ཟེར།སྡེ་ནང་ས་བྲིས་གསར་གཏོད་བྱས་པ་ནས་ད་བར་དུ་མི་ལོ་ཉིས་བརྒྱ་ལྷག་གི་ལོ་རྒྱུས་ཡོད་པ་དང་མི་རབས་བདུན་གྱི་རྒྱུད་འཛིན་པ་བྱུང་། སྡེ་ནང་ས་བྲིས་ཀྱི་སྨྱུ་གུ་དང་སྣག་ཚ།ཤོག་བུ་སོགས་རེ་བ་ནན་མོ་ཡོད་དེ།སྨྱུ་གུ་བཟོ་བྱེད་ཀྱི་སྨྱུག་མ་གཤགས་པ་དང་གཞོག་པ།བརྐོ་བ།བསྲེག་པ།སྣུམ་ནང་དུ་བཙོ་བ་སོགས་ཀྱི་ལག་རྩལ་སྣ་མང་འཛོམས་དགོས།སྣག་ཚ་ཕལ་ཆེ་བ་ནི་ས་དེའི་གཏེར་སྣ་ཚོགས་དང་སྐྱེ་དངོས་སྣ་ཚོགས་ཀྱི་རང་བྱུང་རྒྱུ་ཆ་ལས་གྲུབ་པ་ཡིན།ཤོག་བུ་བཟོ་བ་ལ་སྐྱེ་དངོས་སོགས་གཙབ་པ་དང་འཐག་པ།གདུ་བ།བརྡར་བ།ཆེ་ཆུང་དང་ཚུགས་ཀ་གཏན་འབེབས་སོགས་ཀྱི་གོ་རིམ་བརྒྱུད་དགོས།འབྲི་སྟངས་ལ་དབུ་ཅན་དང་དབུ་མེད།གཟབ་བྲིས།འབྲུ་ཚ།ལཉྫ་སོགས་ཡིག་གཟུགས་མང་པོ་ཡོད།༢༠༠༧ལོར་རེབ་གཉིས་པའི་རྒྱལ་ཁབ་རིམ་པའི་དངོས་རྫས་མ་ཡིན་པའི་རིག་གནས་ཤུལ་བཞག་གི་སྡེ་ཚན་ཁྲོད་བཞག