ཀྲུང་གོ་བོད་ཀྱི་དྲ་བའི་འཕྲིན། ཀྲུང་གོ་ཚན་རིག་ཞིབ་འཇུག་ཁང་དང་མཚོ་སྔོན་པོ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་ཆེད་མཁས་ཚོགས་པས་ཉེ་སྔོན་མཚོ་སྔོན་པོའི་སྐྱེ་དངོས་ཀྱི་སྣ་མང་རང་བཞིན་ཕྱོགས་བསྡུས་བརྟག་བཤེར་ཚད་ལེན་ལེགས་འགྲུབ་བྱས་ཤིང་། བརྟག་བཤེར་ཚད་ལེན་ལས་མངོན་པ་ལྟར་ན་དགོ་བ་དང་ཁྲུང་ཁྲུང་སྐེ་ནག་སོགས་རྩ་ཆེའི་རི་སྐྱེས་སྲོག་ཆགས་འདུས་བའི་མཚོ་སྔོན་པོའི་རི་སྐྱེས་སྲོག་ཆགས་ཀྱི་རིགས་སྣ་བསྟུད་མར་ཇེ་མང་ལ་སོང་ཡོད།

ཐེངས་འདིའི་བརྟག་བཤེར་ཚད་ལེན་ཁྲོད་བསྡོམས་པས་ཆུ་བྱའི་བྱ་རིགས་ཁྲི2.7དང་གཅན་གཟན་རིགས4། དགོ་བ271། ཁྲུང་ཁྲུང་སྐེ་ནག108བཅས་ཟིན་ཐོར་བཀོད་པས། བརྟག་བཤེར་ཚད་ལེན་ལོ་རྒྱུས་ཀྱི་ཆེས་མཐོ་བསྐྲུན་ཡོད་པ་དང་། དེས་མཚོ་སྔོན་པོའི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་ལ་ཚན་རིག་ཞིབ་འཇུག་གི་གཞི་རྩའི་གཞི་གྲངས་མཁོ་སྤྲོད་བྱེད་ཐུབ་པ་ལས་གཞན་ཉེ་བའི་ལོ་འགའི་རིང་མཚོ་སྔོན་པོའི་སྐྱེ་ཁམས་ཁོར་ཡུག་གནས་བབ་མུ་མཐུད་དུ་ལེགས་བཅོས་བྱུང་བ་མཚོན་ཐུབ། །