རྨ་ལྷོ་བོད་རིགས་རང་སྐྱོང་ཁུལ་དེ་རང་རྒྱལ་ནུབ་བྱང་ས་ཁུལ་ཁྲོད། རྒྱལ་ཁབ་རིམ་པའི་ལྷ་རིས་པ་དང་གཟུགས་འདས་ཤུལ་བཞག་རིག་གནས་རྒྱུན་འཛིན་པ་ཆེས་མང་བའི་ས་ཁུལ་དུ་གྱུར་པ་དང་། ཞིང་ཆེན་ཡོངས་སུ་འཛམ་གླིང་རིམ་པ་དང་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ཀྱི་རྣམ་གྲངས་ཅུང་མང་བའི་ས་ཁུལ་ཡིན་པ་རེད། 
　　ཉེ་བའི་ལོ་ནང་རྨ་ལྷོ་བོད་རིགས་རང་སྐྱོང་ཁུལ་གྱིས་ཤུལ་བཞག་རིག་གནས་རྒྱུན་འཛིན་དང་སྲུང་སྐྱོབ། དར་སྤེལ་བཅས་ཀྱི་སྲིད་ཇུས་དང་བྱེད་ཕྱོགས་གཏན་ལ་ཕབ་ཅིང་། ཐང་ག་དང་གཙགས་དྲུབས། དྲུག་པའི་ཀླུ་རོལ། བོད་ཀྱི་ཟློས་གར་སོགས་ས་གནས་རང་བཞིན་གྱི་རིག་གནས་མཚོན་རྟགས་དགུ་བསྐྲུན་པ་དང་། ཁུལ་ཡོངས་སུ་རྒྱལ་ཁབ་རིམ་པའི་གནས་སྐོར་མཛེས་ལྗོངས་དང་རིག་དངོས་སྲུང་སྐྱོབ་ལས་ཁུངས7དང་། ཞིང་ཆེན་རིམ་པའི་གནས་སྐོར་མཛེས་ལྗོངས་དང་རིག་དངོས་སྲུང་སྐྱོང་ལས་ཁུངས87། ཁུལ་རིམ་པའི་ཡན་གྱི་གཟུགས་འདས་ཤུལ་བཞག་རིག་གནས་མིང་ཐོའི་ཁྲོད་བཞག་པའི་རིགས12དང་ཁག85ཡོད་པ་རེད། སྒྱུ་རྩལ་པ5ལ་རྒྱལ་ཁབ་རིམ་པའི་བཟོ་རྩལ་མཁན་པོའི་མཚན་གསོལ་བ་དང་། སྒྱུ་རྩལ་པ10ལ་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ཀྱི་རྒྱུན་འཛིན་པའི་མཚན་གསོལ། སྒྱུ་རྩལ་པ56ལ་ཞིང་ཆེན་རིམ་པའི་བཟོ་རྩལ་མཁན་པོའི་མཚན་གསོལ་ཡོད་པ་རེད།