ཆུ་ཕྲན་དྭངས་མོས་སྐད་ཆེན་སྒྲོག་ཅིང་རི་ཚོགས་སྐྱེ་དངོས་གཉིད་ལས་བསླངས། །
སྔོ་བསངས་ནེའུ་ལྗང་མེ་ཏོག་བཀྲག་མདངས་ཁོ་བོའི་བཀའ་དྲིན་ཡིན་ནོ་ཟེར།།
ས་རྡུལ་གཟུགས་ཀྱི་རི་དབང་རྒྱལ་པོར་དཀའ་སྤྱད་བརླན་གཤེར་མ་འཛོམས་ན། །
ཤག་ཤག་འུར་སྒྲ་ལྷུང་ལྷུང་འབབ་པའི་ཆུ་ཕྲན་ཁྱེད་ཉིད་་གང་ནས་འབྱུང་། །
 
མཁས་ཚུལ་སྒོ་མོར་འཇུག་འདོད་སྐྱེས་བུར་རྒྱང་རིང་བསམ་པའི་བློ་ཁོག་དགོས། །
 
བརྩོན་འགྲུས་རྔུལ་ཁྲག་གཅིག་ཏུ་བསགས་པའི་ཀླུང་ཆེན་ཆུ་བོར་སྒྲ་ཆུང་ཡང་། །
ཉིན་མཚན་ངལ་བ་ཁྱད་དུ་བསད་ནས་ཟབ་ཡངས་རྒྱ་མཚོའི་འཇིངས་སུ་བསྐྱོད། །