བོད་ཀྱི་གཏམ་དཔེ་རྣ་བའི་བདུད་རྩི།

བཀྲ་ཤིས།        2013-08-07

༡ཆོས་ཀྱིས་སངས་མ་རྒྱས།དྲིལ་བུས་སྙིང་རླུང་སློང་།
༢ངོ་ཤེས་པ་ལས་ཡག་པ་མེད།རྒྱུས་ཡོད་པ་ལས་སྡུག་པ་མེད།
༣ངན་པ་དཔོན་ལ་གྱུར་ན།རང་གི་སྡེ་ལ་སྡང་།
༤རྒྱ་གར་ཨ་ཙ་ར་ཡི་རོ་གོས་དེ།བོད་བསྟན་པ་དར་བའི་དར་ལྕོག་བྱེད།
༥མགོ་རིལ་རིལ་ཡོད་ཚད་དགེ་འདུན།གོས་སེར་སེར་གྱོན་ཚད་བླ་མ།
༦གྲོགས་པོས་བསླུ་དུས་དགོད་བཞིན་བསླུ།ཁྲམ་པས་བསླུ་དུས་ངུ་བཞིན་བསླུ།
༧མཁས་པ་མི་གཙོ།རྒྱུས་ཡོད་གཙོ།
༩ཁྱིམ་མཚེས་ཞེ་སྡང་མེད་ན།གྲོང་པ་ཡར་རྒྱས་མེད།
༡༠བཀའ་དྲིན་བསམ་ཤེས་མེད་པར།དྲིན་ལན་ལོག་འཇལ།
༡༡སྤྱང་ཀི་རྒས་ནས་མཐོལ་ལོ་བཤགས།
༡༢སྤྱང་ཀི་མ་ལྟོགས་ཙམ་དང་ལུ་གུ་མ་ཤི་ཙམ།
༡༣སྣམ་བུ་དཀར་པོའི་ཚོས་མདོག་གང་ལ་སྒྱུར་སྒྱུར།
༡༤བུ་མ་སྨྱོ་ཙམ་དང་མུ་མོ་མ་ལྐུགས་ཙམ་དགོས།
༡༥ཚིག་གསུམ་དར་གྱི་མདུད་པ།མི་འགྱུར་རྡོ་ཐོག་ཡི་གེ།
༡༦འབུ་རྭ་ཅོ་ཅན་ལ་འབྲོང་མི་ཟེར།སྦྲང་མ་ཐིག་རིས་ཅན་ལ་སྟག་མི་ཟེར།
༡༧ཁ་སྟོང་ནང་གི་ཚིག་སྟོང་།ལག་སྟོང་ནང་གི་ཕྱག་རྒྱ།
༡༨ཧོར་ཆེན་རྒྱལ་པོའི་མངའ་འོག ཧོར་ཞྭ་མི་གྱོན་ཀ་མེད།
༡༩ལས་ངན་པའི་སྡིག་པ་མ་བསགས་ན།སྐྲག་མི་དགོས་གཤིན་རྗེ་ཆོས་རྒྱལ་ཡིན།
༢༠ཡོད་ལ་མེད་པའི་རྟ་ཕོ་ལས།བློ་ཐག་ཆོད་པའི་རྐང་ཐང་མགྱོགས།
 
  • ལེ་ཚན་སྔོན་མ།:བོད་ལྗོངས་རྟེན་རྫས་བཤམས་མཛོད་ཁང་དུ་བཤམས་པའི་དམངས་སྲོལ་རིག་དངོས་སྐོར་གླེང་བ།
  • ལེ་ཚན་རྗེས་མ།:མགུར་གླུ་ཡིད་ཀྱི་ལྕགས་ཀྱུ།