ལིས་ཁི་ཆང་གིས་ཨེ་སེ་ཨོ་ཕུ་ཡའི་ཙུང་ལིས་དང་གྲོས་མོལ་མཛད་པ།

གཡང་འབུམ་རྒྱལ།    མཚོ་སྔོན་བོད་སྐད་རླུང་འཕྲིན།    2013-06-14

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ་དྲུག་པའི་ཚེས་བཅུ་གསུམ་ཉིན། ཀྲུང་གོ་རྒྱལ་སྲིད་སྤྱི་ཁྱབ་ཁང་གི་ཙུང་ལིས་ལིས་ཁི་ཆང་གིས་པེ་ཅིན་མི་དམངས་ཚོགས་ཁང་ཆེན་མོའི་ཤར་སྒོའི་ཕྱི་རོལ་གྱི་ཐང་ཆེན་དུ་མཛད་སྒོ་བསྡུས་ནས། ཨེ་སེ་ཨོ་ཕུ་ཡའི་ཙུང་ལིས་ཧེ་ཨར་མ་ལེ་ཡ་མུའུ་ཡིས་ཀྲུང་གོར་འཚམས་འདྲིར་ཡོང་བར་དགའ་བསུ་ཞུས།
 
    ལིས་ཁི་ཆང་གིས་གསུངས་རྒྱུར། ཀྲུང་གོ་དང་ཨ་ཅིབ་གཉིས་ཀྱི་སྲོལ་རྒྱུན་མཛའ་བརྩེ་རྒྱུན་རིང་ཞིང་། རྒྱལ་ཁབ་གཉིས་བར་འབྲེལ་བ་བཙུགས་པའི་ཚུན་ལ་ཕན་ཚུན་བར་གྱི་འབྲེལ་བའི་འཕེལ་རྒྱས་བདེ་བླག་ཡིན་པ་དང་མཉམ་ལས་ཀྱི་ཁྱབ་ཁོངས་སོ་སོ་ནས་ཕུན་སུམ་ཚོགས་པའི་གྲུབ་འབྲས་བླངས། ཀྲུང་གོ་དང་ཨེ་ཅིབ་རྒྱལ་ཁབ་གཉིས་ནི་འཕེལ་རྒྱས་སུ་འགྲོ་བཞིན་པའི་རྒྱལ་ཁབ་ཡིན་པ་དང་རྒྱལ་ཁབ་རང་གི་དཔལ་འབྱོར་འཕེལ་རྒྱས་སུ་གཏོང་བ་དང་དམངས་ཀྱི་འཚོ་བ་ལེགས་བཅོས་བྱེད་པར་འབད་བརྩོན་ཆེན་པོ་བྱེད་བཞིན་ཡོད་ལ་རྒྱལ་ཁབ་གཉིས་བར་མཉམ་ལས་ཀྱི་རང་བཞིན་དྲག་པོ་ལྡན་པར་མ་ཟད་སྦས་ཤུགས་ཆེན་པོ་ལྡན་ཞེས་གསུངས།
 
    ལིས་ཁི་ཆང་གིས་བསྟན་དོན། ཨ་ཧྥེ་རི་ཁ་གླིང་གིས་ཐོག་མཐའ་བར་གསུམ་དུ་ཀྲུང་གོ་རྒྱལ་ཁབ་དེ་གྲོགས་པོ་བཟང་བོར་བརྩི་བཞིན་ཡོད་པ་དང་ཕན་ཙུན་བར་ལྷག་བསམ་རྣམ་དག་གིས་རོགས་སྐྱོར་དང་སྣེ་ཁྲིད་བྱེད་བཞིན་ཡོད། དུས་རབས་གསར་བར་ཐོན་པ་ནས་བཟུང་། ཕྱོགས་གཉིས་ཀྱིས་ཀྲུང་གོ་དང་ཨ་ཧྥེ་རི་ཁ་གླིང་གི་མཉམ་ལས་གླེང་སྟེགས་ཀྱི་སྒྲོམ་གཞིའི་འོག་གི་མཉམ་ལས་ཐད་ནས་རྒྱུན་ཆད་མེད་པར་གྲུབ་འབྲས་གསར་བ་བླངས་ཞེས་གསུངས།
 
    ཧེ་ཨར་མ་ལེ་ཡ་མུའུ་ཡིས་བསྟན་དོན། ཀྲུང་གོ་དང་ཨེ་ཅིབ་རྒྱལ་ཁབ་གཉིས་ནི་ཕན་ཚུན་བློ་གཏད་ཆོག་པའི་མཉམ་ལས་གྲོགས་པོ་ཡིན་པ་དང་། ཀྲུང་གོ་ཕྱོགས་ཀྱིས་ཨེ་ཇིབ་མི་རིགས་བཅིངས་འགྲོལ་ལས་དོན་དང་རྒྱལ་ཁབ་འཛུགས་སྐྲུན་ཐད་རྒྱབ་སྐྱོར་ཆེན་པོ་བྱས་པར་ལྷག་བསམ་རྣམ་དག་གིས་བཀའ་དྲིན་ཆེ་ཞུས་པ་དང་། རྒྱལ་ཁབ་གཉིས་ཀྱི་དངོས་གཉེར་མཉམ་ལས་གཏིང་ཟབ་ཏུ་སྤེལ་འདོད་ཡོད་པའི་བསམ་ཚུལ་བསྟན། །
  • ལེ་ཚན་སྔོན་མ།:ཀྲུང་དབྱང་མི་རིགས་སློབ་ཆེན་དུ་ཚད་མ་རིག་པའི་སྐོར་གྱི་རིག་གཞུང་བགྲོ་ཚོགས་བསྡུས།
  • ལེ་ཚན་རྗེས་མ།:ཨ་ཀིན་ཐིན་གྱི་རྒྱལ་ས་ནས་མེ་འཁོར་ཐོ་བརྒྱབ་པའི་དོན་རྐྱེན་བྱུང་སྟེ་མི3རྐྱེན་ལམ་དུ་ཤོར།
  • དོ་སྣང་ཆེ་བའི་རྩོམ།

    རྩོམ་གསར། 10