དཀར་མཛེས་ཁུལ་དབུ་བརྙེས་ནས་ལོ་དྲུག་ཅུ་འཁོར་བར་རྟེན་འབྲེལ་ཞུ་བའི་མཛད་སྒོ་ཟླ༡༠པའི་ཚེས༢༧ཉིན་གྱི་སྔ་དྲོར་གཡག་རྭ་ལྟག་སྒོའི་ཐང་ཆེན་དུ་གཟབ་རྒྱས་ངང་ཚོགས་པ་རེད།མཛད་སྒོ་ནི་ཁུལ་ཨུའི་ཧྲུའུ་ཅི་ལིའུ་ཏའོ་ཕིང་གིས་མདོ་འའཛིན་མཛད་ཅིང་།ཞིང་ཆེན་ཏང་ཨུའུ་ཡི་ཧྲུའུ་ཅི་ལིའུ་ཆི་པའོ་དང་རྒྱལ་ཁབ་མི་རིགས་དོན་གཅོད་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་དོན་གྲུབ་ངག་འཕེལ།དཀར་མཛེས་གྱི་ཁུལ་དཔོན་ལི་ཁྲང་ཕིང་བཅས་ཀྱིས་གསུངས་བཤད་གནང་།སི་ཁྲོན་ཞིང་ཆེན་གྱི་ཏང་ཨུའུ་ཡི་ཧྲུའུ་ཅི་གཞོན་པ་ལི་ཚུང་ཞིས་དང་ཞིང་དཔོན་ཅང་ཅུས་ཧྥུང་སོགས་འབྲེལ་ཡོད་ལས་ཁུངས་ཀྱི་དབུ་ཁྲིད་རྣམས་ཀྲུའུ་ཞི་སྟེགས་བུར་བཞུགས།  མཛད་སྒོའི་མཇུག་རྫོགས་རྗེས་རྫོང་ཁག་བཅོ་བརྒྱད་དང་སློབ་གྲྭ་སོ་སོའི་འཁྲབ་སྟོན་པ་རྣམས་ཁུལ་སྟོན་བསྐོར་བསྐྱོད་བྱས་པ་རེད།།