ཕུང་པོ་དུར་འཇུག

ས་གོང་དབང་འདུས།        2010-08-31

བོད་མིར་གདུང་བཞེངས་ཞུགས་འབུལ་དང་ཆུ་བསྐྱུར་ས་སྦས། དེ་བཞིན་བྱ་གཏོར་ལ་སོགས་ཕུང་པོ་དུར་འཇུག་བྱེད་སྟངས་རིགས་མི་འདྲ་བ་ལྔ་ཙམ་ཡོད་ནའང་། འདིར་སྔོན་ལ་གོང་མ་ཁག་བཞི་ངོ་སྤྲོད་མདོ་ཙམ་ཞུ་རྒྱུ་ཡིན། དེ་ཡང་དང་པོ་གདུང་རྟེན་ཞེས་པ་ནི་ཏཱ་ལའི་བླ་མ་དང་པཎ་ཆེན་སྐུ་ཕྲེང་རིམ་བྱོན་དང་། དེ་བཞིན་བླ་སྤྲུལ་ཆེ་ཁག་རྣམས་སྐུ་ཞིང་ལ་གཤེགས་ཚེ། གང་གི་སྐུ་ཕུང་ལ་སྨན་སྦྱོར་དང་དར་གྱིས་བཏུམས་ཏེ། གསེར་དངུལ་ལས་གྲུབ་པའི་མཆོད་རྟེན་བཞེངས་ནས། དེའི་ནང་ཞུགས་སུ་གསོལ་ཏེ་མི་རྣམས་ཀྱི་དད་པའི་རྟེན་ལ་འཇོག་གི་ཡོད། དེ་མིན་བླ་སྤྲུལ་དང་མི་དྲག་ཆེ་རིགས་འགའ་ཚེ་ལས་འདས་ཚེ། སྐུ་ཕུང་མེར་བསྲེགས་ནས་ཞུགས་འབུལ་བྱེད་པ་ཡང་ཡོད། དེ་བྱིངས་མང་ཆེ་བ་བྱ་གཏོར་གྱི་ཆ་རྐྱེན་མ་འཛོམས་ན་གཙང་ཆུར་བསྐྱུར་ནས་ཉར་སྦྱིན་གྱི་ཡོད། མི་བསད་རྟ་འཁྱེར་ལྟ་བུའི་ཁྲིམས་འགལ་ཉེས་ཅན་པ་དང་འགོས་ན་ཀྱི་འཆི་བའི་ཕུང་པོ་རྣམས་ས་སྦས་གཏོང་གི་ཡོད། དེ་ནི་དུར་འཇུག་ཀུན་གྱི་མཐའ་མའམ་སྡུག་ཤོས་ལ་བརྩི་སྲོལ་ཡོད། གཞན་ཡང་བྱིས་པ་ཆུང་ཆུང་དག་གི་སྐུ་ཕུང་ནི་རྫ་སྣོད་དམར་པོའི་ནང་བླུགས་ནས་བྲག་སྲུབ་ད་རྫ་རིར་སྦས་ཀྱི་ཡོད།

  • ལེ་ཚན་སྔོན་མ།:གནས་སྐབས་མེད།
  • ལེ་ཚན་རྗེས་མ།:གཤིན་པོའི་འདས་མཆོད།