དགུན་དཔྱིད་དུས་སུ་དབུགས་ལམ་གྱི་འགོས་ནད་མཆེད་སྐབས། གནམ་གཤིས་ཀྱི་འགྱུར་ལྡོག་དང་བསྟུན་ནས་གོན་པ་ཇེ་མཐུག་ལ་གཏོང་བ་དང་། ལུས་དྲོད་སྲུང་བར་དོ་སྣང་བྱེད་དགོས། རང་ཉིད་ཀྱི་གཙང་སྦྲར་མཉམ་བཞག་ཏེ་རྒྱུན་དུ་ལུས་པོ་བཀྲུ་བ་དང་གོན་པ་བརྗེ་དགོས། བཟའ་བཏུང་གི་ཐད་ནས་ལུགས་མཐུན་སྒོས་ཟས་ཟ་བ་དང་། འཚོ་བཅུད་དོ་མཉམ་ཡོང་བ་སྲུང་འཛིན་བྱས་ཏེ་ལུས་ཀྱི་ནད་འགོག་ནུས་བ་ཇེ་ལེགས་སུ་གཏོང་དགོས། འཚོ་བ་དང་བྱ་བ། སློང་སྦྱོང་བཅས་བྱེད་པའི་ཁོར་ཡུག་ནས་རྒྱུན་དུ་སྒོ་དང་དྲ་མ་ཕྱེས་ནས་མཁའ་དབུགས་གསར་བ་རྒྱུ་རུ་བཅུག་ཏེ་དྭངས་གཙང་གི་མཁའ་དབུགས་སྲུང་འཛིན་བྱེད་དགོས། ཕྱི་ནས་ཁྱིམ་དུ་ལོག་རྗེས་ཆུ་གཙང་མ་དང་འདག་རྫས་བཀོལ་ནས་ལག་པ་གཙང་མར་བཀྲུ་དགོས། འཚོ་བར་གོ་རིམ་ཡོད་པར་བྱས་ཏེ། ངལ་གསོ་དང་གཉིད་འདང་ཚད་ཅག་ཉལ་བར་ཁག་ཐེག་དང་། ལུས་ཕུང་སྦྱོང་བརྡར་ལ་ཤུགས་སྣོན་བྱེད་དགོས། གཞན་ད་རུང་མི་མང་འདུ་སར་འགྲོ་བ་ཇེ་ཉུང་དུ་གཏོང་བ་བཅས་བྱེད་དགོས། །