གྲོང་ཁྱེར་ལྷ་སའི་ཁོངས་ཆུ་ཤུར་རྫོང་། གནམ་ཤང་། འཇང་གྲོང་ཚོའི་ཕུར་འཇང་དགོན་པ་ཞེས་པ་ཞིག་ཡོད་པ་དེ་ནི་ལོ་རྒྱུས་རིང་ལ་གྲགས་ཆེ་ཙམ་ཞིག་ཡིན། དགོན་གནས་དེ་ནི་རྗེ་བཙུན་འཇམ་པའི་དབྱངས་ཀྱི་བྱིན་གྱིས་རླབས་པའི་གནས་ཤིག་ཡིན་པར་གྲགས་ཤིང་། དགོན་པ་དེ་འདེབས་པར་མཛད་པོ་ནི་འཇམ་དབྱངས་མངོན་མཁྱེན་པ་?ལ་ལས་འཇང་ཕུ་མངོན་མཁྱེན་པ་ཟེར་?ཡིན། ཁོང་ནི་ཕལ་ཆེར་སྤྱི་ལོའི་དུས་རབས་བཅོ་ལྔ་པའི་གོང་དུ་མིན་ནམ་ཟེར། འཇང་དགོན་པར་ཚོགས་ཆེན་འདུ་ཁང་དང་། སྙེ་ཐང་ར་སྟོད་དགོན་གྱི་ཁང་ཚན་སོ་སོའི་སྤྱི་ཁང་། འབྲས་སྤུངས་བློ་གསལ་གླིང་དང་། སྒོ་མང་། སེ་ར་སྨད་དང་། བྱེས་པ། དགའ་ལྡན་ཤར་རྩེ་དང་། བྱང་རྩེ་སོགས་གྲྭ་ཚང་སོ་སོའི་སྤྱི་ཁང་དང་། ཁང་ཚན་ཁག་གཅིག་གི་སྤྱི་ཁང་ཡོད། དུས་རྒྱུན་ཚོགས་ཆེན་དུ་ར་སྟོད་དགོན་གྱི་དཀོན་གཉེར་ཞིག་དང་། གྲྭ་ཁང་སོ་སོའི་ཁང་པ་སྲུང་མཁན་མ་གཏོགས་གཏན་སྡོད་གྲྭ་པ་མེད། དེ་གར་ལོ་ལྟར་བོད་ཟླ་བཅུ་གཅིག་པ་དང་བཅུ་གཉིས་པའི་ནང་འཇང་དགུན་ཆོས་ཞེས་སེ་འབྲསམ་དགས་གསུམ་དང་། མཉེས་ཐང་རྭ་སྟོད། འོན་མངའ་རིས་གྲྭ་ཚང་སོགས་མཚན་ཉིད་དར་ཁྱབ་ཆེ་ཙམ་ཡོད་པའི་དབུས་ཁུལ་གྱི་དགོན་སྡེ་ཁག་གཅིག་དགེ་འདུན་སྟོང་ཕྲག་བརྒལ་བ་འཛོམས་ཏེ་གཞུང་ཆེན་བཀའ་པོད་ལྔའི་ནང་ཚན་ཚད་མ་རྣམ་འགྲེལ་ལ་བརྒལ་བརྟག་གསན་བཞེས་མཛད་སྲོལ་ཡོད། དེའི་རིང་ཚོགས་ཆེན་དུ་གཏོང་སྒོ་གཏོང་རྒྱུ་དང་། སྒྲིག་ལམ་གནོན་རྒྱུ། ཆོས་ཕྱོགས་བྱེད་སྒོའི་གཙོ་འགན་འཁུར་རྒྱུ་སོགས་མཉེས་ཐང་ར་སྟོད་ཀྱིས་བྱེད་ཀྱི་ཡོད། དེ་གར་སྔ་མོ་མཉེས་ཐང་ར་བ་སྟོད་དང་། སེ་ར་སྨད་གྲྭ་ཚང་། དགའ་ལྡན་ཤར་རྩེ་གྲྭ་ཚང་། འབྲས་སྤུངས་སྒོ་མང་གྲྭ་ཚང་། དེ་མིན་གཞིས་དགོན་ཁ་ཤས་ལས་དངོས་སུ་ཕེབས་ལམ་མེད་ཀྱང་སེ་ར་བྱེས་ཀྱི་དགེ་འདུན་འཇང་དགུན་ཆོས་སུ་ཕེབས་འདོད་མཁན་རྣམས་མཁན་པོར་དགོངས་པ་ཞུས་ཏེ་མངོན་ཆུང་གི་ཚུལ་དུ་ཕེབས་མཁན་མི་ཉུང་བ་ཞིག་ཡོད་སྐད། རྗེས་སུ་སེ་ར་བྱེས་དང་། འབྲས་སྤུངས་བློ་གསལ་གླིང་། དགའ་ལྡན་བྱང་རྩེ་སོགས་ནས་འཇང་དགོན་པར་གྲྭ་ཁང་གསར་སྐྲུན་ཐོག་དགེ་འདུན་པ་རྣམས་དངོས་སུ་ཆོས་ཐོག་ལ་ཕེབས་རྒྱུའི་གཏན་འབེབས་བཟོས་པ་དང་། སེ་ར་བྱེས་གྲྭ་ཚང་ནས་འཇང་དགུན་ཆོས་སུ་ཕེབས་མཁན་རྣམས་ལ་འབྲུ་ཕོགས་ཤིག་ཀྱང་རྒྱག་གི་ཡོད་འདུག །
         སེ་འབྲས་དགེ་གསུམ་གྱི་སྤྲུལ་སྐུ་ཆེ་ཆུང་ཚང་མ་འཇང་དགུན་ཆོས་ལ་ཐེངས་རེ་ཕེབས་དགོས་པ་དང་། ཚོགས་ཆེན་སྤྲུལ་སྐུ་ཡན་གྱི་སྤྲུལ་སྐུ་ཚོས་དེ་གའི་ཚོགས་ཆེན་དུ་གཏོང་སྒོ་རེ་གནང་སྲོལ་དང་། སྤྲུལ་སྐུ་གཞན་ཚོས་?གྲྭ་ཚང་སྤྲུལ་སྐུ་?སོ་སོའི་གྲྭ་ཚང་ལ་གཏོང་སྒོ་རེ་གནང་ལམ་ཡོད། དེ་གར་ཕེབས་མཁན་ནི་གྲྭ་པ་མཚན་ཉིད་པ་མ་གཏོགས་མེད་ལ། ནམ་དུས་ཀྱང་གྲང་ངར་ཆེ་བ། ཆ་རྐྱེན་ཞན་པ་སོགས་ལ་བརྟེན་ནས་ཆོས་ལུགས་ལ་སྦྱང་བརྩོན་རྣམ་དག་གནང་མཁན་མ་གཏོགས་གྲྭ་པ་གང་བྱུང་ཕེབས་སྲོལ་མེད་ཐོག་དཀའ་ངལ་ཡང་བཟོད་དཀའ་བས་“འཇང་དགུན་ཆོས་ལ་སླེབས་འདུག་ཟེར་ན་བདག་འམ་བུ་སྨྱོ་བའི་རྟགས་རེད་”ཅེས་ཤོད་སྲོལ་ཡོད། ། དགུན་དུས་ཀྱི་ཆོས་ཐོག་དེར་“འཇང་དགུན་ཆོས་”དང་། “འཇམ་དབྱངས་དགུན་ཆོས་”ཞེས་ལུགས་ཀྱི་བྱེད་སྒོ་དེ་འཇམ་པའི་དབྱངས་ཀྱིས་ལུང་བསྟན་པས་དེ་སྐད་འབོད་པ་ཡིན་འདུག ཉིན་རེ་ཚོགས་ཆེན་དུ་སྔ་ཇ་དང་། དགུང་ཚིགས། གྲྭ་ཁང་སོ་སོར་གྲྭ་ཇ་དང་། དཔེ་ཁྲིད། ཚོགས་ཆེན་གྱི་ཆོས་ར་དང་། རྡོ་གཅལ། གྲྭ་ཁང་སོ་སོའི་ར་སྒོར་བཅས་ལ་དམ་བཅའ་དང་རྩོད་པ་ཚུགས་ཤིང་། ད་དུང་གྲྭ་ཚང་ཕན་ཚུན་བར་དམ་བཅའ་འཇོག་རེས་བྱེད་པ་མ་ཟད། མཚན་གང་རྩོད་པ་བྱེད་པར་མཚན་སྤེལ་དམ་བཅའ་ཞེས་འབོད། ནམ་དུས་ཧ་ཅང་གྲང་བ་དང་།