སྡེ་རོང་གི་གྱང་གླུ།

སྡེ་རོང་།(བཀྲ་ཤིས་ཕུན་ཚོགས་ཀྱིས།)        2011-08-25

སྡེ་རོང་རྫོང་གི་མི་སེར་རྣམས་ཀྱི་སྡོད་ཁང་ནི་ས་ལས་བཟོས་པའི་གྱང་ཡིན་ཞིང་།
ནམ་རྒྱུན་མི་ཚོས་གྱང་རྡུང་བའི་སྐབས་སུ་དང་པོ་གླུ་དབྱངས་ལེན་པ་དང་།དཔེར་ན་“ཨ་ལ་རྒྱ་མོ་ཤུགས་ལ་ཡ།ཨ་ལ་རྒྱ་མོ་ཤུགས་ལ་ཡ”ཞེས་ལེན་སྲོལ་ཡོད་པ་རེད།ས་གནས་དེ་གའི་མི་རྒན་ཚོས་བཤད་སྲོལ་ལྟར་ན་གླུ་དབྱངས་དེ་རིགས་ནི་གྱང་བཟོ་འགོ་ཚུགས་པའི་སྐབས་སུ་མི་ཚོར་ངར་ཤུགས་སློང་ཡས་ཡིན་པ་རེད།
 གཉིས་པ་གཞི་བདག་ལ་བསྟོད་པ་བྱེད་སྲོལ་ཡོད་ཅིང་།
དེ་ནི་གྱང་བཟོ་སྐབས་གདོན་བགེགས་བར་ཆད་མི་ཡོང་བའི་ཆེད་དུ་རང་གི་ཡུལ་ལྷ་གཞི་བདག་ལ་ཁ་འབོད་ཚུལ་གྱི་བསྟོད་པ་བྱེད་སྲོལ་ཡོད་པ་ཞིག་རེད། གསུམ་པ་ནི་བཀྲ་ཤིས་བརྗོད་སྲོལ་ཡོད་ཅིང་།དེ་ནི་གྱང་བཟོ་བའི་སྐབས་སུ་ཤིས་བརྗོད་ཀྱི་ཚིག་འདྲེས་པ་དེ་དག་དབྱངས་སུ་ལེན་སྲོལ་ཡོད་པ་ཞིག་རེད།དཔེར་ན།དེ་རིང་གནམ་ལ་སྐར་མ་བཟང་།དེ་རིང་ས་ལ་དུས་ཚོད་བདེ།དེ་རིང་བར་གྱི་ཚེས་གྲངས་བཟང་།ས་ནག་པོ་ཐོག་ལ་ཐིག་དཀར་པོ་རྒྱབ།ༀམཎིཔདྨེཧྰོུ
ཐིག་དཀར་པོ་ཐོག་ལ་རྨིག་གཅིག་བཤུལ།ཡང་རྨིག་གཅིག་ཐོག་ལ་རྡོ་གཅིག་བཞག
  • ལེ་ཚན་སྔོན་མ།:དམངས་གླུ་ཆུ་མིག་དགུ་སྒྲིལ།
  • ལེ་ཚན་རྗེས་མ།:དམངས་གླུ་ཁག་གཉིས།