ཚེས11ཉིན། རྒྱལ་ཁབ་སྡོམ་རྩིས་ཅུས་དང་རྒྱལ་སྲིད་སྤྱི་ཁྱབ་ཁང་གི་རྒྱལ་ཡོངས་མི་འབོར་ཡོངས་ཁྱབ་ཞིབ་བཤེར་ཐེངས་བདུན་པའི་འགོ་ཁྲིད་ཚོ་ཆུང་གཞུང་དོན་ཁང་གིས་ཁྱབ་བསྒྲགས་བྱས་པར་གཞིགས་ན། རྒྱལ་ཡོངས་ཀྱི་སྤྱིའི་མི་འབོར་ཁྲི141178(དུང་ཕྱུར14.1178）ཟིན་པ་དེ2010ལོའི་མི་འབོར་ཡོངས་ཁྱབ་ཞིབ་བཤེར་ཐེངས་དྲུག་པའི་མི་ཁྲི133972（དུང་ཕྱུར13.3972）དང་བསྡུར་ན། མི་ཁྲི7206མང་དུ་ཕྱིན་པ་དང་། 5.38%འཕར་ཡོད་ཅིང་། ལོ་རེའི་ཆ་སྙོམས་འཕར་ཚད0.53%ཟིན་ཡོད། དེ་2000ལོ་ནས2010ལོའི་བར་གྱི་ལོ་རེའི་ཆ་སྙོམས་འཕར་ཚད0.57%དང་བསྡུར་ན་བརྒྱ་ཆའི་གྲངས0.04མར་ཆགས་ཡོད། གཞི་གྲངས་ལྟར་ན་རང་རྒྱལ་གྱི་མི་འབོར་ལོ10ཡི་རིང་མུ་མཐུད་དུ་མྱུར་ཚད་དལ་བའི་སྒོ་ནས་འཕར་བའི་རྣམ་པ་རྒྱུན་འཁྱོངས་བྱས་ཡོད། རྒྱལ་ཡོངས་ཀྱི་མི་འབོར་ནང་སྐྱེས་པའི་མི་འབོར723339956ཡོད་པ་དེས51.24%ཟིན་པ་དང་། བུད་མེད་ཀྱི་མི་འབོར་ནི688438768ཡིན་པ་དེས48.76%ཟིན་ལ། མི་གྲངས་བསྡོམས་འབོར་གྱི་ཕོ་མོའི་བསྡུར་ཚད་ནི105.07ཡིན།