གནུབས་རྒྱལ་མཚན། 2021-04-30
ཞལ་མེ་ཏོག་འདང་གིས་གཉོར་ཡང་།།
འདང་མུ་ཏིག་ཕྲེང་ལ་བསྟར་ཡང་།།
ཕྲེང་པད་དཀར་འོད་ཀྱི་ཆུན་པོ།།
ཆུའི་གཞུང་ལ་འདེབས་ན་རང་གསལ།།
ལུས་ཨུཏྤལ་ཆབ་ཀྱིས་གསུས་ཀྱང་།།
ཆབ་གངས་ཆུ་བདུད་བསིལ་དྲངས་ཀྱང་།།
ཆང་ལྷ་ཚོགས་ཕོ་བྲང་ནོར་བུ།།
རྡུལ་ས་རུར་བསྲེ་ན་རང་གསལ།།
ཞལ་ཐང་ག་སེམས་སུ་བཤམས་ཀྱང་།།
ཡིད་དད་པས་སྐྱབས་སྨོན་བཏབ་ཀྱང་།།
གསུང་དམ་པའི་བཀའ་ཞྭ་དཀར་བོ།།
སྟག་གཞན་ལ་སྐོན་ན་རང་གསལ།།
སྐུ་དར་སྨད་ཚོན་གྱིས་བྱུགས་ཀྱང་།།
སྙིང་དམ་བཅའི་བྱུར་དམར་བརྒྱན་ཡང་།།
སྒར་སེང་འབྲུག་སྟག་རྩེའི་རྒྱ་ཕིབས།།
མེ་དམར་བོར་བསྐྱོན་ན་རང་གསལ།།
ཁྲེལ་རྡོ་རྗེ་ཕ་ལམ་སྟེར་ཡང་།།
ལུས་རུས་པའི་མར་ཁུ་མཆོད་ཀྱང་།།
མགུར་དྭངས་མོའི་སྨུག་མཆོང་གཟི་མདངས།།
ཡུལ་གཞན་ལ་གཏད་ན་རང་གསལ།།
ཞེན་འཁྲེན་སའི་ཁ་དན་བྱས་ཀྱང་།།
ཡུལ་རྨ་བྱའི་སྒྲོ་ཐིག་བཅས་ཀྱང་།།
ཡིད་རེ་བའི་བཀྲས་བཏགས་གཞུན་པོ།།
འདྲོན་གཞན་ལ་འཐེན་ན་རང་གསལ།།
རྩོམ་གསར། 10