མང་ཚོགས་དབུལ་ཕོངས་ཀྱི་སྡོད་གནས་སྤོ་བ་དང་ལས་རིགས་བཅོས་བསྒྱུར་གཏོང་བ། དབུལ་ཕོངས་ཀྱི་འབྱུང་རྩ་བཏོན་པ།

ལྷ་འཛོམས་ཀྱིས་བསྒྱུར།        2020-09-16

    བཀོད་ལེགས་བརྗིད་ཉམས་ཁང་བཟང་མང་དུ་བསྐྲུན།། མང་ཚོགས་དབུལ་ཕོངས་གདོང་ལ་འཛུམ་མདངས་འཕྱུར།།

    རང་ཁུལ་གྱིས་ཡུལ་གཞན་དུ་གནས་སྤོ་བྱ་རྒྱུ་དེ་འཕེལ་རྒྱས་ལ་སྐུལ་འདེད་གཏོང་བའི་སྒུལ་ཤུགས་གལ་ཆེན་དང་དབུལ་ཐར་འགག་སྒྲོལ་གྱི་འགག་རྩའི་བྱེད་ཐབས་སུ་བརྩི་རྒྱུ་རྒྱུན་འཁྱོངས་བྱས་ནས་གནས་སྤོས་དབུལ་སྐྱོར་བྱ་རྒྱུ་དེ་མང་ཚོགས་དབུལ་ཕོངས་ཀྱི་“སྡོད་གནད་སྤོ་བ་དང་ལས་རིགས་བཅོས་བསྒྱུར། དབུལ་ཕོངས་ཀྱི་འབྱུང་རྩ་བ་བཏོན་པ”བཅས་ཀྱི་རྩ་བཅོས་ཐབས་ཇུས་སུ་འགྱུར་བར་བྱས་ཤིང་།། གནས་སྤོ་མང་ཚོགས“སྤོ་ཐུབ་པ་དང་། སྡོད་ཐུབ་པ། ཕྱུག་པོ་ཆགས་ཐུབ་པ་”བཅས་བྱས་པ་རེད། མི་རབས་ནས་མི་རབས་བར་འཚོ་བ་བསྐྱལ་བའི་རི་གྲོང་དང་ཁ་བྲལ་ནས་གཅིག་སྡུད་གཅིག་གྱུར་གྱིས་བསྐྲུན་པའི་ཡངས་ཤིང་མཛེས་སྡུག་ལྡན་པའི་སྡོད་ཁང་གསར་པའི་ནང་སྤོས་ཐུབ་པ་བྱུང་བ་དང་ཡུལ་གཞན་དུ་གནས་སྤོས་པའི་མང་ཚོགས་རྣམས་དྲོ་སྐྱིད་ལྡན་པའི་སྡོད་ཁང་དང་སེམས་བདེའི་ཁང་པ། སྤྲོ་སྐྱིད་བག་ཕེབས་ཀྱི་སྡོད་ཁང་བཅས་སུ་སྡོད་ཐུབ་པ་བྱུང་ནས་དཀར་མཛེས་ཁུལ་གྱི་དབུལ་པོ་ཉུང་དུ་གཏོང་བའི་ལོ་རྒྱུས་ཐོག་ངོ་མཚར་ཆེ་བའི་ལེའུ་ཞིག་བྲིས་ཡོད།

     རང་ཁུལ་གྱི་དུད་ཚང13348དང་མི53568ཡུལ་གཞན་དུ་གནས་སྤོ་བྱས་ཡོད་པས། ཞིང་ཆེན་ཡོངས་ཀྱི་འཆར་གཞིའི་བརྒྱ་ཆ3.9ལ་ཟིན་ཡོད། གནས་སྤོས་མི་འབོར་གྱི་གཞི་ཁྱོན་དེ་ཞིང་ཆེན་ཡོངས་ཀྱི་ཨང་བརྒྱད་པར་སླེབས་ཡོད། དེའི་གཞི་ཁྱོན་ཆེ་ཞིང་ལས་འགན་ལྕི་བ། དཀའ་ངལ་ཆེ་བ། གནོན་ཤུགས་སྔ་ན་མེད་པ་བཅས་རེད།གནས་བབ་དྲག་པའི་མདུན་དུ་རང་ཁུལ་གྱིས“སེམས་ཁྲལ་མེད་པ་གཉིས་དང་འགན་ལེན་གསུམ”ལ་དམ་པོར་དམིགས་ཏེ་ཤིན་ཏུ་དབུལ་པོའི་ཡུལ་གྲོང་དང་ཤིན་ཏུ་དབུལ་པོའི་གྲོང་སྡེའི་ཚོ་ཆུང་ལ་གཙོ་གནད་ཐོག་དམིགས་པ་དང་ཡུལ་གཞན་དུ་གནས་སྤོས་དབུལ་སྐྱོར་བྱ་རྒྱུ་དེ་དབུལ་ཐར་འགག་སྒྲོལ་དམག་འཐབ་ལ་རྒྱལ་ཁ་ལེན་པའི་དམག་འཐབ་ཨང་དང་པོ་དང་མཚོན་རྟགས་རང་བཞིན་གྱི་ལས་གྲྭར་བརྩིས་ཤིང་།“བདེ་སྡོད་དང་ལས་བརྩོན་མཉམ་སྤེལ་དང་། གནས་སྤོ་དང་དབུལ་སྒྲོལ་མཉམ་སྐྱོད། ཕྱུག་འགྱུར་དང་འབྱོར་འབྲིང་ཕྱོགས་སུ་སྐྱོད་པ་མཉམ་ཐོབ”བཅས་ཀྱི་སྤྱིའི་དམིགས་ཚད་ལ་དམ་པོར་དམིགས་ནས་ལས་ཀའི་ལམ་སྲོལ་རྒྱུན་ཆད་མེད་པར་འཛུགས་པ་དང་འཐུས་སྒོ་ཚང་དུ་གཏོང་བ་དང་། སྲིད་ཇུས་དོན་འཁྱོལ་ཚད་ལྡན་ནན་པོར་བཟོས་པ། ཡུལ་གཞན་དུ་གནས་སྤོས་དབུལ་སྐྱོར་ལས་གཞི་འཛུགས་སྐྲུན་ལ་བརྟན་པོའི་ངང་སྐུལ་འདེད་ཧུར་ཐག་གཏོང་བ། བདེ་སྐྱིད་དང་མཛེས་སྡུག་ལྡན་པའི་གྲོང་ཚོ་གསར་པ་འཛུགས་རྒྱུ་དང་ཟུང་འབྲེལ་བྱས་ཏེ་ཁྱིམ་གཞིས་གསར་པ་འཛུགས་སྐྲུན་དང་། ས་ཁོངས་ཡོངས་ཀྱི་ཡུལ་སྐོར་དང་ཟུང་འབྲེལ་བྱས་ནས་ལས་ཞུགས་ཐབས་ལམ་རྒྱ་སྐྱེད་གཏོང་བ། ཐོན་ལས་འཕེལ་རྒྱས་ཀྱི་བཀོད་པ་དང་ཟུང་འབྲེལ་བྱས་ནས་འབབ་འཕར་བརྟན་པོ་ཡོང་བ་བཅས“ཟུང་འབྲེལ་གསུམ་”མངོན་འགྱུར་ཡོང་བ་བྱེད་པ། ནུས་ཤུགས་ཡོད་རྒུས་ཡུལ་གཞན་དུ་གནས་སྤོས་དབུལ་སྐྱོར་བཀོད་སྒྲིག་བྱེད་གནས་དེ་བདེ་སྐྱིད་དང་མཛེས་སྡུག་ལྡན་པའི་གྲོང་ཚོ་གསར་པའི་དཔེ་སྟོན་ཁུལ་དུ་བསྐྲུན་ཞིང་། ཡུལ་གཞན་དུ་གནས་སྤོའི་དབུལ་སྐྱོར་དོན་འཁྱོལ་ཐུབ་པའི་འགན་ལེན་བྱེད་ཅིང་། ཚན་རིག་དང་མཐུན་པའི་འཆར་འགོད་དང་འཛུགས་སྐྲུན་ལ་སྐུལ་འདེད་ཏན་ཏིག་གཏོང་བ། དོ་དམ་ཞབས་ཞུ་ལེགས་སུ་གཏོང་བ་བཅས་བྱས་ནས་ཡུལ་གཞན་དུ་གནས་སྤོས་དབུལ་སྐྱོར་གྱི་ལས་འགན་བདེ་བླག་ངང་ལེགས་སྒྲུབ་བྱས་ཡོད།

      2014ལོ་ནས་བཟུང་། རང་ཁུལ་གྱིས་ཁྱོན་མ་དངུལ་སྒོར་ཁྲི302644.16བཏང་ནས་གཅིག་སྡུད་བཀོད་སྒྲིག་བྱ་ཡུལ88བསྐྲུན་ཡོད། དབུལ་ཕོངས་མང་ཚོགས་དུད་ཚང2956གི་མི11083གཅིག་སྡུད་བཀོད་སྒྲིག་བྱས་པ་དང་གནས་སྤོས་དུད་ཚང373གྱི་མི1815གཅིག་སྡུད་བཀོད་སྒྲིག་བྱས་ཤིང་། དབུལ་ཕོངས་མང་ཚོགས10392དང་དུད་ཚང42485ཁ་ཐོར་བཀོད་སྒྲིག་བྱས་པ་རེད། ཁང་རྙིང13348བཤིག་པ་དང་། བསྐྱར་སྦོལ་རྒྱ་ཁྱོན་སྨི་གྲུ་བཞི་མ་ཁྲི57.11དང་སྐྱེ་ཁམས་སླར་གསོ་སྨི་གྲུ་བཞི་མ་ཁྲི128.301ལ་ཟིན་པ་བཅས་བྱས་ནས་ལོ་ལྔའི་འཆར་གཞི་བཅུ་གསུམ་པའི་དུས་རིང་གི་རྒྱལ་ཁབ་དང་ཞིང་ཆེན་གྱིས་གཤམ་ལ་སྤྲད་པའི་ཡུལ་གཞན་དུ་གནས་སྤོས་དབུལ་སྐྱོར་གྱི་ལས་འགན་ཚང་མ་དུས་བཀག་ལྟར་ལེགས་སྒྲུབ་བྱས་པ་རེད།།

  • ལེ་ཚན་སྔོན་མ།:སོར་རྩེའི་གར་སྟབས་ཀྱིས་ཁུལ་འཛུགས་དུས་སྟོན་བསུ།
  • ལེ་ཚན་རྗེས་མ།:ཁྱིམ་གཞིས་གསར་པར་སྤོས་ཏེ་བདེ་སྐྱིད་ཀྱི་འཚོ་བ་རོལ།
  • དོ་སྣང་ཆེ་བའི་རྩོམ།