ཀྲི་ཉ་ཤ་ར། 2020-09-14
དྲིན་ཆེན་གྱི་དགེ་རྒན།
འཇིག་རྟེན་མཛེས་པ་ཁུར་བའི་བགྲེས་པོ།
ད་ལྟ་མི་ཡི་རྒྱལ་མཚན་ཁྱེད་ཡིན།
ཁྱེད་ཀྱི་ལྷག་བསམ་གྱི་གཤོག་ཟུང་མཁའ་ལ་
བརྐྱངས་པས།
ས་ཆེན་འདིའི་ཡིད་དུ་འོང་བའི་བྱེའུ་དག
རང་དབང་གིས་ནམ་མཁར་འཕུར་བ་ཇི་
འདྲའི་མཛེས་སྡུག་ལྡན།
དྲིན་ཆེན་གྱི་དགེ་རྒན།
རུས་པའི་རྐང་ལ་ཟུག་པའི་དྲོད་ཁོལ།
སེམས་ཁོང་གི་ཉི་མ་སེར་པོ།
ཁྱེད་ཀྱི་ཤེས་རིག་གི་ཟེར་བརྒྱ་ཕྱོགས་བཅུར་སྤྲོས་པས།
ང་ཚོས་ཆེས་ཡིད་དུ་འོང་བའི་མདུན་ལམ་རྙེད་ནས།
འོད་ཟེར་ལྡན་པའི་ཁ་ཕྱོགས་ལ་སྐྱོད་པ་ཇི་འདྲའི་
རིན་ཐང་ཆེ།
དྲིན་ཆེན་གྱི་དགེ་རྒན།
ཕ་མ་གཉེན་ཉེ་ལྟ་བུའི་རྩིས་ཐང་ཅན།
ཇི་སྲིད་ཞེ་ལ་ཐོགས་པའི་ཚེ་གཅིག་གི་མི།
ཁྱེད་ཀྱི་ཟོལ་མེད་ཀྱི་སྐད་ཆ་དེ་དག
བུ་ཕྲུག་འབུམ་ཕྲག་ལྷག་གི་སེམས་ཀྱི་རྟེན་ཡིན།
མི་ཚེའི་གྲོ་ཡིན།
རྩོམ་གསར། 10