ལུག་རྫི། 2020-08-21
དཀོན་མཆོག་མའི་བྲང་གཞུང་གི་ནམ་མཁའ་ལས།
སྤྲིན་དཀར་གྱི་མདངས་སུ་མངར་ཆ་ཧུབ་འགའ།
མཆུ་ཟུང་གི་ཧྲག་བར་དུ།
མངར་སིལ་ལེར་འཛག་དུས་ནས།
ངའི་བག་ཆགས་ཀྱི་གོས་གདང་ལ།
འདོད་ཞེན་གྱི་ཁུག་མ་རང་ཆས་སུ་འཕྱང་ཡོད།
བྱིས་དུས་ཀྱི་ཁུག་མ་དེ།
རྩེད་ཆས་ཀྱིས་བརྒྱང་འདོད་བྱུང་།
ཐེ་གེ་ལུ་གུ་རྒྱུད་སྦྲེལ་དུ།
གཞོན་དུས་ཀྱི་ཁུག་མ་དེ།
ལོངས་སྤྱོད་ཀྱིས་ཕྱུག་ན་སྙམ།
རྒྱས་སྤྲོས་ལ་གུ་ཡངས་སེར།
ད་ཞག་གི་ཁུག་མ་དེ།
མྱ་ངན་ལ་ལག་ཡུག་རྒྱག་པའི།
གསོག་སྲུང་གི་དཔྱ་ཁྲལ་བབས་པའི།
ཁ་འདིག་ཁྲ་ཁྲ་ཞིག་གིས་ཁ་དམ་པོར་བཅིངས་ཏེ།
སྐད་དཔངས་མཐོ་བའི་མཉན་བྱ་མཐའ་དག་ཕྱིར་
འབུད་གཏོང་འདོད་བྱུང་།
དེ་ནས་བཟུང་།
ངའི་ཁུག་མའི་ནང་བྱང་ཐང་གི་ཞི་འཇགས་བླུག་ནས།
ཁུ་སིམ་མེར་སྟེགས་བུ་ལ་རྐུབ་བཙུགས་ཏེ།
མི་ཡུལ་ལུང་བར་ལྟད་མོར་འགྲོ་སྙིང་བྲོ་གི།
རྩོམ་གསར། 10