ཀ་ཕྲེང་བྱིས་པའི་དྲུག་གཅིག་བསུ།

ཁ་བ་སངས་རྡོར།        2020-06-01

ཀ་ཁ་ག་ང་འདོན་པའི་བྱིས་ཆུང་།།

ཁ་ནས་གླུ་གཞས་བཏང་བའི་ལོ་ཆུང་།།

ག་ས་གང་ལ་འཛུམ་གྱིས་བསུས་ཡོད།།

ང་ཡི་བྱིས་པ་ལོ་ཆུང་རྩེད་དགའ།།

ཅ་ག་ལུས་ཀྱི་ལྭ་བ་ཡག་པོ།།

ཆ་ལུགས་བོད་ཀྱི་སྲོལ་དང་མཐུན་པ།།

ཇ་དཀར་འོ་མའི་མགྲོན་པོ་བསུས་ཡོད།།

ཉ་མོས་གཤོག་པ་བྱིས་ཆུང་སྦྱིན་ཡོད།།

ཏ་ཀུ་རྒན་གཞོན་སྟོན་མོ་སླེབས་པ།།

ཐ་གྲུ་ཡངས་བའི་རྩྭ་ཐང་སྟེང་ན།།

ད་ལྟ་འཁྲབ་ཀྱིན་ཡོད་པས་འཁྲབ་སྟོན།།

ན་ཆུང་བྱིས་པའི་ལུས་ཀྱི་སྒྱུ་རྩལ།།

པདྨ་འདྲ་བའི་པདྨ་བཞད་པ།།

ཕ་མ་དགའ་བས་དགོད་སྒྲ་ལྷང་ལྷང་།།

བ་དཀར་ལྟ་བའི་མི་གཤིས་འཇམ་པོ།།

མ་མ་ཞིག་གི་སེམས་ཀྱི་དྲོད་ཐིག།

ཙ་ཙིག་ལས་བྱའི་གོམ་པ་དང་པོ།།

ཚད་ལྡན་བྱིས་པའི་རྩེད་གར་སྣ་ཚོགས།།

ཛ་སྤྱོད་བྱས་དང་བྱེད་བཞིན་ཡོད་པས།།

ཝ་སོགས་གྱོན་པའི་སྲོལ་དེ་མེད་དོ།།

ཞོ་དང་འོ་མའི་རྟེན་འབྲེལ་སྒྲིག་ཡོད།།

ཟས་མངར་ཞིམ་པའི་བྲོ་བ་རོལ་བཞིན།།

འུ་ཅག་འཛོམས་སའི་རི་རྒན་སྤང་ན།།

ཡ་རབས་བཟང་བོས་སྲོལ་དེ་བསྟོད་དོ།།

རི་བོ་ཁྱེད་ལ་གངས་ཀྱིས་གཡོགས་སོང་།།

ལ་ལུང་ཀུན་ནས་མགྲོན་པོ་བསླེབས་སོང་།།

ཤ་ཆང་ཀ་རའི་སྡེར་ཁ་བཤམས་སོང་།།

སོ་སོ་གདོང་ལ་འཛུམ་གྱིས་ཁེངས་སོང་།།

ཧ་ཅང་ཡག་གི་བྱིས་པའི་རྩེད་འཇོ།།

ཨ་ན་མ་ན་ཏག་ཏག་རེད་མོད།།

ཧ་ཧ་དགོད་རྒྱུའི་ཚོར་བ་སྟེར་ཡོང་།།

ཨ་ཁུས་ཁྱེད་ཚོར་སྙན་ངག་བྲིས་སོ།།



  • ལེ་ཚན་སྔོན་མ།:མགུར་ཆུང་སྣ་བརྒྱད།
  • ལེ་ཚན་རྗེས་མ།:སེམས་ཀྱི་ཕྲ་རྒྱན།