2020-05-19
ཁ་བ་དེ་ལྷིང་འཇགས་གེར།
སྟ་གོན་ཡང་མེད་པར་འཁྱག་སིབ་སིབ།
དགུན་ཟླ་སྐྱ་བོ་འདིའི་ངོ་གདོང་ལ་འཐིམ་ན།
ཁ་བ་དང་ངའི་བསམ་གཞིག
ད་དུང་ངའི་སེམས་པ་འདི་ཅི་འདྲའི་
ཉམ་ཆུང་ཨང་།
ཁ་བའི་འདབ་མ་རེ་རེ།
བརྟན་བརླིང་གི་ས་གཞི་འདིའི།
སེམས་གཏམ་ལ་གསན་དུས།
ཁོ་ཚོ་མིག་ཆུ་རྡོག་གཅིག་དང་འདྲ་བར།
གཞི་ནས་ཉམ་ཆུང་བར་འགྱུར་དུས།
སུ་ཞིག་གིས་ཁ་བའི་སྐྱིད་སྡུག་དང་།
ཁ་བའི་ཉམ་ཆུང་གི་སེམས་པ་རྟོགས།
ངའི་ལག་པ་བསྲིངས་ནས།
ཁ་བ་ལ་མི་སེམས་སྒུལ་བའི་གཏམ་
རྒྱུད་རེ་གླེང་དུས།
དངོས་གནས།
ཁ་བ་དེ་ངའི་ལག་པའི་སྟེང་ན།
མིག་ཆུ་རྡོག་གཅིག་ཏུ་གྱུར།
ཁ་བ་དང་ངའི་སེམས་པ།
ནམ་མཁའི་བྲང་གཞུང་ལ་མགོ་བོ་
བསྙེས་ནས།
སྤྲིན་དཀར་གྱི་ཚོམ་བུའི་ངུ་ཤུམ་རྒྱག་
པ་ལ།
ཞེ་སྣང་ཤོར་བ་སྟེ།
དགུན་གཞུང་འདིའི་ཁ་བ་ཁོ་ན་མིན་
པ་ཤེས་ངེས།
༼ ཨ་ནུ་དད་ཞེན། ༽
རྩོམ་གསར། 10