ཆོས་བཞིན། 2020-04-24
གོང་དཔོན་པོ་ཕག་གི་ཀླད་པ་ཅན།།
སེམས་དྲན་རྒྱུ་མང་ལ་ལག་ལེན་ཉུང་།།
དོན་ལྟོ་འདུན་ཆེ་ལ་ཕྱི་བྱོལ་མང་།།
སྡེ་ཆེན་པོ་གཏོར་གི་གཞི་མ་རེད།།
ཁྲིམས་ལུགས་མེད་དོན་ཚན་སྣ་མང་ཅན།།
སྐྱོན་བཅོས་སྤྱད་མེད་ལ་སེལ་སྤྱད་མེད།།
ཇུས་བཀོད་པ་སྐྱག་མགོ་ས་སུབ་མང་།།
གྲལ་གོར་གོར་གཏོར་གི་གཞི་མ་རེད།།
བྱ་ལས་ཀ་བལ་མགོ་ཆུ་གཏོར་དེ།།
མྱིས་འཕྱ་བྱེད་རང་ཉིད་སྡུག་སྤྱད་རེད།།
དོན་སྙིང་པོ་མེད་པའི་བྱ་བྱེད་ནི།།
ནང་ཕུ་ནུ་དཀྲུག་གི་དཀྲུག་ཤིང་རེད།།
རྟེན་མི་ལུས་ཐོབ་པའི་བསོད་ནམས་ཅན།།
ནང་ཕན་ཚུན་མགོ་བདེ་དྲན་འཕྲུལ་གྱིས།།
རང་ཁོ་ན་མ་གཏོགས་མི་སེམས་པ།།
ཞེ་མཛའ་མཐུན་གཏོར་གི་གཞི་མ་རེད།།
བློ་ཤེས་རྒྱ་ཁོག་ན་མ་ཡོད་ན།།
མྱི་ཞིག་གི་དཔོན་པོ་མ་བསམ་རོགས།།
སྡེ་ཞིག་གི་ཇུས་ཆེན་བརླག་བཞག་ན།།
ཤི་དམྱལ་བར་འགྲོ་བའི་གཞི་མ་རེད།།
རང་ཅི་འདྲ་རང་གིས་ཨེ་མི་ཤེས།།
བྱ་ཆེ་ཆེ་ཆུང་ཆུང་ཐམས་ཅད་ལ།།
སྣོག་རྒྱག་གི་མ་འདུག་ལས་ངན་པོ།།
དྲིན་ཕ་མས་གོ་ན་སྡུག་ནི་རེད།།
ཞེ་བསམ་པ་དཀར་བའི་སྐད་ཆ་ལ།།
ཚིག་སྙན་མོ་ཞིག་ནི་མི་འོང་གི།།
བློར་བབས་ན་རྣ་བའི་བའི་བུ་རམ་གྱིས།།
དོན་མ་གོ་བ་ལ་འགྲེལ་བ་མེད།།
ཕྱི་ལོ༢༠༢༠ལོའི་ཟླ༤ཚེས༡༨ཉིན་གྱི་མཚན་མོར་ཏྲེ་ཧོར་རྒྱལ་སའི་མདུན་ཐང་གི་རང་མལ་དུ་རློམ་པར་གློ་ཉལ་བྱས་ཏེ་བྲིས་པ་མངྒ་ལཾ།།
རྩོམ་སྒྲིག་པ། མགར་རྒྱལ་སྲས།
རྩོམ་གསར། 10