ཤར་ཚ། 2017-05-15
ཁ་བ་ལེབ་མོ་ཞིག་རྣམ་ཤེས་ལྟར་འཁོར་བར་འཁྱམས་དུས།
བུ་ཡུག་བཙན་པོ་ཞིག་གཤིན་འདྲེ་ལྟར་མི་ཡུལ་མྱུལ་དུས།
སྐམ་རིད་ཤོར་བའི་དགུན་གཞུང་འདིའི་བྲང་ཁ་ན།
ནུབ་མཁའི་ཉི་མ་ལ་གཏད་པའི།
འདར་སིག་སིག་གི་གཉེན་ཆེན་ཐང་ལྷ།
སུ་ཞིག་གི་སེམས་པར་སྐྱེས་པའི་ཆུ་འབུར་ཡིན།
འབྲུག་སྒྲ་བཙན་པོ་ཞིག་ཆོ་འཕྲུལ་ལྟར་རྒྱང་ནས་གྲགས་དུས།
སེར་རྒོད་ངར་མ་ཞིག་གདོན་འདྲེ་ལྟར་ཀུན་ནས་འཚུབ་དུས།
བརླན་གྱིས་བཟས་པའི་ལུང་པ་འདིའི་བྲང་གཞུང་ན།
ཟླ་བ་ཁེར་བགྲོད་ལ་རེ་བའི།
གྲང་ཅང་ཅང་གི་གནམ་མཚོ་ཕྱུག་མོ་འདི།
སུ་ཞིག་གི་སེམས་པར་བརླན་པའི་མིག་ཆུ་ཡིན།
རྩོམ་གསར། 10