གཡེར་མོ། 2020-04-01
སྐྱ་རེངས་ཀྱི་གོམ་འགྲོས་དང་བསྟུན་ཏེ།
དགུན་གསུམ་གྱི་རླུང་བུ་དང་མཉམ་དུ།
ཁོ་བོའི་གངས་དཀར་པོའི་འགྲམ་ནས།
དྲན་གདུང་གི་ཁ་བའི་མེ་ཏོག་ཡང་ཡང་གཏོར།
མཚན་མོ་གཉིད་མི་ཁུག་པའི་དོ་དགོང་ཁུ་སིམ་མེར།
རབ་ཏུ་འཕྱུར་བའི་རྦ་རླབས་དེས་དྲན་པ་ཡང་ཡང་མནར།
དབྱར་གྱི་ཆར་ཞོད་དང་བསྡེབས་ཏེ།
རི་འགོའི་སྨུག་སྤྲིན་དང་ལྷན་དུ།
ན་བུན་འཐིབས་པའི་སྤང་ལྗོངས་ནས།
ཁོ་མོས་དྲན་གདུང་གི་གླིང་བུ་དལ་གྱིས་བུས་ཏེ།
རང་ཡུལ་ནས་གཞན་ཡུལ་དྲན།
ལ་ཁའི་དར་ལྕོག་དང་མཚུངས་པའི་སེམས་པ་བྱེ་ཐང་ལ་བཀོད།
དུས་ཚིག་གིས་དུས་བཞི་བར་དུ་བཅད་པ་ནས།
ངས་རྒྱུན་ལྡན་ཆོས་ཁང་ནང་ནས་སྨོན་ལམ་ཡང་ཡང་བཏབ་མྱོང་།
ཡིན་ནའང་ད་ཆ་དབྱར་དགུན་གཉིས་ལྷན་འཛོམས་ཀྱི་སྐལ་བ་ཧ་ཅང་ཤིན་ཏུ་ཕྲ།
དེ་ལྟར་རང་ཡུལ་ནས་གཞན་ཡུལ་དྲན་ཞོར། རང་ཡུལ་ནས་གཞན་ཡུལ་དྲན་ཞོར།
སྐྱོ་གདུང་གི་རྒྱུས་སྐུད་དབྱངས་ལ་འགྲན།
རྩོམ་གསར། 10