ལོ་ཤུལ་བཀྲ་ནོར། 2020-03-30
དཔྱིད་ཀྱི་འགོ་བརྗོད་འཇོག་དུས།
ནད་ཡམས་ཀྱི་ཤན་པའི་དགུན་གཞུང་རིང་མོ་
དེ་དྲན་ཡོང་།
མཚན་མོའི་མུན་པ་བཞིན་དྲན་ཡོང་།
མུན་པའི་ཆུ་སྒྲ་ལ་ཉན་པ་བཞིན་འཇིགས་ཡོང་།
དུར་ཁྲོད་ཀྱི་ཀེང་རུས་མཐོང་བ་ལྟར་སྐྲག་ཡོང་།
ད་ནི།
དགུན་གཞུང་རིང་མོ་དེའི་འོད་དང་རླངས་པ།
ཁ་བ་དང་ཆབ་རོམ།
སེམས་ཁྲལ་དང་འཇིགས་སྣང་།
ཉི་འོད་དང་རླུང་བུས་ཁྱེར་སོང་ན་བདེ་ཨང་།
རེ་བ་ཕྲན་བུ་སྟེར་བའི་དཔྱིད་དཔལ་དེས།
བདེ་ཐང་སྣོག་མཁན་གྱི་དགུན་ཁ་དེ།
ཁྱུར་མིད་དུ་བཏང་ན་ལྷག་ཏུ་བདེ་ཨང་།
རྩོམ་གསར། 10