མི་སྤྱི་པུའུ་ཡིས་རིམས་ནད་སྔོན་འགོག་ཚོད་འཛིན་བྱེད་རིང་ལས་རིགས་ལག་རྩལ་སློབ་གྲྭའི་སློབ་མར་རོགས་སྐྱོར་ལས་དོན་བསྒྲུབ་དགོས་པའི་བླང་བྱ་བཏོན།

ཡེ་ཤེས་ཀྱིས་བསྒྱུར།        2020-03-26

     ཞིན་ཧྭ་གསར་འགྱུར་ཁང་པེ་ཅིང་ནས་འབྱོར་བའི་གཏམ་གསར། ཉིན་ཤས་གོང་། མི་སྤྱི་པུའུ་གཞུང་དོན་ཐིང་གིས《2020ལོའི་ལས་རིགས་ལག་རྩལ་སློབ་གྲྭའི་སློབ་མར་རོགས་སྐྱོར་བྱེད་པའི་ལས་དོན་ཡག་པོ་བསྒྲུབ་རྒྱུའི་སྐོར་གྱི་བརྡ་ཐོ》བཀྲམ་ནས། རིམས་ནད་སྔོན་འགོག་ཚོད་འཛིན་བྱེད་རིང་ལས་རིགས་ལག་རྩལ་སློབ་གྲྭའི་སློབ་མར་རོགས་སྐྱོར་བྱེད་པའི་ལས་དོན་ཡག་པོ་བསྒྲུབ་དགོས་པའི་བླང་བྱ་བཏོན་པ་རེད།

    བརྡ་ཐོའི་ནང་། རྒྱལ་ཁབ་ཀྱི་སློབ་ཡོན་རྩ་ཆག་དང་སློབ་སྐྱོར་རོགས་དངུལ་གྱི་སྲིད་ཇུས་ཕྱོགས་ཡོངས་ནས་དོན་འཁྱོལ་ཡག་པོ་བྱ་དགོས་ཤིང་། ས་གནས་ཁག་གི་མི་སྤྱི་སྡེ་ཚན་དང་ལས་རིགས་ལག་རྩལ་སློབ་གྲྭས་རིམས་ནད་ཚབས་ཆེ་བའི་ས་ཁུལ་དང་། ས་ཁུལ་དབུལ་པོ། གྲོང་གསེབ་ཀྱི་ས་ཁུལ། མཐའ་མཚམས་ས་ཁུལ་བཅས་ལ་གཙོ་གནད་དམིགས་པ་དང་ཡིག་ཚགས་བྱང་བུ་བཟོས་པའི་དུད་ཚང་དང་། མ་མཐའི་འཚོ་རྟེན་འགན་ལེན་ལོངས་སྤྱོད་བྱེད་མཁན། དམིགས་བསལ་དཀའ་ངལ་ཡོད་པའི་རོགས་སྐྱོར་བསྙེན་བཀུར་བྱ་ཡུལ། དབང་པོ་སྐྱོན་ཅན་སོགས་དམིགས་བསལ་དཀའ་ངལ་ཡོད་པའི་སློབ་མའི་ཚོགས་སྤྱིར་གཙོ་གནད་དུ་དོ་ཁུར་བྱས་ཏེ། དམིགས་བསལ་དཀའ་ངལ་ཡོད་པའི་སློབ་མར་སྔོན་ལ་རོགས་སྐྱོར་བྱ་རྒྱུའི་རེ་ཞུ་བྱས་ནས། རོགས་སྐྱོར་བྱེད་དགོས་རིགས་ལ་རོགས་སྐྱོར་བྱེད་གང་ཐུབ་བྱ་དགོས། སློབ་སྤྱིའི་འགན་འཁྲིའི་ལམ་ལུགས་ལག་བསྟར་ནན་པོ་བྱས་ཏེ། འགན་འཁྲི་རིམ་བཞིན་ནན་དུ་བཏང་ནས་རོགས་སྐྱོར་རེ་ཞུའི་ཞིབ་མཆན་ལས་དོན་ཚད་ལྡན་ངང་སྤེལ་བ་དང་འབྲེལ། 2019ལོ་ནས2020ལོ་བར་གྱི་སློབ་ལོའི་འབྲིང་རིམ་ལས་རིགས་ཀྱི་རྒྱལ་ཁབ་བྱ་དགའི་དངུལ་གྱི་དཔྱད་ཞིབ་ལས་དོན་སྤྱི་ཡོངས་བཀོད་སྒྲིག་ཀྱང་ཡག་པོ་བྱེད་དགོས་པའི་ནན་བཤད་བྱས་ཡོད་པ་རེད།


  • ལེ་ཚན་སྔོན་མ།:ནང་སོག་གིས་ཐབས་མང་མཉམ་སྤྱོད་བྱས་ནས་དཔྱིད་ཀྱི་དུས་བྱ་སྲུང་སྐྱོང་བྱེད་པའི་ལས་དོན་སྤེལ།
  • ལེ་ཚན་རྗེས་མ།:མཐོ་རྒྱུགས་ཀྱི་དུས་ཚོད་འདི་འདྲ་གཏན་ཁེལ་བྱས་འདུག
  • དོ་སྣང་ཆེ་བའི་རྩོམ།