འབྲོག་ཚེ་བརྟན། 2020-03-26
བཙན་པོ་ཆ་ཤས་སུ་གྲུབ་པའི་རྡུལ་ཕྲན་གཅིག
རང་སར་ཐོར་བ་ག་ལ་སྲིད།
འཇིག་རྟེན་གྱི་གྲུབ་པའི་དཔལ་ལོ།།
ཁྱེད་རང་དྲི་མས་མ་གོས་པའི་པདྨ་དེའོ།།
ཟླ་བའི་དཀྱིལ་གྱི་རི་བོང་འཛིན་པ་དེའོ།།
རྨི་ལམ་གྱི་རབ་ཁ་ལས་མཐོང་དགོས་པ་ཁྱེད་རང་ཡིན།
རྟའུ་ལགས། སེམས་ཀྱི་དྲན་པ་ཕྱོགས་ས་ཁྱོད་རང་ཡིན།
ཁྱོད་ནད་ལས་གྲོལ་བར་རྟེན་འབྲེལ་ཞུ།
ནད་མེད་ཤོག
རྟའུ། ཤི་ན་སེམས་པ་གླན་ས།
གསོན་ན་སེམས་གཏམ་བརྗོད་ས།
འདས་དོན་གྱི་འཚོ་བའི་རི་མོ་ལས།
ཁྱེད་ལ་ལོ་རྒྱུས་མང་། ཉག་ཆུ་དང་འབྲེལ་བའི་ལོ་ཟླ་དེ་དག
དྲན་པའི་ནང་གི་རྒྱུ་མ་ཉག་ཉོག་ཅིག་ག་ལ་ཡིན།
སྙིང་ཉེ་བའི་དྲན་པའི་ནང་གི
སེམས་ཀྱི་གཏིང་གི
རྟའུ།
ཁྱོད་ནད་ལས་ཐར་བ་བོད་ནད་ལས་ཐར་བའོ།།
ཁྱོད་པ་ན་ཚ་མེད་པ་ཕོ་བྲང་དམར་པོར་ནད་མེད་པ་དེའོ།།
ཁྱོད་ནད་ལས་ཐར་བས། ངས་སེམས་ངལ་གསོས་བར་གྱུར།
དྲན་པ་སྨུག་པོ་ལ། བརྗོད་དོན་མི་འདུག་པས།
ལང་ལོང་ཐང་ཐང་དུ་གྱུར།
དེ་བས་ལྗགས་ཀྱི་རྩེ་ན་ཁྱོད་རང་བཞུགས་ཡོད།
དྲན་པའི་ནང་གི་རྟའུ་ལགས། ཁྱོད་རང་ཁྲི་ལོར་ཤོག
རྩོམ་གསར། 10