ཁུལ་ཨུས་རྒྱུན་ལས་ཨུ་ལྷན་གྱི་གྲོས་ཚོགས་འཚོགས།

ལྷ་འཛོམས་ཀྱིས་བསྒྱུར།        2020-03-23

     སྤྱི་ཟླ3པའི་ཚེས18ཉིན་ལ་ཁུལ་ཨུའི་ཧྲུའུ་ཅི་ལིའུ་ཁྲེང་མིང་གིས་ཁུལ་ཨུའི་རྒྱུན་ལས་ཨུ་ལྷན་གྱི་སྐབས་བཅུ་གཅིག་པའི་གྲོས་ཚོགས་ཐེངས་བདུན་ཅུ་པ་གཙོ་འགན་བཞེས་ནས་འཚོགས་ཏེ་སྤྱི་ཟླ3པའི་ཚེས4ཉིན་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་དང་ཞིང་ཆེན་ཏང་ཨུའི་རྒྱུན་ལས་ཨུ་ལྷན་དང་ཞིང་ཆེན་ཏང་ཨུའི་ཏོག་གསར་གློ་རིམས་ལ་ཁ་གཏད་འཇལ་བའི་ལས་དོན་འགོ་ཁྲིད་ཚོགས་ཆུང་གི་ཚོགས་འདུ་ཐེངས་བདུན་པའི་དགོངས་དོན་བརྒྱུད་བསྒྲགས་ལག་བསྟར་བྱས་པ་དང་། 《དཀར་མཛེས་ཁུལ་ཨུའི་རྒྱུན་ལས་ཨུ་ལྷན་གྱི་གལ་ཆེན་གསུམ་དང་འབོར་ཆེན་གཅིག་གི་ཐབས་ཇུས་ལམ་ལུགས(ཞིབ་དཔྱད་བྱ་རྒྱུ་བསྐྱལ་བའི་མ་ཟིན)》དང་། 《2020ལོའི་ཁུལ་ཡོངས་ཀྱི་དཔལ་འབྱོར་ལས་དོན་གྱི་གཙོ་གནད(ཞིབ་དཔྱད་བྱ་རྒྱུ་བསྐྱལ་བའི་མ་ཟིན)》《དཀར་མཛེས་བོད་རིགས་རང་སྐྱོང་ཁུལ་གྱི་ལོ་ལྔའི་འཆར་གཞི་བཅུ་བཞི་པའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་གཞི་རྩའི་བསམ་ཕྱོགས་ཀྱི་བསམ་གཞིགས་རགས་ཙམ》《2020ལོའི་དཀར་མཛེས་ཁུལ་གྱི་གཙོ་གནད་ལས་གཞིའི་ལས་ཀའི་སྐུལ་འདེད་ཇུས་གཞི(ཞིབ་དཔྱད་བྱ་རྒྱུ་བསྐྱལ་བའི་མ་ཟིན)》བཅས་ལ་ཞིབ་བཤེར་གཏན་འབེབས་བྱས་པ་རེད།

     གྲོས་ཚོགས་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྤྱི་ཟླ3པའི་ཚེས4ཉིན་གཙོ་སྐྱོང་གནང་སྟེ་འཚོགས་པའི་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་དེས་ང་ཚོས་རིམས་ནད་འགོག་བཅོས་ཚོད་འཛིན་གྱི་འཕེལ་ཕྱོགས་བཟང་པོ་སྲ་བརྟན་དུ་གཏོང་བ་དང་། དཔལ་འབྱོར་དང་སྤྱི་ཚོགས་སྔ་ཙམ་རྒྱུན་གཏན་གྱི་སྲོལ་ལམ་ཐོག་བསྐྱོད་རྒྱུར་སྐུལ་འདེད་གཏོང་བ། ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་ཐུབ་པའི་རྒྱལ་ཁ་ཕུ་ཐག་ཆོད་པ་དང་དབུལ་ཐར་འགག་སྒྲོལ་དམག་འཐབ་ཀྱི་དམིགས་ཚད་ལས་འགན་མངོན་འགྱུར་ཡོང་བ་བཅས་བྱ་ཆེད་ཡིད་ཆེས་དང་སྟོབས་ཤུགས་བསྣན་ནས་གཞི་འཛིན་ས་དང་ཕྱོགས་སྟོན་མཁོ་འདོན་བྱས་ཡོད། ཁུལ་ཡོངས་ཀྱི་རིམ་ཁག་སྡེ་ཚན་སོ་སོས་གཅིག་ནས་ཆབ་སྲིད་ཀྱི་ཚུགས་གནས་སྤར་ཞིང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་དང་ཏང་ཀྲུང་དབྱང་དང་ཞིང་ཆེན་ཏང་ཨུའི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་མཐའ་གཅིག་ཏུ་བྱེད་པ་དང་། རིམས་ནད་འགོག་བཅོས་ཚོད་འཛིན་གྱི་འཕེལ་ཕྱོགས་བཟང་པོ་མུ་མཐུད་སྲ་བརྟན་དུ་བཏང་ནས་རིམས་ནད་འགོག་བཅོས་ཚོད་འཛིན་གྱི་མི་དམངས་དམག་འཐབ་དང་སྤྱི་ཡོངས་དམག་འཐབ། འགོག་རྒོལ་དམག་འཐབ་བཅས་ལས་ཕྱོགས་ཡོངས་ནས་རྒྱལ་ཁ་འཐོབ་པ་བྱ་དགོས། གཉིས་ནས་ནད་གཞི་གཏན་འཁེལ་གྱི་ནད་དཔེ་དང་ནད་རྟགས་མེད་པའི་ནད་པ་སྨན་ཁང་ནས་ཕྱིར་དོན་རྗེས་ཀྱི་རྗེས་འདེད་བཅར་འདྲི་དང་བསྐྱར་ཞིབ་སོགས་ཀྱི་ལས་དོན་ཏན་ཏིག་ངང་ཡག་པོ་བསྒྲུབས་ཏེ་ཚ་བ་རྒྱས་ཡོད་པའི་ལྟ་ཞིབ་མི་སྣ་དུས་ཐོག་གོང་ཞུས་ལམ་ལུགས་དོན་འཁྱོལ་བྱེད་པ་དང་དེ་སྔོན་རིམས་ནད་ཕོག་མྱོང་མིན་ལོ་རྒྱུས་འདྲི་རྩད་སོགས་ཀྱི་བྱ་ཐབས་ལག་བསྟར་ནན་པོ་བྱས་ཏེ་རིམས་ནད་ཐོན་རྒྱུ་སྔོན་འགོག་མཐའ་གཅིག་ཏུ་བྱ་དགོས། གསུམ་ནས་དཔལ་འབྱོར་འཛུགས་སྐྲུན་ལ་གཅིག་གྱུར་འཆར་འགོད་ཀྱིས་དམ་འཛིན་ཡག་པོ་བྱས་ཏེ་ལས་ཡུན་དམ་འཛིན་བྱེད་པ་དང་ལས་གཞི་གལ་ཆེན་འཛུགས་སྐྲུན་ལ་མགྱོགས་མྱུར་སྐུལ་འདེད་གཏང་དགོས། དཔྱིད་རྨོད་ཐོན་སྐྱེད་ལ་དམ་འཛིན་ཡག་པོ་བྱེད་པ་དང་། དབུལ་ཐར་འགག་སྒྲོལ་ལ་དམ་འཛིན་ཏན་ཏིག་བྱེད་པ། དབུལ་ཐར་གྲུབ་འབྲས་མུ་མཐུད་སྲ་བརྟན་དུ་གཏོང་བ་བཅས་བྱས་ནས་སྤུས་ཚད་མཐོ་བའི་སྒོ་ནས་དབུལ་ཐར་འགག་སྒྲོལ་གྱི་ལས་འགན་ལེགས་སྒྲུབ་ཐུབ་པའི་འགན་ལེན་བྱ་དགོས། ཚོགས་འདུའི་ཐོག་བླང་བྱ་བཏོན་དོན། རིམ་ཁག་འགོ་ཁྲིད་ལས་བྱེད་པས་ལས་དོན་སྤེལ་རིང་དངོས་ཐོག་བདེན་འཚོལ་དང་། བྱ་བ་གང་བྱེད་དོན་དངོས་གཞིར་འཛིན་རྒྱུ་མཐའ་འཁྱོངས་བྱས་ཏེ་ཕྱི་ཚུལ་རིང་ལུགས་དང་དཔོན་ཉམས་རིང་ལུགས་བཀག་འགོག་མཐའ་གཅིག་ཏུ་བྱ་དགོས།

    ཚོགས་འདུའི་ཐོག་ནན་གསུང་གནང་དོན། ཁུལ་ཡོངས་ཀྱི་གོང་འོག་ཚང་མས་འགན་འཁྲི་འཁུར་སེམས་དང་དགོས་གཏུགས་ཀྱི་བསམ་པ་སྔར་བས་ཆེ་རུ་བཏང་ནས་ཉམས་སད་ཆེ་མོ་སྔར་བཞིན་མཇུག་འགྲིལ་མེད་པ་དང་དམག་འཐབ་ཆེན་པོ་སྔར་བཞིན་སྤེལ་བཞིན་ཡོད་པས། ངེས་པར་དུ་འཐབ་ཇུས་ཀྱི་ངེས་ཤུགས་མཐའ་འཁྱོངས་དང་རྒྱལ་ཁ་འཐོབ་ངེས་ཀྱི་གདེང་ཚོད་བརྟན་དུ་གཏོང་བ། དམིགས་ཚད་དང་ལས་འགན་ལ་དམ་པོར་དམིགས་པ། རིམས་ནད་འགོག་བཅོས་ཚོད་འཛིན་གྱི་བྱ་ཐབས་ཏན་ཏིག་སྒྲུབ་པ་བཅས་བྱས་ཏེ་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལས་དོན་ཁག་ལ་གཅིག་གྱུར་འཆར་འགོད་བྱས་ནས་་སྐུལ་འདེད་གཏང་དགོས། རིམས་ནད་འགོག་བཅོས་ཚོད་འཛིན་ལ་ལྷོད་གཡེང་སྤུ་ཙམ་མི་གཏོང་བར་མུ་མཐུད་དམ་འཛིན་ཡག་པོ་བྱས་ཏེ་ཐོབ་པར་དཀའ་བའི་དུས་མཚམས་རང་བཞིན་གྱི་རྒྱལ་ཁ་སྲ་བརྟན་དང་རྒྱ་ཆེ་རུ་གཏང་དགོས། ཕྱོགས་ཡོངས་ནས་ལས་འགོ་བསྐྱར་ཚུགས་བྱ་རྒྱུར་གནད་སྨིན་དང་བརྟན་པོའི་ངང་སྐུལ་འདེད་བཏང་ནས་རྒྱུན་གཏན་གྱི་ཐོན་སྐྱེད་དང་འཚོ་བའི་སྒྲིག་ལམ་གོ་རིམ་ལྡན་པའི་ངང་སླར་གསོ་བྱ་དགོས་ལ། སེམས་ཤུགས་གཅིག་ཏུ་བསྒྲིམས་ཏེ་མ་འཇོག་དམ་འཛིན་བྱས་ནས་འཕེལ་རྒྱས་ལ་སྐུལ་འདེད་གཏོང་བ་དང་། གཙོ་གནད་ཐོན་ལས་དང་གཙོ་གནད་ཁྱབ་ཁོངས། རྨང་གཞིའི་སྒྲིག་བཀོད། སྤྱི་ཚོགས། དམངས་འཚོའི་བྱ་གཞག་བཅས་ལ་དམིགས་ཏེ་ལས་གཞི་གལ་ཆེན་ཁག་གཅིག་འཆར་འགོད་ཧུར་ཐག་བྱེད་པ། དབུལ་ཐར་འགག་སྒྲོལ་གྱི་མཇུག་བསྡུའི་དམག་འཐབ་ལ་རྒྱལ་ཁ་མཐའ་གཅིག་ཏུ་བླངས་ནས་ལོ་འཁོར་གྱི་དམིགས་ཚད་ལས་འགན་སྤུས་ཚད་མཐོན་པོས་ལེགས་སྒྲུབ་བྱ་དགོས།

    ཚོགས་འདུའི་ཐོག་རིམ་ཁག་དང་སྡེ་ཚན་ཁག་གིས་གཙོ་གནད་ལས་གཞི་འཛུགས་སྐྲུན་ལ་ནུས་ཤུགས་ཡོད་རྒུས་སྐུལ་འདེད་གཏང་དགོས་པ་སྟེ། གཅིག་ནས“རིམ་པ་བགོས་ནས་འགན་འཁུར་བ་དང་། ཧྲིལ་པོར་མཉམ་འགུལ་སྐུལ་འདེད”བཅས་ཀྱི་རྩ་དོན་གཞིར་བཟུང་ནས་གཙོ་གནད་ལས་གཞི་ལ་སྐུལ་འདེད་གཏོང་བའི་འགོ་ཁྲིད་ལམ་སྲོལ་སྔར་བས་འཐུས་སྒོ་ཚང་དུ་གཏོང་བ་དང་། དཔལ་འབྱོར་གནས་བབ་ལ་ཟླ་རེར་ཞིབ་འཇུག་བརྡར་གཅོད་དང་། དུས་ཚིགས་དབྱེ་ཞིབ་བྱེད་པ། ལོ་ཕྱེད་ནང་ཕྱོགས་སྡོམ་བྱེད་པ། ལོ་ཧྲིལ་པོར་ཕྱོགས་སྡོམ་བྱེད་པ་བཅས་མཐའ་འཁྱོངས་བྱས་ནས་ལས་གཞིར་སྐུལ་འདེད་གཏོང་བའི་རྩ་འཛུགས་འགོ་ཁྲིད་ལ་ཤུགས་སྣོན་ཏན་ཏིག་བརྒྱག་དགོས། གཉིས་ནས་རྒྱལ་ཁབ་དང་ཞིང་ཆེན་གྱི་སྲིད་ཇུས་རང་བཞིན་དང་ནོར་སྲིད་རང་བཞིན་གྱི་མ་དངུལ་གྱི་རྒྱབ་སྐྱོར་བརྩོན་ལེན་ཧུར་ཐག་བྱས་ཏེ་ལས་གཞིའི་དུས་རིམས་སྔོན་མའི་ལས་ཀའི་འཕེལ་རིམ་མགྱོགས་སུ་གཏང་དགོས། གསུམ་ནས་རྒྱལ་ཁབ་དང་ཞིང་ཆེན། ཁུལ་བཅས་ཀྱིས་ཚོང་གཉེར་ཁོར་ཡུག་ལེགས་སུ་གཏོང་བའི་སྲིད་ཇུས་རབ་དང་རིམ་པ་མུ་མཐུད་དོན་འཁྱོལ་གཏིང་ཟབ་བྱེད་པ་དང་། ལས་གཞི་ཞིབ་མཆན་འགོད་པའི་ཞབས་ཞུའི་འགན་ལེན་ཁོར་ཡུག་སྔར་བས་ལེགས་སུ་གཏོང་བ། ལས་གཞི་འགན་ལེན་གྱི་རྒྱུ་རྐྱེན་གཙོ་བོ་མཐུན་སྦྱོར་བཅས་བྱ་དགོས། བཞི་ནས་ཆེད་དོན་ལྟ་སྐུལ་ཁྲིད་སྟོན་དང་གཙོ་གནད་སྐུལ་སྒྲུབ་ཟུང་འབྲེལ་བྱེད་པ་དང་། ཟླ་རེར་དཔྱད་ཞིབ་དང་ལོ་མཇུག་དཔྱད་ཞིབ་ཟུང་འབྲེལ་བྱས་ཏེ་ལས་གཞི་ལ་ལྟ་སྐུལ་ཞིབ་བཤེར་དང་དཔྱད་ཞིབ་བྱེད་ཤུགས་ཆེ་རུ་གཏང་དགོས།

    ཚོགས་འདུའི་ཐོག་ཀྲུང་གུང་ཀྲུང་དབྱང་གཞུང་ལས་ཐིང་གིས་པར་འགྲེམས་བྱས་པའི《སྒྲིག་བཤེར་ལྟ་ཞིབ་ལས་ཁུངས་ཀྱིས་ཐེར་འདོན་ཞུ་གཏུག་ཐག་གཅོད་བྱེད་པའི་ལས་ཀའི་སྒྲིག་སྲོལ》དང་། 《སི་ཁྲོན་ཞིང་ཆེན་སྒྲིག་བཤེར་ལྟ་ཞིབ་ལས་ཁུངས་ཀྱིས་བསྙོན་འཛུགས་ཞུ་གཏུག་དང་མ་ཉེས་ཁག་གཡོགས་ཀྱི་བྱེད་སྤྱོད་ཞིབ་བཤེར་ཐག་གཅོད་བྱེད་པའི་ལག་བསྟར་བྱ་ཐབས(ཚོད་ལྟའི་ལག་བསྟར)》ཀྲུང་གོ་གུང་ཁྲན་ཏང་སི་ཁྲོན་ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་སྐབས་བཅུ་གཅིག་པའི་ཚང་འཛོམས་ཚོགས་འདུ་ཐེངས་བཞི་པའི་དགོངས་དོན་བརྒྱུད་བསྒྲགས་ལག་བསྟར་བྱས་ཤིང་། ད་དུང《སྲིད་གྲོས་དཀར་མཛེས་ཁུལ་ཨུ་ཡོན་ལྷན་ཁང་གི2020ལོའི་ལས་ཀའི་གཙོ་གནད(ཞིབ་བཤེར་བྱ་རྒྱུར་བསྐྱལ་བའི་མ་ཟིན)》《2020ལོའི་ལོ་འཁོར་གྱི་གྲོས་མོལ་འཆར་གཞི(ཞིབ་བཤེར་བྱ་རྒྱུར་བསྐྱལ་བའི་མ་ཟིན)》སོགས་ཞིབ་བཤེར་གཏན་འབེབས་བྱས་པ་རེད།། 

 


  • ལེ་ཚན་སྔོན་མ།:ཏོག་གསར་གློ་རིམས་འཐབ་ཡུལ་དུ།།བོད་སྨན་དྲི་བསུང་ཕྱོགས་ཀུན་ཁྱབ།
  • ལེ་ཚན་རྗེས་མ།:ཁུལ་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་ལྔ་པ་དར་མདོར་གྲོལ།
  • དོ་སྣང་ཆེ་བའི་རྩོམ།