ཞའོ་ཡིའུ་ཚའེ་ཡིས་རྟོག་ཞིབ་དང་འབྲེལ་བའི་དོན་ཚན་བསྒྲུབ་རྒྱུར་སྤྲད།

བདེ་སྐྱིད་ཀྱིས་བསྒྱུར།        2020-03-20

  

ཞའོ་ཡིའུ་ཚའེ་ཡིས་རྟོག་ཞིབ་དང་འབྲེལ་བའི་དོན་ཚན་བསྒྲུབ་རྒྱུར་སྤྲད།

  སྤྱི་ཟླ3པའི་ཚེས17ཉིན། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཞའོ་ཡིའུ་ཚའེ་ཡིས་གཙོ་འགན་བཞེས་ནས་ལྷོ་རྒྱུད་ས་ཁུལ་གྱི་རྫོང﹙ཅུས﹚ཁག་དང་བརྒྱད་ཟིལ་རྫོང་དུ་བརྟག་ཞིབ་དང་ལྟ་སྐུལ་ཁྲིད་སྟོན། ཞིབ་བཤེས་བཅས་བྱེད་རིང་གི་འབྲེལ་ཡོད་དོན་ཚན་བསྒྲུབ་རྒྱུར་སྤྲོད་པའི་ཚོགས་འདུ་འཚོགས་ནས། ལྷོ་རྒྱུད་ས་ཁུལ་གྱི་རྫོང﹙ཅུས﹚ཁག་དང་བརྒྱད་ཟིལ་རྫོང་གིས་འབྲེལ་ཡོད་དོན་ཚན་བསྒྲུབ་རྒྱུ་རེ་རེ་བཞིན་ཞིབ་འཇུག་དང་གཅིག་སྡུད་བྱས་ནས་རྩིས་སྤྲོད་བྱས་པ་རེད།

   ཞའོ་ཡིའུ་ཚའེ་ཡིས་བསྟན་དོན། མིག་སྔར་ཁུལ་ཡོངས་ཀྱི་རིམས་ནད་འགོག་བཅོས་ཚོད་འཛིན་དང་ལས་འགོ་བསྐྱར་འཛུགས་དང་ཐོན་སྐྱེད་སླར་གསོ། ཚོང་ལས་སླར་གསོ། སྤྱི་ཚོགས་བརྟན་བརླིང་སྲུང་སྐྱོང་བཅས་ཀྱི་འཐབ་ཕྱོགས་གསུམ་པོས་ཤུགས་མཉམ་བརྒྱབ་བྱས་ནས་ཕན་འབྲས་མངོན་གསལ་ཐོབ་ཡོད། རིམ་པ་ཁག་དང་སྡེ་ཚན་ཁག་གིས་ཁུལ་དང་རིམ་པ་དབྱེ་ནས་འགོག་བཅོས་ཚོད་འཛིན་བྱེད་པའི་ཐབས་ཇུས་ཁྱོན་ཡོངས་ནས་དོན་འཁྱོལ་བྱེད་པ་དང་། རིམས་ནད་འགོག་བཅོས་ཚོད་འཛིན་དང་སྤྱི་ཚོགས་བརྟན་བརླིང་ལ་སྤྱི་འདོམས་དམ་འཛིན་ཡག་པོ་བྱེད་པ་དང་ཆབས་ཅིགཐོག་མཐའ་བར་གསུམ་དུ་དུས་ཚོད་སྐར་ཆ་ཙམ་ཡང་བརྩོན་ལེན་དང་སྟོབས་ཤུགས་ཡོད་རྒུས་འབད་འཐབ་བཅས་བྱས་ནས་དཔལ་འབྱོར་དང་སྤྱི་ཚོགས་འཕེལ་རྒྱས་ལ་དམ་འཛིན་ཡག་པོ་བྱས་ཏེ།ད་ལོའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དམིགས་འབེན་ལས་འགན་ཁྱོན་ཡོངས་ནས་ལེགས་སྒྲུབ་བྱ་དགོས། ཡུལ་དངོས་སུ་བརྟག་ཞིབ་བྱས་པའི་གནས་ཚུལ་ལ་གཞིགས་ན། རང་ཁུལ་གྱི་ཐོན་ལས་ཐར་ཐོར་དང་ཟང་ཟིང་།  ཞན་པ། ཆུང་ངུ་བཅས་ཀྱི་གནས་ཚུལ་སྔར་བཞིན་རྩ་བའི་ཆ་ནས་འགྱུར་ལྡོག་བྱུང་མེད་པ་དང་།ལྷག་པར་དུ་ཞིང་འབྲོག་ཐོན་ལས་ནི་ད་དུང་ཁུལ་ཡོངས་ཀྱི་ཐོན་ལས་འཕེལ་རྒྱས་ཀྱི་མི་འདང་ས་ཆེ་ཤོས་ཡིན་པ་རེད།

   ཞའོ་ཡིའུ་ཚའེ་ཡིས་ཁུལ་ཡོངས་ཀྱི་རིམ་པ་དང་རྫོང﹙ཅུས﹚ཁག་གིས་འགན་འཁྲི་ལྕི་པོ་འཁུར་དགོས་པ་དང་ཁྱད་ཆོས་ལྡན་པའི་ཐོན་ལས་འཕེལ་རྒྱས་གཏང་དགོས།ཁུལ་རིམ་པའི་ཐོན་ལས་འཕེལ་རྒྱས་དང་ཀོང་ཏུང་གི་ཁ་གཏད་རོགས་སྐྱོར་སོགས་རིགས་ཁག་གི་མ་དངུལ་གྱིས་ཐོན་ལས་གླིང་ཁུལ་དང་གཅིག་སྡུད་ཁུལ།རྟེན་གཞི་འཛུགས་སྐྲུན་བཅས་ལ་གཙོ་གནད་དུ་རྒྱབ་སྐྱོར་བྱ་དགོས།  གཙོ་གནད་ལས་གཞིར་དམ་འཛིན་ཏན་ཏིག་བྱ་དགོས།  རྫོང﹙གྲོང་ཁྱེར﹚ཁག་གིས་ལས་གཞི་དམ་འཛིན་བྱེད་པ་ནི་མ་དངུལ་དམ་འཛིན་བྱེད་པ་དང་། ལས་གཞི་དམ་འཛིན་བྱེད་པ་ནི་དཔལ་འབྱོར་དམ་འཛིན་བྱེད་པ།ལས་གཞི་དམ་འཛིན་བྱེད་པ་ནི་འཕེལ་རྒྱས་ལ་དམ་འཛིན་བྱེད་པ་བཅས་ཀྱི་འདུ་ཤེས་བརྟན་པོ་བཅངས་ནས།ལོ་ལྔའི་འཆར་གཞི་བཅུ་བཞི་པའི་འཆར་འགོད་བཟོ་རྒྱུར་དམ་འཛིན་བྱས་ནས། སྤྱི་པའི་ཞབས་ཞུའི་སྒྲིག་བཀོད་དང་རྨང་གཞིའི་སྒྲིག་བཀོད་འཛུགས་སྐྲུན་ལས་གཞི་ཁག་གཅིག་སྔ་སྣུར་དུ་ཇུས་འགོད་བྱེད་འགོ་བཙུགས་ནས་གོང་རིམ་གྱི་འཆར་འགོད་ནང་འཇུག་རྒྱུར་བརྩོན་ལེན་བྱ་དགོས། ཁུལ་འཕེལ་རྒྱས་བཅོས་བསྒྱུར་ཨུ་ལྷན་བཅས་སྡེ་ཚན་ཁག་གིས་སྟོབས་ཤུགས་གཅིག་སྡུད་ཀྱིས་དོན་ཆེན་བསྒྲུབས་ཏེ་རྫོང﹙གྲོང་ཁྱེར﹚ཁག་ལ་མཚོན་རྟགས་རང་བཞིན་དང་སྣེ་ཁྲིད་རང་བཞིན།  སྐུལ་ཁྲིད་རང་བཞིན་བཅས་ཀྱི་ལས་གཞི་དེ་ལོ་ལྔའི་འཆར་གཞི་བཅུ་བཞི་པའི་འཆར་འགོད་དང་ལོ་ལྔའི་འཆར་གཞི་བཅུ་བཞི་པའི་བོད་རིགས་ས་ཁུལ་གྱི་ཆེད་དོན་འཆར་འགོན་ནང་བཅུག་རྒྱུར་གཙོ་གནད་རྒྱབ་སྐྱོར་བྱ་དགོས། དེ་དང་ཆབས་ཅིག་རྫོང﹙གྲོང་ཁྱེར﹚ཁག་ལ་རོགས་རམ་ཧུར་ཐག་བྱས་ཏེ་གོང་རིམ་ལ་སྲིད་ཇུས་དང་ལས་གཞི། མ་དངུལ་བཅས་བརྩོན་ལེན་བྱེད་ཤུགས་ཆེ་རུ་བཏང་ནས་དཔལ་འབྱོར་དང་སྤྱི་ཚོགས་སྤུས་ཚད་མཐོ་བ་དང་མྱུར་ཚད་མཐོ་བ་གལ་ཆེན་མཉམ་བརྩིས་བྱས་ནས་འཕེལ་རྒྱས་གཏང་རྒྱུར་འདེགས་སྐྱོར་ནུས་ལྡན་བྱ་དགོས་ཞེས་ནན་གསུང་གནང་བ་རེད།།



  • ལེ་ཚན་སྔོན་མ།:རང་ཁུལ་གྱི་དབུལ་ཐར་འགག་སྒྲོལ་སྐོར་གྱི་གྲོས་ཚོགས་གལ་ཆེན་ཞིག
  • ལེ་ཚན་རྗེས་མ།:ཏོག་གསར་གློ་རིམས་འཐབ་ཡུལ་དུ།།བོད་སྨན་དྲི་བསུང་ཕྱོགས་ཀུན་ཁྱབ།
  • དོ་སྣང་ཆེ་བའི་རྩོམ།