ལན་བུའི་སྲས་མོ། 2020-03-13
ཚེ་སྲོག་ནི་མར་མེ་བཞིན།
རླུང་གི་འགལ་རྐྱེན་མེད་ན།
མར་མེ་ཡི་ཚེ་སྲོག་རིང་དུ་བསྲིང་ཆོག
འོད་ཀྱི་རང་མདངས་ཕྱོགས་བཞིར་འཕྲོ་ཆོག
འོན་ཀྱང་།
དུས་ཀྱི་རླུང་འཚུབ་དྲག་ཆེ་བའི་དུས་འདི་ལ།
མར་མེ་དང་འདྲ་བའི་ཚེ་སྲོག་དེ།
ཅི་འདྲའི་ཉམ་ཆུང་ཞིང་ཉག་ཕྲ་བ་ཞིག
ཅི་འདྲའི་ནུས་མེད་དང་ཁེར་རྐྱང་ཞིག
ཚེ་སྲོག་ལ་འགལ་རྐྱེན་མེད་ན།
ཚེ་སྲོག་གི་རིན་ཐང་དེ་སུས་ཀྱང་གཞལ་ཐབས་བྲལ་ཞིང་།
ཚེ་སྲོག་ལ་འགལ་རྐྱེན་མེད་ན།
ང་ཚོས་ཚེ་སྲོག་གིས་བསྐྲུན་པའི་ཁྱད་མཚར་གྱི་བྱ་བ་མང་པོ་
ཞིག་ལྟ་ཆོག
དེ་བས།
ཚེ་སྲོག་ལ་འགལ་རྐྱེན་མི་ཡོང་ཕྱིར།
མུ་མཐུད་དེ་ནད་ཡམས་སྔོན་འགོག་ཏུ་འབད་པར་བྱ།
རྩོམ་གསར། 10