ཞོགས་བརྡ། 2020-01-16
༡
སྨུག་པའི་རི་གྲོང་གཞོགས་པའི་སྤྲིན་པ།།
ཆར་ནག་བསེ་བུའི་འགལ་སྟངས་སུན་པས།།
དྭ་བུར་བུད་པས་སྒོ་སྐྱེས་ཡུམ་ཆེན།།
ལྕགས་ཀྱིས་བཟུང་བའི་གྲོང་ཁྱེར་ཀུན་ཏུ།།
རྨི་ལམ་འདྲ་མ་བཅོ་བརྒྱད་རྨིས་ནས།།
གསང་བའི་ཚིག་ལ་ཀུ་ཅོར་འདོན་བཞིན།།
ང་ལ་སྨྲ་བའི་འཆར་འདུ་བཀོད་མེད།།
ནམ་མཁའ་ཡ་གཅིག་དུད་དང་མེ་ལྕེ།།
ཡ་གཅིག་ཡང་ནི་ཆུ་མོའི་བཞུར་སྒྲ།།
རི་བོ་ཡོད་ཚད་ཐུར་དུ་འཁོར་ཞིང་།།
སད་དང་སེར་བ་ཡར་ལ་བཀྱགས་ནས།།
ལོ་ལེགས་ཆར་དང་རྡུལ་ལ་འགྲོགས་ཏེ།།
ཁོ་བོ་དབང་བའི་མེ་ཏོག་མ་ཕུལ།།
༢
རེ་ཞིག་སྐུ་མགྲོན་ཉི་འོད་ཟད་པོ་བཞིན།
ས་གཞི་དང་གྱེས་ལོ་ཟླའི་ཕྲད་དང་འཕྲད།།
ངས་ནི་མུ་ཅོར་སྨྲ་བའང་སྟོང་སོང་བས།།
རླུང་གི་འཁུར་བས་རླུང་རྟ་རྙེད་མ་བྱུང་།།
སྒྱུ་མའི་དྲུབ་པས་ལྷམ་ཐེད་བཙལ་མ་ཐུབ།།
ལྷ་ལ་མཁོ་བས་མཛངས་མ་རྙེད་མ་སོང་།།
སྐད་ཅིག་གློག་ནི་འཁྱུག་པའི་དུས་ཡུན་ལ།།
སེམས་དཔའ་དཀར་དམར་རི་ཁྲོད་གཡས་ནས་བབ།།
རྔ་ནི་རྡུང་ཞོར་དུད་ཆང་ལག་ཏུ་འཛིན།།
མཐོང་མྱོང་མེད་པའི་སེམས་ཅན་རྨོངས་པ་སྐྱེས།།
ང་ནི་རེ་ཞིག་དེ་ལ་ཧད་ཙམ་གྱིས།།
ནམ་མཁའི་ལྷ་དང་ལྷ་མོ་གྱུར་འདུག་པས།།
འཇིག་རྟེན་བྱ་བ་ལྟད་མོའི་ཚུལ་དུ་བཀོད།།
༣
ལས་དབང་ཁ་ནག་སྲིད་པའི་རི་མོ།།
སྐད་ཅིག་བདེ་ལ་སྐད་ཅིག་སྡུག་པ།།
འབྱུང་བ་ཁོ་རང་སུན་པ་མེད་ན།།
ལམ་སེང་ང་ནི་འཇིགས་པས་མནན་འོང་།།
དེ་ལྟར་སྐྱོ་བའི་སྐྱོ་བ་དེད་ནས།།
རི་ལུང་དག་ནི་རྐང་མགོ་འཁུར་ཏེ།།
དུས་ཚོད་ཉེར་བཞི་སྐར་མ་ཉེར་བཞིར།།
འོ་སྐོལ་སྲིད་པའི་སྒང་ལ་ཆས་སོང་།།
ཁ་ཐག་ཉེ་བ་ལས་ཀྱི་གནད་ལན།།
རིང་བ་ཡང་ནི་ལས་དབང་ལན་འདུག།
ཟད་མ་ཐག་པའི་སྒྲ་དེ་ཐོས་ན།།
ཁོ་ཉིད་སྐྱོ་སྡུག་འཁོར་བའི་གྲོང་ནས།།
འགག་འཕྲང་བཅུ་གསུམ་དབུགས་ཀྱིས་བཅད་ཡོད།།
༤
རི་མཐོན་པོའི་དུངས་སེམས་བརྟན་པོ་མིན།།
ལྷ་སྲུང་མའི་བྱིན་རླབས་དེ་ན་མེད།།
ལས་བཅོལ་ཡུལ་འཁོར་བའི་ལྷ་འདྲེ་མིན།།
སྐྱབས་བཅོལ་ཡུལ་ནོར་དུས་འཚར་རམ་གདའ།།
མགོ་གང་ལ་དཀྱོགས་ན་འགྲོ་ཡུལ་མིན།།
མྱིག་ཁྲ་ཆུང་འཁོར་ཡུལ་མི་གཅིག་ཀྱང་།།
དུས་ནམ་ཞིག་སེམས་ཀྱི་གཏད་དོ་གཅིག།
ཉིད་རེ་ཞིག་དུས་ཀྱི་རྟ་ཕོར་ཆིབས།།
སྲབ་དཀྱོག་ལུགས་དཀྱོག་མཚམས་ལྷ་ཡིས་བཤད།།
གནས་འགྲོ་ས་འགྲོ་ཡུལ་ཉིད་ཀྱིས་གསུངས་།།
དུས་དེ་དུས་ག་འུའི་ཁ་ནང་དུ།།
ཉ་གསེར་མིག་མེད་ན་སྐྲག་མི་དགོས།།
ཚེ་སྔོན་མའི་མི་ལ་གསོལ་བ་ཐོབས།།
ཁོའི་གདོང་གྲོགས་མཛད་པར་ཐེ་ཚོམ་མེད།།
རྩོམ་གསར། 10