ཁ་བ་ན་རོ། 2020-01-10
ཚིག་གི་མདའ་མོ་ལྷོད་ཀྱིས་ཡོང་སྟེ་སེམས་པའི་གསེང་ལ་དལ་གྱིས་འཛུལ།།
མིག་གི་འཛུམ་མདངས་གདོང་ལ་འཁོར་བའི་ཡིད་ཀྱི་བརྩེ་བ་སྙིང་ལ་གླན།།
གཏམ་གྱི་ཉིང་ཁུ་ཕོར་བར་བླུག་པས་དུངས་བའི་སྒོ་མོ་འབྱེད་པར་རྩོམ།།
དུས་དང་བསྐལ་བའི་བར་ཆད་མེད་ན་སེམས་ལ་སེམས་པས་ཁེན་ས་ཉིད།།
དྲན་པའི་ངོས་ན་གསལ་ལེར་ཤར་བའི་མི་མོ་ཞིག་གི་སྣང་བརྙན་དེ།།
སེམས་པའི་གཏིང་ལ་ཡུན་རིང་ཉར་བའི་གཏན་ཚིག་ཅིག་གི་མཛེས་སྡུག་ཡིན།།
གླུ་དང་ལ་གཞས་ངག་ལ་གྱེར་བའི་དབྱངས་རྟ་ཞིག་གི་འགྱུར་ཁུགས་ན།།
ཟླ་བ་དུ་མའི་བརྩེགས་རིམ་ཁྲོད་ནས་བརྗེད་དུ་མེད་པའི་དུངས་བ་ཡོད།།
དུང་གཏམ་བརྗོད་པའི་ཚིག་གི་བར་ན་གཡོ་དང་སྒྱུ་མའི་ཁུགས་སོ་མེད།།
མངོན་དང་ལྐོག་ཏུ་དུས་ཀྱིས་བཅད་ཀྱང་མི་འགྱུར་རང་གི་གཤིས་ཀ་མཛེས།།
ངང་རྒྱུད་འཇམ་པའི་ངག་གི་གདངས་ན་ཨ་གསར་གཏམ་གྱི་ཨ་ལོང་མེད།།
དྲན་པའི་གཏིང་ལ་ཟུག་པའི་ཚོར་བ་ཕྱིར་འགྲོ་མེད་པའི་མགྲོན་པོ་ཡིན།།
སྨྲེང་སྐྱོ་སེམས་ཀྱི་སྣ་གླུ་ཐན་ཐུན་སྲོད་ཁའི་གྲིབ་མས་རྒྱང་ལ་དེད།།
དུང་བའི་འཁྲེན་གཞུང་ཕྱི་ཐག་རིང་བོ་ཞེ་མཐུན་སྣང་བའི་གོང་ཁར་འཁྱིལ།།
སྙིང་ནས་བརྩེ་བའི་དྲན་པའི་གདུང་བ་ཉིད་ལ་འགྲོགས་ཞོར་ཉིད་ལ་བཤད༎
འུ་གཉིས་གཏམ་རྒྱུད་ཡིད་ལ་ལྷུང་བས་ཁོ་བོའི་ལུས་སེམས་དྲོད་སེ་དྲོ༎
རྩོམ་གསར། 10