འོད་དུངས་བུ། 2020-01-08
དབུགས་ངལ་ཡང་གསོ་བའི་ཁོམ་ལོང་མེད་པར།
ལྡེམ་ཤུགས་རྒོད་པའི་སྟོང་བསམ་གྱི་ནང་དུ།
ངས་མེ་ཏོག་རྐང་གཅིག་བཏབ་པ།
སྐྱེ་བ་འདིའི་ཚེ་ཡི་མཐའ་མར་ད་དུང་ཡང་གསོན་ཤུགས་
ལྡན་པའི་ངང་།
མི་ཡུལ་གྱི་ཞོགས་པར་མཁའ་རླུང་གཙང་མ་རྔུབ།
ཁྱི་གུ་ཞིག་གམ་དུ་ལུས་ཤིང་དེ་ཡི་རྣམ་རིག་རྒོད་པོས།
མུན་མག་གི་གཏམ་རྒྱུད་ལ་འཆར་ཡན་གཏོང་མཚམས་བཅད།
ང་ཡི་ལག་པས་བསྙབས་པའི་ལམ་དུ།
ཁྱེད་ཀྱི་ལུས་པོ་མཚམས་མེད་པར་འགུལ།
ངས་ཁྱེད་རང་མཐོང་མ་ཐག་ཏུ་རྒྱང་རིང་བར་འཁྲུལ་ནའང་།
བསླུ་བྲིད་ཀྱི་མཛེས་སྡུག་གིས་འཇིག་རྟེན་གཅིག་ཏུ་བསྡུས།
ད་ལྟ་ང་རང་ཐང་ཆད་ལ་ཉེ་མོད།
ཉག་ག་ནས་ཚུར་མངོན་ཡོང་བ་ནི་འཆར་ཡན་ཁྲོད་ཀྱི་ཁྱེད་
རང་ཡིན་པར་བཏང་།
གལ་སྲིད་ངེད་གཉིས་མཉམ་པོར་རྐང་ཐང་དུ།
མི་ཚེའི་ལམ་བུ་ཕྲ་མོ་གཏམ་རྒྱུད་ཀྱིས་བྲི་བའི་སྐལ་བ་ལྡན་ཚེ།
ངས་ཁྱེད་ཀྱི་ཕྱོགས་སུ་ཡིག་འབྲུ་ཁྲི་སྟོང་གིས་ཕྲ་བཏབ་པའི་མོ་
ཊ་བཏང་སྟེ།
འུ་གཉིས་མཉམ་དུ་སྐར་ཚོགས་ཀྱི་ཡང་སྟེང་ནས་ལྷིང་
འཇགས་ངང་མཚན་ལྗོངས་རོལ་བར་བྱ།
རྩོམ་གསར། 10