གུ་དཔལ་ཤིས། 2019-11-20
ཚ་བོ་བློ་གྲོས་དྲི་མེད་དང་བསྟན་འཛིན་ལྷ་
སྒྲོན་གཉིས་ཀྱི་གཉེན་སྟོན་ལ།
གཡང་ཁྱིམ་གྲུ་བཞི་བརྩེ་བས་དྲོད་ཀྱིས་བལྟམས་ཏེ།།
གཡང་ཁྱིམ་འཚོ་བ་རོལ་བའི་སྟ་གོན་གྲུབ་སོང་།།
གཡང་ཁྱིམ་ཕྱྭ་གཡང་འཁོར་བའི་དུས་ཚེས་ཉིན་ལ།།
གཡང་ཁྱིམ་འཛོམས་པའི་རྟགས་དང་རྟེན་འབྲེལ་ཡག་ཤོག།
གཡུ་འབྲུག་ལོ་སྙིང་སོན་པའི་སྟག་ཤར་དེ་དང་།།
དྲུག་གསུམ་བཅོ་བརྒྱད་ཡིན་པའི་སྨན་ཆུང་དེ་གཉིས།།
བརྩེ་བའི་ཕྱི་ཐག་དུངས་བས་རྨི་ལམ་ཕབ་ནས།
རང་དབང་རང་འཐད་གཞིས་ཀྱི་འཛོམས་པ་ཡགས་མོ།།
བརྩེ་བའི་རྨུ་ཐག་འོད་ཀྱིས་འཐེན་པ་དེ་རིང་།།
དུང་བའི་འོ་མཚོ་འཁྱིལ་བ་ཆབ་ཀྱི་འགོ་མ།།
རྡོ་མཁར་སྨུག་པོ་དྲོད་ཀྱིས་བལྟམས་པའི་ཉིན་མ།།
གཡང་ཚང་འཛོམས་པའི་འཚོ་བའི་ཉིན་ཞག་དང་པོ།།
གནས་ལ་གནས་ཀྱི་གོམས་སྲོལ་མ་ཉམས་འཛིན་དགོས།།
གཉེན་ལ་གཉེན་གྱི་ལུགས་སྲོལ་མ་བོར་ཚང་དགོས།།
གནའ་དེང་ཟུང་དུ་སྦྲེལ་བའི་གཉེན་སྟོན་དུས་ཚེས།།
འདི་ལྟར་འཛོམས་པར་བཀྲ་ཤིས་ཕུན་སུམ་ཚོགས་ཤོག།
འཚོ་བ་མི་ནུབ་ལྷ་ཀླུ་དཔལ་གྱིས་ཁྱབ་ཤོག།
མཛའ་མཐུན་མི་འགྱུར་གཡུང་དྲུང་རི་མོ་བྲིས་ཤོག།
བདེ་སྐྱིད་མི་ཉམས་འཚོ་བའི་འཛུམ་དྲོད་ཁོལ་ཤོག།
འདོད་དོན་མི་བོར་ཁ་ལས་རླུང་རྟ་དར་ཤོག།
རྩོམ་གསར། 10