གསར་འགྱུར་གནད་བསྡུས།

        2019-11-04

༄༅།། སྤྱི་ཟླ10པའི་ཚེས29ཉིན། འབའ་ཐང་རྫོང་གིས་ལས་ཞུགས་དབུལ་སྐྱོར་གྱི་ཆེད་དོན་གདན་ཞུ་ལྷན་ཚོགས་ཐོག ཀོང་ཏུང་ཞིང་ཆེན་དང་ཁྲེང་ཏུའུ་གྲོང་ཁྱེར། ཧྲོང་ལིའུ་ཆུས། འབའ་ཐང་རྫོང་སོགས་ས་གནས་ཀྱི་ཁེ་ལས31ལ་ལས་གནས1000ལྷག་མཁོ་འདོན་བྱས་ཡོད་པ་རེད། བསྡོམས་རྩིས་བྱས་པར་གཞིགས་ན། ཡུལ་དངོས་སུ་གྲོས་དྲིས་བྱེད་མཁན་གྱི་མི་གྲངས་ཁྱོན་བསྡོམས1000ལྷག་ཡོད་པ་དང་། མིང་ཐོ་འགོད་མཁན་གྱི་མི་གྲངས300ལྷག་ཡོད་པའི་ནང་ནས་ཐོག་མའི་གྲོས་མཐུན་ཡི་གེ་འཇོག་མཁན་གྱི་མི་གྲངས100ལྷག་ཡོད། ཡུལ་དངོས་སུ་རིགས་སྣ་ཚོགས་ཀྱི་དྲིལ་བསྒྲགས་ཡིག་རིགས535བཀྲམ་ཡོད་པ་རེད།

༄༅།། སློབ་གྲྭའི་དགེ་རྒན་གྱི་བབ་བསྟུན་རོགས་སྐྱོབ་འདུ་ཤེས་ཇེ་དྲག་དང་གླུ་བུར་དུ་བྱུང་བའི་གནོད་སྐྱོན་དང་བསམ་ཡུལ་ལས་འདས་པའི་རྨས་སྐྱོན་ཤོར་སྐབས་རང་སྐྱོབ་དང་ཕན་ཚུན་སྐྱོབ་རེས་ཀྱི་བྱེད་ནུས་ཇེ་དྲག་ཏུ་གཏོང་ཆེད། ཉེ་ཆར། བརྒྱད་ཟིལ་རྫོང་རྒྱ་གྲམ་དམར་པོ་ལྷན་ཚོགས་ཀྱིས་བབ་བསྟུན་སྐྱོབ་རོགས་དངོས་སྦྱོང་དགེ་རྒན་གདན་འདྲེན་ཞུས་ཏེ་ཧྲང་ཕིང་ལས་རིགས་སློབ་འབྲིང་དུ་ཕྱིན་ནས།ལས་གྲྭ་དང་པོར་ཡོད་པའི་དགེ་རྒན40ལྷག་ལ་དུས་ཡུན་ཉིན་གཉིས་རིང་ལ་བབ་བསྟུན་སྐྱོབ་རོགས་སྦྱོང་བརྡར་བྱས་པ་རེད།

༄༅།། ཉེ་ཆར། ཁུལ་རིག་རྩལ་ཁང་དུ་དར་མདོ་གྲོང་ཁྱེར་དང་ལྕགས་ཟམ་རྫོང་ནས་འོངས་པའི་སློབ་གྲྭ་འབྲིང་ཆུང24ཡི་སློབ་མ92སྐབས་དང་པོའི་དར་མདོའི་སློབ་གྲྭ་འབྲིང་ཆུང་གི་འཕྲུལ་ཆས་ཀྱི་མི་འགྲན་བསྡུར་བྱེད་སྒོའི་ནང་ཞུགས་ནས། འགྲན་བསྡུར་ཁྲོད་གསར་གཏོད་ཇུས་འགོད་ཀྱིས་གཞི་བྱས་པའི་ལྷུ་སྒྲིག་འགྲན་བསྡུར་དང་། Mixlyའཕྲུལ་ཆས་མི་ཇུས་འགོད་འགྲན་བསྡུར། Scratchབརྗོད་གཞི་བྱས་པའི་གོ་རིམ་སྒྲིག་པའི་འགྲན་བསྡུར་བཅས་བྱས་ནས། ཨང་དང་པོའི་བྱ་དགའ་རག་མཁན4དང་། ཨང་གཉིས་པའི་བྱ་དགའ་རག་མཁན8 ཨང་གསུམ་པའི་བྱ་དགའ་རག་མཁན12 ཕུལ་བྱུང་གི་བྱ་དགའ་རག་མཁན68། དེའི་ནང་དར་མདོ་གྲོང་ཁྱེར་མི་ཉག་ལྟག་སྒོའི་སློབ་ཆུང་ལ་གསར་གཏོད་ཇུས་འགོད་ཀྱིས་གཞི་བྱས་པའི་ལྷུ་སྒྲིག་འགྲན་བསྡུར་དང་། Mixlyའཕྲུལ་ཆས་མི་ཇུས་འགོད་འགྲན་བསྡུར་གྱི་ཨང་དང་པོའི་བྱ་དགའ་རག་པ་དང་། ཧུའེ་རིགས་སློབ་ཆུང་ལScratchབརྗོད་གཞི་བྱས་པའི་གོ་རིམ་སྒྲིག་པའི་འགྲན་བསྡུར་གྱི་ཨང་དང་པོའི་བྱ་དགའ་རག་ཡོད་པ་རེད།

  • ལེ་ཚན་སྔོན་མ།:འཆི་མེད་རྡོ་རྗེས་རང་གི་སྔོན་ཐོན་བྱས་རྗེས་སྙན་ཞུ་འབུལ་འགོ་ཚུགས།
  • ལེ་ཚན་རྗེས་མ།:རྒྱལ་ཁབ་མི་རིགས་དོན་གཅོད་ཨུ་ལྷན་གྱིས་བརྟག་ཞིབ་དང་ཞིབ་བཤེར་ཚོ་ཆུང་སྣེ་ཁྲིད་བྱས་ནས་ལི་ཐང་དང་འདབ་པ་རྫོང་དུ་མི་རིགས་མཐུན་སྒྲིལ་ཡར་ཐོན་ལས་ཀར་བརྟག་ཞིབ་བྱས།
  • དོ་སྣང་ཆེ་བའི་རྩོམ།