གསེར་རྟ་རྫོང་རྒྱ་ཤོད་ཡུལ་ཚོའི་བརྒྱད་ཁོག་སྡེ་བས་དབུལ་ཐར་ཡོང་བར་ཕྱོགས་མང་པོའི་ཆ་ནས་སྤྱི་ཚོགས་ཀྱི་ཐོན་ཁུངས་ཡོངས་འདུས་དང་།　ཁེ་ལས་ཀྱིས་སྡེ་བར་རོགས་སྐྱོར་བྱེད་པའི་བྱེད་སྒོ་སྤེལ་ནས།　དབུལ་ཐར་འགག་སྒྲོལ་ཁྲོད་ཀྱི་མི་འདང་སར་ཁ་གསབ་དང་གྲུབ་འབྲས་ཇེ་ཆེར་བཏང་བ་རེད　རོགས་སྐྱོར་ཁེ་ལས་ཀྱི་མཐུན་རྐྱེན་བཏོན་ནས་སྡེ་བ་དང་ཁེ་ལས་ཆ་སྒྲིག་མཉམ་ལས་བྱེད་པའི་རྣམ་པ་དང་ལམ་ཕྱོགས་གསར་པ་བཙལ་ནས་སྤྱོད་གོ་ཆོད་པའི་རོགས་སྐྱོར་ཇུས་གཞི་གཏན་འབེབས་བྱས་ཤིང་།　སྡེ་བའི་དངོས་ཡོད་གནས་ཚུལ་ལ་གཞིགས་ནས་ཕྱུགས་འཚོ་གསོ་སྤེལ་དང་སྨན་རྩྭ་རྨོ་འདེབས་གཙོ་བོར་བྱས་པའི་ཐོན་ལས་རོགས་སྐྱོར་ལས་གཞི་ལག་བསྟར་བ་དང་།　ཁ་གཏད་རོགས་སྐྱོར་བྱ་ཐབས་བཅས་སྤྱད་ནས།　２０１９ལོར་དབུལ་ཕོངས་གྲོང་སྡེ་དབུལ་གྲས་ནས་འབུད་པར་སྐུལ་འདེད་བྱས།

     སྤྱི་ཟླ５པའི་ཚེས３ཉིན་ནས་བཟུང་།　སི་ཁྲོན་མའོ་ཡའོ་ནགས་ལས་སྐྱེད་ཚལ་ལས་གཞི་ཚད་ཡོད་ཁེ་ལས་དང་སི་ཁྲོན་ཞིན་ཧྭ་མ་ཡེས་བུ་ལས་རིགས་གསོ་སྦྱོང་སློབ་གྲྭ་གཉིས་དང་མཉམ་དུ་ཁེ་ལས་ཀྱིས་སྡེ་བ་ལ་རོགས་སྐྱོར་བྱེད་ཅེས་པའི་བཞུགས་མོལ་ཚོགས་འདུ་དང་མིང་འགོད་བྱེད་སྒོ་སྤེལ་ཞིང་།　ཐོན་ལས་མཉམ་ལས་ཐད་ནས་སི་ཁྲོན་མའོ་ཡའོ་ནགས་ལས་སྐྱེད་ཚལ་ལས་གཞི་ཚད་ཡོད་སྤྱི་གཉེར་ཁང་དང་མཉམ་འབྲེལ་བྱས་ནས།　མང་ཚོགས་ཁྲིམས་སྐྱོང་རིག་གནས་ཐང་ཆེན་འཛུགས་སྐྲུན་ཁྲོད་ཞུགས་ནས་འཆར་འགོད་ཇུས་གཞི་བཏོན་པ་དང་ཆེད་ལས་རུ་ཁག་གིས་ཡུལ་དངོས་ནས་ལས་སྒྲུབ་བྱས་ཤིང་།　ཡུལ་སྐོར་ལས་རིགས་སྤེལ་བར་རོགས་སྐྱོར་ཤུགས་ཆེན་བྱས་ནས།　བརྒྱད་ཁོག་སྡེ་བའི་དཔལ་འབྱོར་ལ་གོང་འཕེལ་ཆེན་པོ་ཐེབས་པ་དང་།　སྡེ་བའི་སྤྱིའི་དཔལ་འབྱོར་ཡང་ཇེ་བཟང་དུ་ཕྱིན་ཡོད།

     དབུལ་སྐྱོར་དང་རིག་སྐྱོར་གྱི་ཕྱོགས་ནས།　ཁྲེང་ཏུའུ་ཞིན་ཧྭ་ཡེས་མ་བུ་ལས་རིགས་ནུས་རྩལ་གསོ་སྦྱོང་སློབ་གྲྭ་དང་མཉམ་དུ་རོགས་སྐྱོར་ཇུས་གཞི་བཀོད་པ་དང་།　མང་ཚོགས་ལ་ཇ་མ་དང་དང་ཁྱིམ་ལས།　མ་བུ་གསོ་སྐྱོང་སོགས་སྤྱི་ཕན་ལག་རྩལ་སོགས་གསོ་སྦྱོང་བྱས་ནས།　ཐོན་སྐྱེད་ཀྱི་རྩལ་ནུས་དང་འཚོ་བའི་ཆ་རྐྱེན་སོགས་ཇེ་ལེགས་སུ་བཏང་།　སློབ་མ་དང་དབུལ་ཕོངས་ཁྱིམ་ཚང་བར་གྱི་ཁ་གཏད་རོགས་སྐྱོར་སྤེལ་ནས།　སློབ་མས་ཁྱིམ་པ་ཁྲིད་པ།　ཁྱིམ་པས་སྡེ་བ་འཁྲིད་རྒྱུའི་སློབ་གསོའི་བྱེད་ཐབས་སྤྱད་ནས་དབུལ་སྐྱོར་ལ་སྐུལ་འདེད་དང་།　དབུལ་སྐྱོར་གནད་སྨིན་ལག་བསྟར་བྱས་ནས་དབུལ་ཐར་འགག་སྒྲོལ་གྱི་ནུས་འབྲས་ཇེ་ཆེར་བཏང་སྟེ།　མང་ཚོགས་ལ་ཡོང་འབབ་འཕར་སྣོན་བྱ་ཐུབ་པའི་ལམ་བུ་ཡང་དག་ཞིག་བཏོད་པ་རེད།