ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  ཉེ་སྔོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་རྒྱལ་སྲིད་སྤྱི་ཁྱབ་ཁང་གི་བཀའ་རྒྱའི་སྟེང་མིང་བཀོད་དེ། སྲིད་གཞུང་གི་དངུལ་གཏོང་སྲོལ་ཡིག་ཁྱབ་བསྒྲགས་བྱས་པ་དང་། སྲོལ་ཡིག་དེ2019ལོའི་ཟླ་བདུན་པའི་ཚེས་གཅིག་ཉིན་ནས་བཟུང་ལག་བསྟར་བྱེད་རྒྱུ་རེད།

སྲོལ་ཡིག་ནང་གཅིག་ནས་སྲིད་གཞུང་གི་དངུལ་གཏོང་ཁྱབ་ཁོངས་དང་། གཉིས་ནས་སྲིད་གཞུང་གི་དངུལ་གཏོང་བའི་རྩ་དོན་གཙོ་བོ་དང་གཞི་རྩའི་རེ་བ། གསུམ་ནས་སྲིད་གཞུང་གི་དངུལ་གཏོང་ཇུས་ཆོད་གོ་རིམ་ཚད་ལྡན་དུ་གཏོང་བ་དང་ལེགས་བསྒྱུར་བྱེད་པ། བཞི་ནས་སྲིད་གཞུང་གི་དངུལ་གཏོང་ཐད་ཀྱི་ལོ་ཧྲིལ་བོའི་འཆར་འགོད་ཀྱི་འབྲེལ་ཡོད་རེ་བ། ལྔ་ནས་ལས་གཞི་ལག་བསྟར་དང་ལག་བསྟར་རྗེས་ཀྱི་ལྟ་སྐུལ་དོ་དམ་གཟབ་ནན་དུ་གཏོང་བ་བཅས་གཏན་ཁེལ་གསལ་བོ་བྱས་ཡོད།