སྦྲ་དུངས་སེམས། 2019-02-22
ལོ་སར། ཁ་གཡང་དང་སྨོན་ཚིག
མེ་ཏོག་བཞིན་མི་རྣམས་ཀྱི་ཁ་ན་འཛུམ།
དགོད་སྒྲ་དང་བདེ་སྐྱིད་ཀྱི་གླུ་དབྱངས།
དྲི་ཟའི་གྲོང་ཁྱེར་ས་ལ་བབས་པ་བཞིན་མཛེས།
ལོ་སར་བའི་ཉི་མ།
འཇིག་རྟེན་གྱི་སྡུག་བསྔལ་རེ་ཞིག་སྟོང་འགྲོ།
ཉི་མ་དེར་ལྷན་འཛོམས་ཀྱི་ལྗོན་པ་ངང་གིས་རྒྱས།
ཕ་མ་ཚོའི་གདོང་གི་གཉེར་མའི་གསེབ་ནས།
འཇམ་གཉེན་འཛུམ་མདངས་ལྷུག་ལྷུག་བགད།
ལོ་སར། མི་རྣམས་ཀྱིས།
འདས་ཟིན་པ་ཡོད་ཚད་ཕར་བསྐྱལ་ཏེ།
བཀྲ་ཤིས་པའི་བྱ་བའི་དབུ་ཁྱུད་འབྲི་བའི་ཉི་མ་ཡིན།
དེའི་ཕྱིར་ཉི་མ་དེ་བཀྲ་ཤིས་ན།
ཞག་པོ་སུམ་བརྒྱ་དྲུག་ཅུ་བཀྲ་ཤིས་པའི་རྟེན་འབྲེལ་ཡོད།
གང་ལྟར།
ཉི་མ་དེར་པིར་སྨྱུག་པ་ཞིག་གིས།
སྨྱུག་རྩེ་ངོམ་བཞིན་པ་དང་ཡེ་ནས་མཚུངས།
ཉི་མ་དེར་སྙན་ངག་པ་ཞིག་གིས་ཀྱང་།
ངག་གི་སྒྱུ་རྩལ་འཚོལ་བཞིན་པ་དང་ཡེ་ནས་འདྲ།
རྩོམ་གསར། 10