ཟླ་བ་དང་པོའི་ཚེས30ཉིན་གྱི་སྔ་དྲོར། ལུགས་རྙིང་ལོ་སར་དང་བོད་ལོ་སར་འཆར་ལ་ཉེ་བའི་སྐབས་ཁུལ་ཨུའི་ཧྲུའུ་ཅི་ལིའུ་ཁྲེང་མིང་དཀར་མཛེས་ཉིན་རེའི་ཚགས་པར་ཁང་དུ་འཚམས་འདྲིར་ཕེབས་ཤིང་། ལོ་སར་གྱི་འཚམས་འདྲིའི་ལེགས་སྐྱེས་ཀྱང་གནང་བ་རེད།

   ལིའུ་ཁྲེང་མིང་གིས2018ལོར་དཀར་མཛེས་ཉིན་རེའི་ཚགས་པར་ཁང་གིས་ཁུལ་ཡོངས་ཀྱི་འཕེལ་རྒྱས་དང་དམངས་འཚོ། བརྟན་བརླིང་། དབུལ་ཐར་འགག་སྒྲོལ། གྲོང་ཡུལ་དར་རྒྱས་བཅས་ཀྱི་ཐད་ལ་བྱས་རྗེས་མི་དམན་པ་བཞག་པ་དང་། 2019ལོ་ནི་ཀྲུང་གོ་གསར་པ་དབུ་བརྙེས་ནས་ལོ70འཁོར་བ་ཡིན་ལ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པར་སློབ་སྦྱོང་དང་ལག་བསྟར་ལེགས་པོར་བྱ་དགོས་པ་དང་། ཏང་ཀྲུང་དབྱང་གི་སྲིད་ཇུས་བྱེད་ཕྱོགས་ཁག་དྲིལ་བསྒྲགས་དང་ལག་བསྟར་ཡག་པོ་བྱེད་ཅིང་། བོད་ཁུལ་གྱི་གླེང་ཕྱོགས་འཐབ་ར་སྲུང་འཛིན་ཡག་པོ་བྱེད་པ་དང་། ཧུར་ཐག་གིས་འཕྲིན་སྦྱོར་མཉམ་འདྲེས་འཕེལ་རྒྱས་ཡོང་བར་སྐུལ་འདེད་གཏོང་ཞིང་། མུ་མཐུད་དུ་ཡར་རྒྱས་བརྩོན་ལེན་གྱི་སྙིང་སྟོབས་དར་སྤེལ་བཏང་ནས་རང་ཁུལ་གྱི་དྲིལ་བསྒྲགས་ལས་ཀ་སྐས་རིམ་གསར་པའི་ཐོག་ཏུ་སླེབས་པར་བྱ་དགོས་ཞེས་ཐུགས་རེ་གནང་བ་རེད།

   ཁུལ་ཨུའི་རྒྱུན་ཨུ། དྲིལ་བསྒྲགས་པུའུ་ཡི་པུའུ་ཀྲང་བྱམས་བློ་དང་ཁུལ་སྲིད་གཞུང་གི་ཁུལ་དཔོན་གཞོན་པ་ཁྲེན་ཅིང་ཡང་འཚམས་འདྲིར་ལྷན་ཕེབས་གནང་བ་རེད།