མར་མེའི་མཆོད་ཀོང་གི་གྲིབ་གཟུགས་ཐེད་པོའི་འོག

གསེར་གྱི་མཆི་མ་འདྲ་བའི་འོད་མདངས་ཤིག་ལྷུང་མྱོང་།

སེམས་ཀྱི་རྒས་གཉེར་ཐང་གང་།

ཆར་རྗེས་ཀྱི་སྨུག་པ་བཞིན་གཟིམ་འགྲོ་དུས།

ངས་ཕ་ཡུལ་དྲན་བྱུང་།

ཕ་ཡུལ་ཟེར་བའི་ཐག་ཉེ་བོ་དེ་དྲན་བྱུང་།

ཕ་ཡུལ་ན་མཚམས་སྤྲིན་གྱི་ལྭ་བ་གོན་པའི་ཕྱི་མི་ཧ་ཅང་མང་།

ང་ཚོའི་སྙིང་གཏམ་སྒོར་བུད་ས་མེད།

ཁོང་ཚོའི་ཁྱོ་ག་དང་ནག་མོས།

བུ་དང་མོས།

ཕྲུ་གུ་ཆུང་ཆུང་ཚོས་ཀྱང་།

ས་སྲོད་རེ་རེར་ནས་རྩྭ་ཐང་ཁོ་ནར་ཧམ་བཟུང་བྱེད་བཞིན་ཡོད།

སེམས་འཚབ་ཅན་གྱི་མི་ང་ཚོ་ཕ་ཡུལ་དུ་ལོག་དུས།

ཕ་ཡུལ་ལ་ཁྱེད་ཀྱི་མིང་ལུས་ཡོད་པ་དྲན་ནའང་ཆོག

ཕ་ཡུལ་ལ་ཁྱེད་ཀྱི་གོམ་པ་རུལ་ཡོད་པ་བརྗེད་ནའང་ཆོག

དུས་ཀྱི་དབང་ཐང་བར་ན།

ཕ་ཡུལ་ནི་མི་མེད་ས་དེ།

མེ་ཏོག་སྤུངས་ས་དང་གླུ་དབྱངས་འཁོར་ས་དེ།

པར་མིག་གཏད་ས་དེ།