མེ་ལོང་ནག་པོ། 2018-11-08
སྨུག་པ་རི་ལ་ཞོགས་པའི་ད་ནང་ཀྱེ།།
ལས་ཀྱི་གྱེས་བྲལ་ཡིན་པ་མ་གསུངས་དང་།།
མིག་མཐའི་བཙང་བོ་བྲུག་པའི་རབ་ཁ་ནས།།
མཇུག་མཐའི་གླུ་ངག་དབྱངས་ལ་གྱེར་ཏེ་ལེན།།
སེམས་པ་སེམས་པར་བརྒྱུས་པའི་སྙིང་མཐུན་ཀྱེ།།
འཁོར་བ་སྡུག་བསྔལ་ཡིན་པར་མ་གསུངས་དང་།།
དྭངས་བའི་ཞལ་ལ་འཛུམ་གྱིས་འོད་ཀོར་ཡོད།།
མི་ཚེའི་མཚར་སྡུག་མག་མོག་ཁོ་ན་ཡིན།།
ལས་ཀྱི་རྒྱང་ཐག་རིང་བའི་ཡིད་འོང་ཀྱེ།།
རྨི་ལམ་བདེན་པ་ཡིན་པར་མ་གསུངས་དང་།།
འཁོར་བའི་ཆོས་ཉིད་གྲུབ་པའི་རྗེས་ཤུལ་དུ།།
སྐྱིད་སྡུག་རེས་མོས་ཚུལ་གྱིས་འཁོར་ནས་ཡོང་།།
རྩོམ་གསར། 10