ལོ་ལྟར་གྱི་ཟླ་ལྔ་པ་དང་དྲུག་པ་ནི་གྱ་གྱུའི་རི་བོའི་འདབས་སུ་གནས་པའི་སི་ཁྲོན་ཞིང་ཆེན་པའོ་ཞིན་རྫོང་ཆའོ་ཆིས་བོད་རིགས་ཁུལ་གྱི་འབྲི་གཡག་གི་རྩིད་པ་འབྲེག་པའི་དུས་རེད། འབྲི་གཡག་གི་རྩིད་པ་འབྲེག་པ་ནི་ཡུལ་དེ་གའི་བོད་རིགས་ཚོའི་ལོ་གཅིག་དུས་གཅིག་གི་བྱེད་སྒོ་གལ་ཆེན་གྲས་ཤིག་ཡིན་པ་དང་། འབྲི་གཡག་གི་རྩིད་པ་འབྲེག་པར་ཡང་ལས་བགོས་ཡོད་དེ། སྐྱེས་པ་ཚོས་འབྲི་གཡག་ས་སྟེང་དུ་གནོན་པ་དང་། འགྲམ་གྱི་བུད་མེད་རྣམས་ཀྱིས་རྩིད་པ་འབྲེག་གི་ཡོད་ལ། དེ་དང་དུས་མཚུངས་སུ་འབྲི་གཡག་ལ་ཚྭ་དང་སྣུམ་སྟེར་བ་དང་། སྔོན་འགོག་སྨན་ཁབ་རྒྱག་པ། གཡག་ཕྲུག་རྣམས་ལ་ངོས་འཛིན་ཐབས་ཀྱི་རྟགས་བཀོད་ནས་མི་གཞན་གྱི་འབྲི་གཡག་དང་མ་ནོར་བ་བྱ་ཆེད་ཡིན་པ་རེད།